நம் தமிழை முறையாக அறிவோமே !

by **M.Jagadeesan** Fri Jun 17, 2016 8:53 am

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.

நாள் + கோள் = நாள்கோள் நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.

காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

by **krishnaamma** Tue Jun 21, 2016 10:18 am

M.Jagadeesan wrote:கூடுதல் பேருந்துகள் என்று சொல்வதில் தவறில்லை .

நன்றி ஐயா

by **krishnaamma** Tue Jun 21, 2016 10:23 am

மூர்த்தி wrote:அம்மா மன்னித்தால் ஈரிலை சரியென்பேன். இல்லையேல் இரட்டை இலை என்பேன்.

கூர் உளிக் குயின்ற ஈரிலை இடை இடுபு- இது நக்கீரன் சொன்னது.

கோர்வை தவறு கோவை என்பதே சரி. மாலை கோர்த்தார் கைகோர்த்து ,கோர்வையாகப் பேசினார் என்பவை தவறாகும். ர் -தவிர்த்து கோவை என்பதையே பயன்படுத்த வேண்டும்.

மடந்தை பொன்-திரு மேகலை மணி உகவே மாசு
அறத் திகழும் ஏகாந்த
இடம்தனில் புரிந்தே நான் அயர்ந்து இருப்ப, எடுக்கவோ?
கோக்கவே? என்றான்; (ர்- தவிர்த்து எழுத வேண்டும்)

மேற்கோள் செய்த பதிவு: 1211823

சூப்பருங்க

நல்ல விளக்கம் புன்னகை

by **krishnaamma** Tue Jun 21, 2016 10:23 am

M.Jagadeesan wrote:முகர்ந்து , மோந்து - எது சரி ?

மலரை எடுத்து முகர்ந்து பார்த்தான் என்று கதையில் எழுதுகிறார்கள். முகர்ந்து என ஒரு சொல் தமிழில் இல்லை.

மோந்து எனும் சொல்லே முகர்ந்து என மாறிவிட்டது. மோந்து பார்த்தல் என்று சொல்லுவதில்லையா? மோப்பநாய், “மோப்பக்குழையும் அனிச்சம்’ என்பன காண்க.

எனவே மோந்து என்பதே சரி .

மேற்கோள் செய்த பதிவு: 1211767

தண்ணீர் எடுப்பதைக் கூட " தண்ணீர் மோந்துகிட்டு வா" ..........'தண்ணீர் முகர்ந்துக்கொண்டு வா" 'தண்ணீர் மொண்டுக்கொண்டு வா' என்கிற பொருள் பட சொல்வார்களே.........எது சரி ஐயா?

by **M.Jagadeesan** Tue Jun 21, 2016 10:32 am

முகந்து கொண்டு வா என்பதுதான் மோந்துகிட்டு வா என்றாயிற்று .

by **krishnaamma** Tue Jun 21, 2016 10:36 am

M.Jagadeesan wrote:முகந்து கொண்டு வா என்பதுதான் மோந்துகிட்டு வா என்றாயிற்று .

மேற்கோள் செய்த பதிவு: 1211950

ம்ம்...சரி ஐயா புன்னகை

.
.
ஐயா, அந்த screen shot பார்த்திங்களா? புன்னகை

by **M.Jagadeesan** Tue Jun 21, 2016 10:56 am

பதட்டமா ? பதற்றமா ?- எது சரி ?

அப்பா : என்னடா ! பதட்டமா இருக்கே !

மகன் : இன்றைக்கு ரிசல்ட் வருதுப்பா ! அதான் பதற்றமா இருக்கேன் .

அப்பா சொன்னது சரியா ? மகன் சொன்னது சரியா ?

மகன் சொன்னதுதான் சரி . பதற்றம் என்பதே சரி .

"பதறாத காரியம் சிதறாது " என்பது பழமொழி .

by **M.Jagadeesan** Tue Jun 21, 2016 11:01 am

சுவற்றிலா ? சுவரிலா ? - எது சரி ?

சுவற்றிலே எழுதாதே !

சுவரிலே எழுதாதே !

சுவரிலே என்பதுதான் சரி .

கழுதை கெட்டால் குட்டிச் சுவர் .

by **krishnaamma** Tue Jun 21, 2016 11:18 am

நல்லன அறிந்து கொண்டேன் ஐயா புன்னகை

by **M.Jagadeesan** Tue Jun 21, 2016 9:38 pm

தவக்களை , தவளை - எது சரி ?

தவளை என்பதே சரி .

ஆற்று வெள்ளம் நாளைவரத்
தோற்றுதே குறி – மலை
யாள மின்னல் ஈழ மின்னல்
சூழ மின்னு தே
நேற்றும் இன்றும் கொம்பு சுற்றிக்
காற்றடிக்குதே – கேணி
நீர்ப்படு சொறித் தவளை
கூப்பிடு குதே !

முக்கூடற்பள்ளு

by **விமந்தனி** Tue Jun 21, 2016 10:49 pm

மணநாள் கொண்டாடும் தம்பதியர், இன்று எங்களது திருமண நாள் என்று சொல்வது சரியா? அல்லது இன்று எங்களது கல்யாண நாள் என்று சொல்வது சரியா? இரண்டும் ஒரே அர்த்தம் தருபவையா.... அல்லது இரண்டிற்கும் ஏதேனும் வித்தியாசம் இருக்கிறதா?