நம் தமிழை முறையாக அறிவோமே !

by **M.Jagadeesan** Fri Jun 17, 2016 8:53 am

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.

நாள் + கோள் = நாள்கோள் நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.

காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

by **M.Jagadeesan** Mon Jul 11, 2016 10:06 am

காய் கறியா ? அல்லது கறி காயா ? எது சரி ?

கறி என்றால் சமைத்த உணவு என்று பொருள்படும் . இது இருவகைப்படும் . ஒன்று மரக்கறி என்றும் மற் றொன்று மாமிசக் கறி என்றும் சொல்லப்படும் .ஆங்கிலத்திலும் Curry என்றே அழைக்கப்படுகிறது. இச்சொல் தமிழிலிருந்து ஆங்கிலத்திற்குச் சென்ற சொல்லாகும் . "அரிசி " என்ற சொல்தான் ஆங்கிலத்தில் கொஞ்சம் மாற்றம் பெற்று " RICE " என்ற சொல்லாக மாறியது .

கடைக்குச் சென்று காய்கறி வாங்கி வா ! என்று சொல்லாமல் " கறிகாய் " வாங்கி வா ! என்று சொல்வதே சரியான நடைமுறையாகும் .

by **விமந்தனி** Mon Jul 11, 2016 10:47 am

கடைக்குச் சென்று காய்கறி வாங்கி வா ! என்று சொல்லாமல் " கறிகாய் " வாங்கி வா ! என்று சொல்வதே சரியான நடைமுறையாகும் .

by **M.Jagadeesan** Mon Jul 11, 2016 5:18 pm

"வீட்டின் கூரை தீப்பற்றி எரிந்தது " என்று சொல்லாமல்

" வீட்டின் கூரையைத் தீப்பற்றி எரித்தது " என்று சொல்வதே சரி.

( தீ தான் கூரையைப் பற்றுமே தவிர , கூரை தீயைப் பற்றாது . )

by **krishnaamma** Tue Jul 12, 2016 11:27 am

M.Jagadeesan wrote: "வீட்டின் கூரை தீப்பற்றி எரிந்தது " என்று சொல்லாமல்

" வீட்டின் கூரையைத் தீப்பற்றி எரித்தது " என்று சொல்வதே சரி.

( தீ தான் கூரையைப் பற்றுமே தவிர , கூரை தீயைப் பற்றாது . )

மேற்கோள் செய்த பதிவு: 1215143

நம் தமிழை முறையாக அறிவோமே ! - Page 26 1571444738

by **T.N.Balasubramanian** Tue Jul 12, 2016 12:12 pm

M.Jagadeesan wrote: "வீட்டின் கூரை தீப்பற்றி எரிந்தது " என்று சொல்லாமல்

" வீட்டின் கூரையைத் தீப்பற்றி எரித்தது " என்று சொல்வதே சரி.

( தீ தான் கூரையைப் பற்றுமே தவிர , கூரை தீயைப் பற்றாது . )

மேற்கோள் செய்த பதிவு: 1215143

இலக்கணத்தையா பார்த்துக் கொண்டு இருப்பது .
தீ அணைப்பகத்திற்கு உடனே போன் போடவேண்டியதுதான் .

ரமணியன்

by **krishnaamma** Tue Jul 12, 2016 12:14 pm

T.N.Balasubramanian wrote:
M.Jagadeesan wrote: "வீட்டின் கூரை தீப்பற்றி எரிந்தது " என்று சொல்லாமல்

" வீட்டின் கூரையைத் தீப்பற்றி எரித்தது " என்று சொல்வதே சரி.

( தீ தான் கூரையைப் பற்றுமே தவிர , கூரை தீயைப் பற்றாது . )
மேற்கோள் செய்த பதிவு: 1215143

இலக்கணத்தையா பார்த்துக் கொண்டு இருப்பது .
தீ அணைப்பகத்திற்கு உடனே போன் போடவேண்டியதுதான் .

ரமணியன்

மேற்கோள் செய்த பதிவு: 1215303

சிரி

by **M.Jagadeesan** Tue Jul 12, 2016 3:56 pm

பாரதியார் சிறுவனாய் இருக்கும்போதே பாட்டெழுதினார்.

இவ்வாறு எழுதாமல்

பாரதியார் சிறுவராய் இருந்தபோதே பாட்டெழுதினார் .

என்று எழுதுவதுதான் சரி.

" இருந்தபோதே " என இறந்தகாலம் வருதல் வேண்டும் . மேலும் அவருக்கு மரியாதை கொடுக்கும் முகத்தான் " சிறுவராய் " என்று எழுதுதல் வேண்டும் .

by **M.Jagadeesan** Tue Jul 12, 2016 4:02 pm

நம்முடைய சம்பளத்தை யாரிடமும் சொல்லக்கூடாது. அப்படியே சொல்வதாக இருந்தாலும்

என்னுடைய மாத வருமானம் 50,000 ரூபாய்கள் என்று சொல்லக்கூடாது .

என்னுடைய மாத வருமானம் 50,000 ரூபாய் என்றுதான் சொல்லவேண்டும் .

ரூபாய்கள் என்று பன்மையில் சொல்லக்கூடாது.

by **M.Jagadeesan** Tue Jul 12, 2016 4:13 pm

நமக்கு ஆயிரத்தி தொளாயிரத்தி நாற்பத்தி ஏழாம் ஆண்டு சுதந்திரம் கிடைத்தது .

என்று சொல்லாமல்

நமக்கு ஆயிரத்துத் தொள்ளாயிரத்து நாற்பத்து ஏழாம் ஆண்டு சுதந்திரம் கிடைத்தது

என்று சொல்லவேண்டும் .

by **T.N.Balasubramanian** Tue Jul 12, 2016 4:31 pm

M.Jagadeesan wrote:நம்முடைய சம்பளத்தை யாரிடமும் சொல்லக்கூடாது. அப்படியே சொல்வதாக இருந்தாலும்

என்னுடைய மாத வருமானம் 50,000 ரூபாய்கள் என்று சொல்லக்கூடாது .

என்னுடைய மாத வருமானம் 50,000 ரூபாய் என்றுதான் சொல்லவேண்டும் .

ரூபாய்கள் என்று பன்மையில் சொல்லக்கூடாது.

மேற்கோள் செய்த பதிவு: 1215373

ஆம் அய்யா ,ரூபாய் உடன் கள் சேர்ந்தால் , மாத வருமானம் என்று சொல்லமுடியாது .
மாத தேய்மானம் அல்லது செலவினம் என்றுதான் சொல்லவேண்டும் .

ரமணியன்