நம் தமிழை முறையாக அறிவோமே !

**M.Jagadeesan** · **M.Jagadeesan** Fri Jun 17, 2016 8:53 am

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.

நாள் + கோள் = நாள்கோள் நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.

காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

**விமந்தனி** · **விமந்தனி** Fri Jul 01, 2016 4:23 pm

M.Jagadeesan wrote:
விமந்தனி wrote:உவமானம் - உவமேயம்
உபமானம் - உபமேயம் - இவற்றில் எது சரி...?
இரண்டுமே சரிதான் .

நன்றி ஐயா.

**T.N.Balasubramanian** · **T.N.Balasubramanian** Fri Jul 01, 2016 5:58 pm

விளக்கங்கள் ஆங்கிலத்தில் , ஆர்வம் காரணமாக , அதிகம் தென்படுகின்றன.
நானும் ஒரு காரணம் .
குறைத்துக் கொள்ளலாம் என்றே நினைக்கிறேன் .

ரமணியன்

**M.Jagadeesan** · **M.Jagadeesan** Fri Jul 01, 2016 6:14 pm

கார்த்திக் செயராம் wrote:தீயணைப்பு நிலையம்/தீ அவிப்பு நிலையம் எது சரியான பெயர்?

அணைத்தல் என்றால் கட்டித்தழுவுதல் என்றல்லவா பொருள்??

மேற்கோள் செய்த பதிவு: 1213596

அவி என்ற சொல்லுக்கு சோறு , தேவருணவு , வேள்விப்பொருள் , நெய் , ஆடு என்று பல பொருள் உண்டு .

அவிதல் என்ற சொல்லுக்கு பாகமாதல் , புழுங்குதல் , குறைதல் ,ஓய்தல் ,ஒடுங்குதல் ,அழிதல் , அணைந்துபோதல் என்று பல பொருள் உண்டு .

அவித்தல் என்ற சொல்லுக்கு அடித்தல் , மாற்றுதல் , வேகவைத்தல் என்று பல பொருள் உண்டு .

அவியல் என்றால் வேகவைத்த கறி , புழுக்கம் என்றும் பொருள் உண்டு

அணைதல் என்றால் சேர்தல் ,புணர்தல் ,அவிதல் என்று பொருள் உண்டு .

அவி என்ற சொல் பரந்த பொருளை உடையது . ஆதலால் , தீ அவிப்பு நிலையம் என்பதைவிட

தீ யணைப்பு நிலையம் என்று அழைப்பதே பொருத்தமாகும் என்பது என் கருத்து .

**M.Jagadeesan** · **M.Jagadeesan** Fri Jul 01, 2016 6:17 pm

T.N.Balasubramanian wrote: விளக்கங்கள் ஆங்கிலத்தில் , ஆர்வம் காரணமாக , அதிகம் தென்படுகின்றன.
நானும் ஒரு காரணம் .
குறைத்துக் கொள்ளலாம் என்றே நினைக்கிறேன் .

ரமணியன்

மேற்கோள் செய்த பதிவு: 1213677

அப்படியே ஆகட்டும் ஐயா !

**krishnaamma** · **krishnaamma** Fri Jul 01, 2016 6:53 pm

M.Jagadeesan wrote:
கார்த்திக் செயராம் wrote:தீயணைப்பு நிலையம்/தீ அவிப்பு நிலையம் எது சரியான பெயர்?

அணைத்தல் என்றால் கட்டித்தழுவுதல் என்றல்லவா பொருள்??
மேற்கோள் செய்த பதிவு: 1213596

அவி என்ற சொல்லுக்கு சோறு , தேவருணவு , வேள்விப்பொருள் , நெய் , ஆடு என்று பல பொருள் உண்டு .

அவிதல் என்ற சொல்லுக்கு பாகமாதல் , புழுங்குதல் , குறைதல் ,ஓய்தல் ,ஒடுங்குதல் ,அழிதல் , அணைந்துபோதல் என்று பல பொருள் உண்டு .

அவித்தல் என்ற சொல்லுக்கு அடித்தல் , மாற்றுதல் , வேகவைத்தல் என்று பல பொருள் உண்டு .

அவியல் என்றால் வேகவைத்த கறி , புழுக்கம் என்றும் பொருள் உண்டு

அணைதல் என்றால் சேர்தல் ,புணர்தல் ,அவிதல் என்று பொருள் உண்டு .

அவி என்ற சொல் பரந்த பொருளை உடையது . ஆதலால் , தீ அவிப்பு நிலையம் என்பதைவிட

தீ யணைப்பு நிலையம் என்று அழைப்பதே பொருத்தமாகும் என்பது என் கருத்து .

மேற்கோள் செய்த பதிவு: 1213681

நல்ல விளக்கம் , நன்றி ஐயா.............உங்களிடமிருந்து நிறைய தெரிந்து கொள்கிறேன் ! அன்பு மலர்

**T.N.Balasubramanian** · **T.N.Balasubramanian** Fri Jul 01, 2016 9:23 pm

காற்பந்தா அல்லது கால் பந்தா என்ற பதிவில் இருந்து
நம் தமிழையை முறையாக அறிவோம் என ,தலைப்பு மாற்றப்பட்டு
இப்பதிவு பெறும் பின்னூட்டங்கள் , பகிர்ந்து கொள்ளும் அரிய பல செய்திகள்,
ஆர்வத்துடன் பங்கு கொள்ளும் உறவுகள் ,
மனதிற்கு மிக்க சந்தோஷத்தை கொடுக்கிறது .
எல்லோருக்கும் நன்றி , ஆர்வத்துடன் கலந்து மென்மேலும் பகிர்ந்து கொள்ளுங்கள் .
Jagadeesan ,மூர்த்தி அவர்களுக்கு சிறப்பு நன்றி .

ரமணியன்

**கார்த்திக் செயராம்** · 29/10/2015

எனது சிறிய தந்தை ஒரு தமிழ் ஆர்வலர் எப்போதும் பைந்தமிழில் உரையாடுவார்..அவரிடம் நேற்று உரையாடும் போது தினகரன் நாளிதழை தின கதிர் என்றும் .கிருத்திகை தினத்தை திரு ஆடல் தினம் என்றும் திருமணம் நிகழ்வை திருபூட்டு என்றும் குறிப்பிட்டார்..இது சரியான தமிழ் சொல் லா??

**சாமி** · **சாமி** Fri Jul 01, 2016 11:53 pm

கார்த்திக் செயராம் wrote:எனது சிறிய தந்தை ஒரு தமிழ் ஆர்வலர் எப்போதும் பைந்தமிழில் உரையாடுவார்..அவரிடம் நேற்று உரையாடும் போது தினகரன் நாளிதழை தின கதிர் என்றும் .கிருத்திகை தினத்தை திரு ஆடல் தினம் என்றும் திருமணம் நிகழ்வை திருபூட்டு என்றும் குறிப்பிட்டார்..இது சரியான தமிழ் சொல் லா??

மேற்கோள் செய்த பதிவு: 1213726

கிருத்திகைக்கு "ஆரல் நாண்மீன்" என்று தமிழில் பெயர்.
திருமணம் தூய தமிழ்ச்சொல்

**M.Jagadeesan** · **M.Jagadeesan** Sat Jul 02, 2016 6:33 am

சூரியனுக்குப் பல பெயர்கள் உண்டு . தினகரன் , ஞாயிறு , பகலவன் , கதிரவன் , கதிரோன் என்று .
தினகரன் என்றாலும் தினகதிர் என்றாலும் கதிரவனைத்தான் குறிக்கும் .

கிருத்திகை தினத்தை திரு ஆடல் தினம் என்பது புதிய விளக்கமாக உள்ளது . 27 நட்சத்திரங்களில் மூன்றாவதாக வருவது . சாமி ஐயா " ஆரல் நாண்மீன் " என்று கூறியுள்ளார். வேறு விளக்கம் தெரியவில்லை .

" பூட்டு " என்றால் கட்டுதல் என்று ஒரு பொருள் . " வண்டியில் காளையைப் பூட்டு " என்று சொல்லக் கேட்டிருக்கிறோம் . திருப்பூட்டு என்ற சொல்லுக்குத் " தாலி " என்ற பொருளும் உண்டு . இந்த " தாலி " என்ற சொல் மிகவும் பிற்பட்டது . சங்க இலக்கியங்களில் இல்லை . திருமணத்தை "திருப்பூட்டு " என்று அழைப்பதில் தவறில்லை . ஆனால் ஐயா அவர்கள் கூறியதுபோல " திருமணம் " என்ற சொல்லே தூய தமிழ்ச் சொல்தான் .

**கார்த்திக் செயராம்** · 29/10/2015

அய்யா..
அருந்துவது/பருகுவது/குடிப்பது பொருள் வேறுபாடு வேண்டும்??

தேநீர் அருந்தினேன்-பால் பருகினேன் இரண்டும் ஒன்றா???

Sponsored content · Sponsored content

நம் தமிழை முறையாக அறிவோமே !

நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

Re: நம் தமிழை முறையாக அறிவோமே !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக