நம் தமிழை முறையாக அறிவோமே !

by **M.Jagadeesan** Fri Jun 17, 2016 8:53 am

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.

நாள் + கோள் = நாள்கோள் நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.

காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

M.Jagadeesan wrote:
கார்த்திக் செயராம் wrote:சன்னல் என்பதற்கு ஏற்ற தமிழ் சொல் என்ன?
மேற்கோள் செய்த பதிவு: 1213994

ஜன்னல் என்பது போர்த்துக்கீசிய சொல்லாகும் .

சாளரம் ,பலகணி ,காலதர் ஆகிய சொற்கள் ஜன்னலைக் குறிக்கும் தமிழ்ச் சொற்களாகும் .

மேற்கோள் செய்த பதிவு: 1213998

காலதர் என்ற சொல் விளக்கம் வேண்டும் ஐய்யா

கோபி- குழம்பி சரியான தமிழ் சொல்தானா??

by **M.Jagadeesan** Mon Jul 04, 2016 12:55 pm

கார்த்திக் செயராம் wrote:
M.Jagadeesan wrote:
கார்த்திக் செயராம் wrote:சன்னல் என்பதற்கு ஏற்ற தமிழ் சொல் என்ன?
மேற்கோள் செய்த பதிவு: 1213994

ஜன்னல் என்பது போர்த்துக்கீசிய சொல்லாகும் .

சாளரம் ,பலகணி ,காலதர் ஆகிய சொற்கள் ஜன்னலைக் குறிக்கும் தமிழ்ச் சொற்களாகும் .

மேற்கோள் செய்த பதிவு: 1213998

காலதர் என்ற சொல் விளக்கம் வேண்டும் ஐய்யா

மேற்கோள் செய்த பதிவு: 1214003

கால் - காற்று
அதர் - வழி

எனவே காற்று வரும் வழியை " காலதர் " என்று அழைத்தார்கள் .

by **M.Jagadeesan** Mon Jul 04, 2016 1:08 pm

கார்த்திக் செயராம் wrote:கோபி- குழம்பி சரியான தமிழ் சொல்தானா??

மேற்கோள் செய்த பதிவு: 1214005

நாம் குடிக்கும் காபியைக் " குழம்பி " என்றும் " கொட்டை வடிநீர் " என்றும் தமிழில் குறிப்பிடுகின்றனர் .
பிற மொழிச் சொல் என்றாலும் " காபி "யை நாம் ஏற்றுக்கொண்டு விட்டோம் .

by **T.N.Balasubramanian** Mon Jul 04, 2016 2:27 pm

M.Jagadeesan wrote:
கார்த்திக் செயராம் wrote:
M.Jagadeesan wrote:
கார்த்திக் செயராம் wrote:சன்னல் என்பதற்கு ஏற்ற தமிழ் சொல் என்ன?
மேற்கோள் செய்த பதிவு: 1213994

ஜன்னல் என்பது போர்த்துக்கீசிய சொல்லாகும் .

சாளரம் ,பலகணி ,காலதர் ஆகிய சொற்கள் ஜன்னலைக் குறிக்கும் தமிழ்ச் சொற்களாகும் .

மேற்கோள் செய்த பதிவு: 1213998

காலதர் என்ற சொல் விளக்கம் வேண்டும் ஐய்யா
மேற்கோள் செய்த பதிவு: 1214003

கால் - காற்று
அதர் - வழி

எனவே காற்று வரும் வழியை " காலதர் " என்று அழைத்தார்கள் .

மேற்கோள் செய்த பதிவு: 1214024

காலதர் முதல் முறையாக கேட்கிறேன் ,அய்யா .
விளக்கத்திற்கு நன்றி .

ரமணியன்

by **krishnaamma** Tue Jul 05, 2016 11:04 pm

நன்றி ஐயா !

by **M.Jagadeesan** Wed Jul 06, 2016 7:19 am

" எல்லாம் " என்னும் சொல் வற்றுச் சாரியை பெறும் .

"எல்லாத்தையும் நானே சாப்பிட்டு விட்டேன் " என்று சொல்லாமல்
" எல்லாவற்றையும் நானே சாப்பிட்டுவிட்டேன் " என்று சொல்லவேண்டும் .

by **T.N.Balasubramanian** Wed Jul 06, 2016 8:44 am

M.Jagadeesan wrote:" எல்லாம் " என்னும் சொல் வற்றுச் சாரியை பெறும் .

"எல்லாத்தையும் நானே சாப்பிட்டு விட்டேன் " என்று சொல்லாமல்
" எல்லாவற்றையும் நானே சாப்பிட்டுவிட்டேன் " என்று சொல்லவேண்டும் .

மேற்கோள் செய்த பதிவு: 1214277

நாம் பொதுவாக பேசும்போது ,'எல்லாத்தையும் நானே சாப்பிட்டு விட்டேன்' என்பது பழகு தமிழ் .
"எல்லாவற்றையும் நானே சாப்பிட்டுவிட்டேன் "என்று இலக்கண சுத்தமாக பேசினால் , வாத்யாரே தமிழிலே
பேசு என்று கிண்டல் அடிக்கும் சமுதாயமாச்சே இன்றைய சமுதாயம் .

ரமணியன்

by **M.Jagadeesan** Wed Jul 06, 2016 9:09 am

ஒரு மாணவன் தேர்வு எழுதச் சென்றான் . தேர்வு அறைக் கண்காணிப்பாளராக ஒரு தமிழாசிரியர் நியமிக்கப் பட்டிருந்தார் . அவர் அந்த மாணவனைப் பார்த்து ,

" உன் கூடச் சீட்டு எங்கே ? " என்று கேட்டார் .

மாணவன் திருதிருவென்று விழித்தான் . பிறகு தமிழாசிரியர் உன்னுடைய " ஹால் டிக்கெட்டைக் காட்டு " என்று சொன்ன பிறகுதான் அந்த மாணவனுக்குப் புரிந்ததாம் .

பழகு தமிழ் , இலக்கணத் தமிழ் இரண்டையும் தெரிந்துகொள்வது நல்லதுதானே !