உள்ளக்குடிலில் நீ!!

kandhasami saravanan · kandhasami saravanan Fri Jun 17, 2016 8:42 am

நான் நானாக இல்லை
என்னோடு நீ இல்லாத போது! -நீ
என்னவளாய் மாறுவது
என்வாழ்வில் எப்போது!!

சன்னலோர தென்றலாய்
உன் ஞாபகங்கள் தினமும்
சத்தமின்றி தீண்டியுமாய்-என் மீது
சந்தோச மலரை தூவியுமாய் என்னோடு
சரசம் செய்து போகுதடி!!!!

உள்மனதின் உண்மைநிலை -என்
உயிரே உன்னை சுற்றியே
உயிர் கொண்ட ஜடமாய் மட்டுமே -நான்
உலவுகின்றேன் இப்புவியில்!!

நிம்மதியாய் நானுறங்கி
நெடுநாளானதடி -என்
நெஞ்சத்தில் உனை பிறந்த வேதனை என்னை
நித்தம் நித்தம் கொள்ளுதடி!!

அறைநொடி மின்னலை போல் -கனவில்
அவ்வபோது வந்து போறவளே -உன்
அன்பிற்காக ஏங்கும் -இந்த
அபலையின் நிலையறியாயோ!!

இன்றைய இரவுப் பொழுதின்
தூரலாய்தொடங்கிய உன் நினைவுகள்
தொடர்மழையாய் தொடருதடி- என்னை
தொட்டணைத்து செல்லுதடி!!

என்னுள் இருந்து
என்னை இயக்குபவளே
உன்னுள் நான் மட்டுமே என்பதை
உணர்ந்துகொண்டேன் அப்பொழுதே!

உணர்ந்த கொண்ட அந்நொடியே
உனக்காக என் உள்ளத்தில்
உயர்ந்த்தொரு குடில் அமைத்து
உன்னை ஒய்யாரமாய் அமர்த்திவிட்டேன்!!!

க.சரவணன்.......

**T.N.Balasubramanian** · **T.N.Balasubramanian** Fri Jun 17, 2016 10:00 am

இன்றைய இரவுப் பொழுதின்
தூரலாய்தொடங்கிய உன் நினைவுகள்
தொடர்மழையாய் தொடருதடி- என்னை
தொட்டனைத்து செல்லுதடி!!

அருமையாக இருக்கிறது .ரசித்தேன் .
"தொட்டணைத்து" என்று இருக்கவேண்டுமோ ?
திருத்தி விடலாமா ?

ரமணியன்

kandhasami saravanan · kandhasami saravanan Fri Jun 17, 2016 11:15 am

வணக்கம் ஐயா :
பிழையினை திருத்தி விடுங்கள் . நன்றி !

**T.N.Balasubramanian** · **T.N.Balasubramanian** Fri Jun 17, 2016 1:31 pm

பிழை திருத்தப்பட்டது .

ரமணியன்

**ayyasamy ram** · **ayyasamy ram** Fri Jun 17, 2016 3:35 pm

-
அன்பிற்க்காக எங்கும் ...
-
வல்லின ற்- க்குப் பின் க் வராது
-
அன்பிற்காக ஏங்கும்
என திருத்தம் செய்யலாம்...
-

**M.Jagadeesan** · **M.Jagadeesan** Fri Jun 17, 2016 4:45 pm

ய் ,ர் ழ் ஆகிய எழுத்துக்களை அடுத்து ஒற்றெழுத்து வரலாம் . இதுதான் எளிமையான விதி . பிற எழுத்துக்களோடு ஒற்று இரட்டிக்காது .

காய்ந்த மாடு

பார்த்த ஞாபகம் இல்லையோ ?

வாழ்க்கை வாழ்வதற்கே .

**T.N.Balasubramanian** · **T.N.Balasubramanian** Fri Jun 17, 2016 4:59 pm

ayyasamy ram wrote:
-
அன்பிற்க்காக எங்கும் ...
-
வல்லின ற்- க்குப் பின் க் வராது
-
அன்பிற்காக ஏங்கும்
என திருத்தம் செய்யலாம்...
-

மேற்கோள் செய்த பதிவு: 1211462

நன்றி a ram ., திருத்தம் செய்யப்பட்டது .

ரமணியன்

**krishnaamma** · **krishnaamma** Sun Jun 19, 2016 1:08 am

ஒரே கவிதை மழையாய் இருக்கு சரவணன்.....சூப்பர் ! மகிழ்ச்சி

Sponsored content · Sponsored content

உள்ளக்குடிலில் நீ!!

உள்ளக்குடிலில் நீ!!

Re: உள்ளக்குடிலில் நீ!!

Re: உள்ளக்குடிலில் நீ!!

Re: உள்ளக்குடிலில் நீ!!

Re: உள்ளக்குடிலில் நீ!!

Re: உள்ளக்குடிலில் நீ!!

Re: உள்ளக்குடிலில் நீ!!

Re: உள்ளக்குடிலில் நீ!!

Re: உள்ளக்குடிலில் நீ!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக