நம் தமிழை முறையாக அறிவோமே !

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:  

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.  

நாள் + கோள் = நாள்கோள்  நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.  

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

 கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று  

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.


காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

M.Jagadeesan wrote:

krishnaamma wrote:

krishnaamma wrote:

இதில் 'காற் பதனி  ' என்று போட்டுள்ளார்கள், அது 'காற்றுப் பதனி' என்று இருக்க வேணாமா ? ......காற் பதனி என்றால் ஏதோ நம் கால்களை சொல்லுவது போல இருக்கிறதே ஐயா?

மேற்கோள் செய்த பதிவு: 1215784

Air Conditioner என்பதைத்தான் காற்பதனி என்று தமிழில் சொல்கிறார்கள் .

கால் + பதனி = காற்பதனி

கால் என்றால் காற்று என்று ஒரு பொருள் உண்டு .

ஜன்னலுக்கு " காலதர் " என்று ஒரு பெயருண்டு .

கால் + அதர் = காலதர்

கால் என்றால் காற்று
அதர் என்றால் வழி

அதாவது காற்றுவரும் வழியைக் " காலதர் " என்று நம் முன்னோர்கள் குறிப்பிட்டார்கள் .

வரும் காற்றினைப் பதப்படுத்துவதால் " காற் பதனி " என்று அக்கருவிக்குப் பெயர் .

மேற்கோள் செய்த பதிவு: 1215790

ஓ... சரிசரி......விளக்கத்துக்கு நன்றி ஐயா .............

M.Jagadeesan wrote:

krishnaamma wrote:

கார்த்திக் செயராம் wrote:ஆப்பிள் - அறத்தி பழம் என்று கூற கேள்வி பட்டுள்ளேன் இது சரியா ??

மேற்கோள் செய்த பதிவு: 1215788

ம்ம்..தெரியலையே கார்த்தி, ஐயா தான் சொல்லவேண்டும்

மேற்கோள் செய்த பதிவு: 1215789

ஆப்பிளுக்கு ' குமளிப்பழம் ' , "அறத்திப்பழம் " என்று பெயர்கள் உண்டு .

மேற்கோள் செய்த பதிவு: 1215792

இந்தப் பெயர்களை இப்போது தான் கேள்விப்படுகிறேன் ஐயா !

அதேபோல "முளரி " என்றால் முட்செடி என்றும் தாமரை என்றும் பொருள் உண்டு .

ரோஜாச் செடியில் முள் இருப்பதால் அதை " முளரி " என்று அழைக்கிறார்கள் .

" அட்டு " என்றால் வெல்லம் என்று பொருள்.

" இன் " என்றால் இனிமையான என்று பொருள் .

எனவே இனிமையான வெல்லம் போல இருப்பதால் சாக்லேட்டுக்கு " இன்னட்டு " என்று பெயர் .

சக்களத்தி , சகக்கழுத்தி எது சரி ?

சகக்கழுத்தி என்பதே சரி .

ஒன்றிற்கு மேற்பட்ட தாரத்தை சகக்கழுத்தி என்று சொல்கிறோம் .

M.Jagadeesan wrote:சக்களத்தி , சகக்கழுத்தி எது சரி ?

சகக்கழுத்தி என்பதே சரி .

ஒன்றிற்கு மேற்பட்ட தாரத்தை சகக்கழுத்தி என்று சொல்கிறோம் .

மேற்கோள் செய்த பதிவு: 1215860

சக கழுத்தி ஒத்துக்கொள்ளக் கூடிய காரண பெயர் .
"சக " என்பது தமிழ் சொல்லா ? வடமொழியா ?

மனைவியின் சகோதரியின் கணவனை , தமிழில் சகலை என்று ஒரு சொல் சொல்லுகிறோம் .இது சரியா ?

ரமணியன்

" சக " என்பது வடசொல்தான் .

சக = உடன்

உடன் பணியாற்றும் ஊழியரை சக ஊழியர் என்று அழைக்கிறோம் .

சக + உதரன் = சகோதரன் .

உதரம் = வயிறு

ஒரே வயிற்றில் உடன் பிறந்தவனை சகோதரன் என்று அழைக்கிறோம் .

மனைவியின் தங்கை /அக்காள் கணவனை சகலை என்றும் சட்டகர் என்று அழைக்கும் வழக்கம் நம்நாட்டில் உள்ளது .

சகலன் என்றால் மனைவியின் உடன் பிறந்தாளின் கணவன் . அதுவே சகலை ஆயிற்று .

முழு ஆண்டுத்தேர்வு , முழுவாண்டுத் தேர்வு எது சரி ?

முழு + ஆண்டு = முழுவாண்டு

முழு ஆண்டுத்தேர்வு என்றே எழுதிப் பழகிவிட்டோம் .

ஆனால்

முழுவாண்டுத்தேர்வு என்று எழுதுவதே சரி .

நன்றி Jagadeesan .
சக கழுத்தி என்பது சரியான வார்த்தை .
சக என்பது வடமொழி சொல்
"சககழுத்தி " என்பதற்கு சமமான தமிழ் சொல் ஏதாவது உண்டா ?

ரமணியன்

சகக்கழுத்திக்கு தமிழில் என்னபெயர் என்று தெரியவில்லை .

" கூடுதல் வாழ்க்கைத்துணை " என்று வைக்கலாம் .