நம் தமிழை முறையாக அறிவோமே !

by **M.Jagadeesan** Fri Jun 17, 2016 8:53 am

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.

நாள் + கோள் = நாள்கோள் நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.

காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

by யினியவன் Tue Jun 21, 2016 11:16 pm

பெண் சொல்வாள் என் மண நாள் என
ஆண் சொல்வான் நான் காலியான நாள் என புன்னகை

by **விமந்தனி** Tue Jun 21, 2016 11:20 pm

அதீதமான கற்பனை என்றாலும் ரசிக்க முடிகிறது. சூப்பருங்க

by **M.Jagadeesan** Tue Jun 21, 2016 11:32 pm

விமந்தனி wrote:மணநாள் கொண்டாடும் தம்பதியர், இன்று எங்களது திருமண நாள் என்று சொல்வது சரியா? அல்லது இன்று எங்களது கல்யாண நாள் என்று சொல்வது சரியா? இரண்டும் ஒரே அர்த்தம் தருபவையா.... அல்லது இரண்டிற்கும் ஏதேனும் வித்தியாசம் இருக்கிறதா?

மேற்கோள் செய்த பதிவு: 1212048

இன்று எங்கள் திருமண நாள் என்று சொல்லலாம்

அல்லது

இன்று எங்கள் கல்யாண நாள் என்று சொல்லலாம்.

" எங்களது " என்று சொல்லக் கூடாது .

by **விமந்தனி** Tue Jun 21, 2016 11:34 pm

ஓ...!
.
.
.
.
விளக்கத்திற்கு நன்றி ஐயா.

by Guest Wed Jun 22, 2016 12:16 am

கல்யாணம் தவறு. கலி(மகிழ்ச்சி)+யாணம்(விழா) (சுபகாரியம் என்று பொருள்) இதில் குடுமிக் கலியாணம், பூணூல் கலியாணம் என பலவற்றையும் சொல்லலாம்.

திருமணம் என்பதே சரியானதாகும்.
திருமண நாள் - என்னைப்போல் விளக்கக் குறைவானவர்களுக்கு, முதலாம் ஆண்டு திருமண நாள் -நாலாம் திருமண நாள் வாழ்த்து-என்று சொல்வது சிறப்பு.

கிருஷ்ணா-ஆர்த்தி திருமண நாள் விசயத்தில் முதலில் திருமணம் என எண்ணி இருந்தேன். மேலே பார்த்த போதுதான் தெரிந்தது Wedding Anniversary என்பது.அனுபவக் குறைவு தான் போகப் போக சரியாகி விடும்.

by **krishnaamma** Wed Jun 22, 2016 12:22 am

யினியவன் wrote:பெண் சொல்வாள் என் மண நாள் என
ஆண் சொல்வான் நான் காலியான நாள் என

" ஓ ............ அது தான் வாத்தியார் மாமா, " நல்ல நேரம் முடியபோகுது" என்று பலதடவை சொல்கிறாரா? ஜாலி

by **krishnaamma** Wed Jun 22, 2016 12:24 am

மூர்த்தி wrote:கல்யாணம் தவறு. கலி(மகிழ்ச்சி)+யாணம்(விழா) (சுபகாரியம் என்று பொருள்) இதில் குடுமிக் கலியாணம், பூணூல் கலியாணம் என பலவற்றையும் சொல்லலாம்.

திருமணம் என்பதே சரியானதாகும்.
திருமண நாள் - என்னைப்போல் விளக்கக் குறைவானவர்களுக்கு, முதலாம் ஆண்டு திருமண நாள் -நாலாம் திருமண நாள் வாழ்த்து-என்று சொல்வது சிறப்பு.

கிருஷ்ணா-ஆர்த்தி திருமண நாள் விசயத்தில் முதலில் திருமணம் என எண்ணி இருந்தேன். மேலே பார்த்த போதுதான் தெரிந்தது Wedding Anniversary என்பது.அனுபவக் குறைவு தான் போகப் போக சரியாகி விடும்.

மேற்கோள் செய்த பதிவு: 1212084

யாருக்கு அனுபவக் குறைவு மூர்த்தி...நான் சரியா போடலையா?...சொல்லுங்கோ திருத்திவிடுகிறேன் ! புன்னகை

by யினியவன் Wed Jun 22, 2016 12:27 am

விமந்தனி wrote: அதீதமான கற்பனை என்றாலும் ரசிக்க முடிகிறது.

மேற்கோள் செய்த பதிவு: 1212060
அதீத அமிர்தமும் (குடும்ப வாழ்க்கை) நஞ்சாமே புன்னகை

by Guest Wed Jun 22, 2016 12:43 am

ஐயையோ! என்னை சொன்னேன் கிருஷ்ணா அம்மா. அவசரமாக வந்து மேலே wedding anneversary ஐ பார்க்காமல் திருமணம் என்று முடிவெடுத்தது என் அனுபவக் குறைவு தான். தேனீர் இடைவேளையில் ஐந்தே நிமிடங்கள் வந்திருந்தேன்.

by **krishnaamma** Wed Jun 22, 2016 1:12 am

மூர்த்தி wrote:ஐயையோ! என்னை சொன்னேன் கிருஷ்ணா அம்மா. அவசரமாக வந்து மேலே wedding anneversary ஐ பார்க்காமல் திருமணம் என்று முடிவெடுத்தது என் அனுபவக் குறைவு தான். தேனீர் இடைவேளையில் ஐந்தே நிமிடங்கள் வந்திருந்தேன்.

மேற்கோள் செய்த பதிவு: 1212097

சரி,...சரி...பதறவேண்டாம் மூர்த்தி புன்னகை

.......... ஆறுதல்