நம் தமிழை முறையாக அறிவோமே !

**M.Jagadeesan** · **M.Jagadeesan** Fri Jun 17, 2016 8:53 am

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.

நாள் + கோள் = நாள்கோள் நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.

காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

யினியவன் · யினியவன் Sat Jul 09, 2016 9:06 am

மாற்றிவிட்டேன் அய்யா

**M.Jagadeesan** · **M.Jagadeesan** Sat Jul 09, 2016 9:49 am

நன்றி யினியவன் !

**M.Jagadeesan** · **M.Jagadeesan** Sat Jul 09, 2016 10:01 am

இரட்டைக்கிளவி தனியே பிரிந்து ஒலிக்காது .

பாம்பு சரசரவென்று ஓடியது .
பாம்பு சரவென்று ஓடியது என்று சொல்லக்கூடாது .

முறுக்கு மொறுமொறுவென்று ( CRISPY ) இருந்தது .
முறுக்கு மொறுவென்று இருந்தது என்று சொல்லக்கூடாது .

இரட்டைக் கிளவி இரட்டில் பிரிந்து இசையா .
என்பது தொல்காப்பிய சூத்திரம் .

**M.Jagadeesan** · **M.Jagadeesan** Sat Jul 09, 2016 10:06 am

ஒருவன் என்னும் சொல்லுக்குப் பெண்பால் ஒருத்தி ஆகும் . ஒருவள் என்று சொல்லக்கூடாது .
கிழவன் என்னும் சொல்லுக்குப் பெண்பால் கிழத்தி ஆகும் .
குயவன் ,குயத்தி என்று வரும் .

" ஒருத்தி மகனாய்ப் பிறந்து..." என்ற ஆண்டாளின் திருப்பாவையைக் காண்க.

**கார்த்திக் செயராம்** · 29/10/2015

krishnaamma wrote:
கார்த்திக் செயராம் wrote:கடவுசீட்டு என்பது பாஸ்போட் என்பது நிறைய பேருக்கு தெரிவதில்லை. கடவுசீட்டு அலுவலகம்- பாஸ்போர்ட் ஆபிஸ்

அப்படி என்றால், கடவு எண் என்று PASS WORD ஐ சொல்லலாமா?

மேற்கோள் செய்த பதிவு: 1214753

நீங்கள் கூறுவது சரியே...
பாஸ்வோர்டு என்பதன் சரியான தமிழ் பதம் கடவு எண் தான்.

ரகசிய எண்ணை பதிவு செய்ய வும் என்பது நேரடி ஆங்கில பதம் சீக்ரேட் நம்பர் ஆகும்.

**T.N.Balasubramanian** · **T.N.Balasubramanian** Sat Jul 09, 2016 11:34 am

கார்த்திக் செயராம் wrote:
krishnaamma wrote:
கார்த்திக் செயராம் wrote:கடவுசீட்டு என்பது பாஸ்போட் என்பது நிறைய பேருக்கு தெரிவதில்லை. கடவுசீட்டு அலுவலகம்- பாஸ்போர்ட் ஆபிஸ்

அப்படி என்றால், கடவு எண் என்று PASS WORD ஐ சொல்லலாமா?
மேற்கோள் செய்த பதிவு: 1214753

நீங்கள் கூறுவது சரியே...
பாஸ்வோர்டு என்பதன் சரியான தமிழ் பதம் கடவு எண் தான்.

ரகசிய எண் என்னை பதிவு செய்ய வும் என்பது நேரடி ஆங்கில பதம் சீக்ரேட் நம்பர் ஆகும்.

மேற்கோள் செய்த பதிவு: 1214809

"உள்நுழைவு எண்" என்று கூறுவது காரணப் பெயராகவும் இருக்கும் புரிந்து கொள்ளும்படியாகவும் இருக்கும் என எண்ணுகிறேன் .

ரமணியன்

**M.Jagadeesan** · **M.Jagadeesan** Sat Jul 09, 2016 5:50 pm

தேன்குடமா ? அல்லது தேற்குடமா ? எது சரி ?

இரண்டுமே சரிதான் .

தேன் என்ற சொல்லின் முன்பாக வல்லெழுத்து வந்தால் " ன் " அப்படியே வருதலும் , " ன் " கெட்டு ' ற் ' ஆதலும் உண்டு .

**T.N.Balasubramanian** · **T.N.Balasubramanian** Sat Jul 09, 2016 7:44 pm

M.Jagadeesan wrote:தேன்குடமா ? அல்லது தேற்குடமா ? எது சரி ?

இரண்டுமே சரிதான் .

தேன் என்ற சொல்லின் முன்பாக வல்லெழுத்து வந்தால் " ன் " அப்படியே வருதலும் , " ன் " கெட்டு ' ற் ' ஆதலும் உண்டு .

மேற்கோள் செய்த பதிவு: 1214893

தேன் கிண்ணம் மாறாது அல்லவா ?

ரமணியன்

**M.Jagadeesan** · **M.Jagadeesan** Sat Jul 09, 2016 8:14 pm

கிண்ணம் என்னும் சொல்லின் முதல் எழுத்து வல்லெழுத்து . ஆகவே இருவகையில் எழுதலாம் .

தேன் கிண்ணம் , தேற்கிண்ணம் என எழுதலாம் . ஆனால் தேன் கிண்ணம் என்று எழுதுவதுதான் பெருவழக்காக உள்ளது.

**krishnaamma** · **krishnaamma** Sun Jul 10, 2016 12:58 am

கார்த்திக் செயராம் wrote:
krishnaamma wrote:
கார்த்திக் செயராம் wrote:கடவுசீட்டு என்பது பாஸ்போட் என்பது நிறைய பேருக்கு தெரிவதில்லை. கடவுசீட்டு அலுவலகம்- பாஸ்போர்ட் ஆபிஸ்

அப்படி என்றால், கடவு எண் என்று PASS WORD ஐ சொல்லலாமா?
மேற்கோள் செய்த பதிவு: 1214753

நீங்கள் கூறுவது சரியே...
பாஸ்வோர்டு என்பதன் சரியான தமிழ் பதம் கடவு எண் தான்.

ரகசிய எண்ணை பதிவு செய்ய வும் என்பது நேரடி ஆங்கில பதம் சீக்ரேட் நம்பர் ஆகும்.

மேற்கோள் செய்த பதிவு: 1214809

நன்றி கார்த்தி புன்னகை

Sponsored content · Sponsored content

நம் தமிழை முறையாக அறிவோமே !

நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக