நம் தமிழை முறையாக அறிவோமே !

by **M.Jagadeesan** Fri Jun 17, 2016 8:53 am

First topic message reminder :

காற்பந்தா? கால் பந்தா? எது சரி ?

நாள் + கள் = நாள்கள்
கால் + கள் = கால்கள்
கோள் + கள் = கோள்கள்
வேல் + கள் = வேல்கள்
தாள் + கள் = தாள்கள்

இவ்விதியின் படி கால் + பந்து = கால்பந்து என்றே எழுதப் பெறல் வேண்டும். இவ்வாறு எழுதுவதும் பேசுவதும் ஏற்புடையதுதானா என்பதே நம் ஆய்வு.

இதற்கு நடைமுறையிலுள்ள பல எடுத்துக்காட்டுகளைக் காண்பது நன்று.

மேல் + கணக்கு
கால் + கடுக்க
பால் + பசு
நாள் + கோள்
பால் + பழம்
கால் + சட்டை
மேல் + படிப்பு
கால் + புள்ளி
நூல் + பா
மேல் + கொண்டு
பால் + குடம்

இவற்றுள் திரிவனவும் திரியாதனவும் உள. எல்லா இடங்களிலும் லகர ளகர வீறு வரும் மொழி க ச ப முன் திரியா என்பது தவறு. எங்குத் திரியும் எங்குத் திரியாது என்பதை இக்கால் பார்ப்போம். .

இவ்வகையில் இரண்டாம் வேற்றுமை உருபு தொகையிலும் வினைத் தொகையிலும் லகர ளகர வீறு திரியாது. ஏனையவற்றுள் திரியும்.

எடுத்துக் காட்டு:

கொல் + களிறு = கொல்களிறு (கொல்லும், கொல்கின்ற, கொன்ற என்பவற்றின் தொகையே கொல்) இது வினைத் தொகையாகும்.

நாள் + கோள் = நாள்கோள் நாளும்கோளும் என்பதே உம்மைத் தொகையாக நாள்கோள் என ஆகியிருக்கின்றது.

பால் + பழம் என்பதும் பால்பழம் என்றே புணரும். இதுவும் உம்மைத் தொகையாகும். இதன் விரி பாலும் பழமும். பாற்பழம் என்று எழுதினால் பால் போன்ற பழம் எனப் பொருள்பட்டு உவமைத்தொகையாகி விடும் .

பால் + குடித்தான் என்பது பால் குடித்தான் என்றே புணர வேண்டும். இது இரண்டாம் வேற்றுமை உருபுத் தொகையாகும். பாலைக் குடித்தான் என்பது இதன் விரி.

கால் + சட்டை = காலில் அணியப் படும் சட்டை எனும் உருபும் பயனும் உடன் தொக்கத் தொகையாகும். இல் எனும் வேற்றுமை உருபும் அணியப்படும் எனும் பயனும் தொக்கி வருவதால் லகர வீறு திரிந்து காற்சட்டை என்றாகும்.

பால் + பசு - பாலைத்தரும் பசு பாற்பசு என்றாகும்.

மேல் + படிப்பு - மேற்படிப்பு

மேல் + கொண்டு - மேற்கொண்டு

மேல் + சென்று - மேற்சென்று

கால் + புள்ளி = காற்புள்ளி என்றாகும்.

நூல் + பா = நூற்பா என்றாகும். இது உருபும் பயனும் உடன்தொக்கத் தொகையாகும்.

பாலைக் கொண்டிருக்கும் குடம் பாற்குடமாகும். இதுவும் உருபும் பயனும் உடன் தொக்கத் தொகையே. பால் குடம் என்று எழுதினால் பாலும் குடமும் எனப் பொருளாகிவிடும்.

இந்நிலையில் , கால் + பந்து எனும் மொழிப் புணர்ச்சியில் லகர வீறு திரியுமா? திரியாதா? இங்கு வரும் கால் உறுப்பைக் குறித்ததா? பகுதியைக் குறித்ததா? இந்தப் பந்திற்கு ஏன் இப்பெயர் இடப்பெற்றது. கையால் தட்டப்படும் பந்து கைப்பந்தாகும். வலையில் போடப்படும் பந்து வலைப் பந்தாகும். மேசையில் ஆடப்படும் பந்து மேசைப் பந்தாகும். பூப் போன்றிருக்கும் பந்து பூப்பந்தாகும். அது போல காலால் உதைக்கப் படும் பந்தே கால் + பந்து . இது உருபும் பயனும் உடன்தொக்கத் தொகையாதலால் நிலை மொழியில் லகரவீறு திரிதலே சரி.

காற்பந்தை கால் பந்து என்று எழுதினால் வேல் கம்பு , நாள் கோள், பால் பழம் போல் உம்மைத் தொகையாகி காலும் பந்தும் என்று பொருள்பட்டு விடும்.

எனவே காற்பந்து என்பதே இலக்கண விதிப் படி சரியானதாகும்.

உதவி : இணையம் . நம் தமிழை முறையாக அறிவோமே

by Guest Sat Jun 25, 2016 3:01 pm

பள்ளி ஆசிரியர் வேறு விளக்கம் சொன்னது நினைவுக்கு வருகிறது ஐயா.முட்டாள் எனத் திட்டும் போது இந்த விளக்கம் தரப்பட்டது.
முட்டு+ஆள் -முட்டாள். முட்டு -குறைவு; ஆள்-திறமையுள்ளவன்,செயல்திறன்-திறமை-செயல்திறன் குறைந்தவன்.

இன்னொன்று முட்டு என்ற வேர் சொல்லை அடிப்படையாக வைத்து, முட்டன்-முட்டம் - என்றும், முட்டன் என்பதற்கு மூடன் என்றும் அகம்,புறம்,திருப்புகழ் போன்றவற்றில் கையாளப்பட்டிருக்கிறது என்பதாகும்.

வானரம் -வால்+நரன் - வானரன்-வானரம்-வாலுள்ள மனிதன் (தமிழ்சொல்)

by **T.N.Balasubramanian** Sat Jun 25, 2016 4:09 pm

இப்பிடி இருக்கலாமோ ?
முட்டாள் ...
முட்டு சந்து ஆங்கிலத்தில் பிளைண்ட் லேன் (Blind lane )
அது வழியே போனால் வேறு எங்கும் போகமுடியாது .வேறு வழி கிடையாது
முன்னேற முடியாது .
முட்டாள் --முட்டான ஆள் . - முன்னேற முடியாத ஆள் .

ரமணியன்

by **T.N.Balasubramanian** Sat Jun 25, 2016 4:12 pm

" நானொரு முட்டாளுங்க ரொம்ப
நல்லா படிச்சவங்க நாலுபேரு சொன்னாங்க !
நானொரு முட்டாளுங்க ! "

"சகோதரி "படத்தில் JP சந்திரபாபு சொந்தக் குரலில் பாடி ,மிகவும் பிரபலமான அந்த காலத்திய பாடல்

ரமணியன்

by **M.Jagadeesan** Sat Jun 25, 2016 5:44 pm

T.N.Balasubramanian wrote:இப்பிடி இருக்கலாமோ ?
முட்டாள் ...
முட்டு சந்து ஆங்கிலத்தில் பிளைண்ட் லேன் (Blind lane )
அது வழியே போனால் வேறு எங்கும் போகமுடியாது .வேறு வழி கிடையாது
முன்னேற முடியாது .
முட்டாள் --முட்டான ஆள் . - முன்னேற முடியாத ஆள் .

ரமணியன்

மேற்கோள் செய்த பதிவு: 1212547

ஐயா!

அறிவில்லாத ஆளைத்தான் நாம் முட்டாள் என்கிறோம் . நுனிக் கிளையில் அமர்ந்துகொண்டு , தான் அமர்ந்திருக்கும் கிளையையே வெட்டுபவனைத்தான் ( காளிதாசன் ) முட்டாள் என்கிறோம் . முன்னேற முடியாத ஆட்கள் எல்லாம் முட்டாள்கள் என்றால் , உலகத்தில் முக்கால்வாசிப் பேர் முட்டாள்கள்தான் .

by **M.Jagadeesan** Sat Jun 25, 2016 6:00 pm

மூர்த்தி wrote: பள்ளி ஆசிரியர் வேறு விளக்கம் சொன்னது நினைவுக்கு வருகிறது ஐயா.முட்டாள் எனத் திட்டும் போது இந்த விளக்கம் தரப்பட்டது.
முட்டு+ஆள் -முட்டாள். முட்டு -குறைவு; ஆள்-திறமையுள்ளவன்,செயல்திறன்-திறமை-செயல்திறன் குறைந்தவன்.

இன்னொன்று முட்டு என்ற வேர் சொல்லை அடிப்படையாக வைத்து, முட்டன்-முட்டம் - என்றும், முட்டன் என்பதற்கு மூடன் என்றும் அகம்,புறம்,திருப்புகழ் போன்றவற்றில் கையாளப்பட்டிருக்கிறது என்பதாகும்.

வானரம் -வால்+நரன் - வானரன்-வானரம்-வாலுள்ள மனிதன் (தமிழ்சொல்)

மேற்கோள் செய்த பதிவு: 1212533

தங்கள் விளக்கமும் ஏற்றுக்கொள்ள தக்கதே !

by **prajai** Sat Jun 25, 2016 6:04 pm

முட்டாள்

2005தில் வெளியிடப்பட்ட “செந்தமிழ்ச் சொற்பிறப்பியல் பேரகரமுதலி - A Comprehensive Etymological Dictionary of the Tamil Language” இல் இருந்து.

நம் தமிழை முறையாக அறிவோமே ! - Page 15 Muttal

நம் தமிழை முறையாக அறிவோமே ! - Page 15 Muttal

சென்னைப் பல்கலைக்கழகத் தமிழ்ப் பேரகராதியில் இருந்து.

முட்டாள் 1 muṭṭāl
n. cf. முட்டன். [M. muṭṭāl.]
Dunce, simpleton, stupid fellow;
முடன். முட்டாளரக்கர் (திருப்பு. 141).

முட்டாள் 2 muṭṭāḷ,
n. perh. முட்டு-+ஆள். [K. muṭṭāla.]
1. Image placed underneath a vehicle as if in support;
வாகனத்தினடியில் அதைத் தாங்குவதுபோல் வைக்கும் பிரதிமை.
2. Mason's assistant, boy or girl cooly;
கொத்து வேலைச் சிற்றாள். செங்கலுக்கு நீறெடுத்து முட்டாளாய் நிற்பாரும் (பணிவிடு. 285).

முட்டன் muṭṭaṉ
< mūdha
Dunce;
முடன். (W.)

by **Dr.S.Soundarapandian** Sat Jun 25, 2016 8:58 pm

by **M.Jagadeesan** Sun Jun 26, 2016 8:30 am

நன்றி பிரஜை அவர்களே !

by **M.Jagadeesan** Sun Jun 26, 2016 8:39 am

யவனர் , எவனர் - எது சரி ?

யகர வரிசையில் " யா " என்னும் நெட்டெழுத்தே மொழிக்கு முதலாக வரும் .
யானை , யாது , யான் என்பதுபோல .

எனவே எவனர் என்பதே சரி .

யினியவன் , யசோதா என்று எழுதக்கூடாது .