மர்மம் நிறைந்த இரவு..

by சசி Thu Jun 16, 2016 10:55 pm

மர்மம் நிறைந்த இரவில்
மனதில் பட்டதையெல்லாம்
வார்த்தைகளில் வடித்தால்?!

ஆறடி குழியில்
அடுக்கடுக்காய் அடுக்கிய
விறகில் ஓர் தீச்சுவாலை!

ஆட்டம் பாட்டம்
ஆடிய மனிதன்
அரைவேக்காடாக
வெந்து நொந்து
போயிருந்தான்!

தணலில் தகித்த
அவன் உடல்
அவன் எண்ணங்களை
எரித்ததா?

அவன் ஆடிய
ஆட்டத்திற்கு
அழகான பரிசு தான்
மரணமா?

ஊளையிடும் நரிகள்
நாய்கள் இடையே
ஒருவன் தனியாக உடலை
எரித்து கொண்டிருந்தான்?!

வேகுவதும் வேகாமல்
இருப்பதும் அவன் "கையில் "?

மயானம் சொல்வது என்ன?
உறவுகள் தொலைத்து
சொந்தங்கள் தொலைத்து
ஓர் நீண்ட நெடிய
பயணமா?

எதுவாக இருந்தாலும்
மரணத்தில் சாம்பல் தான்!
மனித வாழ்க்கை நிச்சயமற்றது!
சாம்பலில் ஓர் சம்பவம்
சம்பவிக்கிறது?!

மரணம் வலியை
ஏற்படுத்தினாலும்
ஓர் உண்மையை
உணர்த்துகிறது!?
மர்மம் நிறைந்த
இரவின் முடிச்சிகளை
மயானம் அவிழ்க்கிறது?!
ஆம்
" மரணித்தால் மனிதன் நிர்மூலம் "
தான்?!
ஆக ஒன்றும் இல்லை
வெறும் சாம்பல் தான்!

இதை உணராதவர்கள் தான்
"கோடிகோடியாய்
கொள்ளை அடிப்பதும் "
ஆணவ கொலை செய்வதையும் "
"ஜாதி மத துவேசம் செய்வதையும் "
அரங்கேற்றி கொண்டிருக்கிறார்கள்!?

சசி..

(நாம் உணர்ந்தவர்களா
உணராதவர்களா
என்பதை நாம் தான்
முடிவு செய்ய வேண்டும்)

by யினியவன் Thu Jun 16, 2016 11:00 pm

நன்று சசி

உணர்ந்தும் உணராதவர்
மர்ம மற்ற ரோகி
உணர்ந்தவர்
மர்ம யோகி

by **T.N.Balasubramanian** Fri Jun 17, 2016 10:49 am

அருமை சசி ,

ஆடிய ஆட்டம் என்ன .....
ஆடுகின்ற ஆட்டம் என்ன ....
அறிந்து திருந்தினால் தேவன் அவன்
திருந்தாவிட்டால் அமரன் அவன் .

ரமணியன்

(தனலில் ;;;;;;;;;தணலில் ) திருத்தப்பட்டது .

ர...ன்

by சசி Fri Jun 17, 2016 9:40 pm

யினியவன் wrote:நன்று சசி

உணர்ந்தும் உணராதவர்
மர்ம மற்ற ரோகி
உணர்ந்தவர்
மர்ம யோகி

மேற்கோள் செய்த பதிவு: 1211413

இதுவும் சரியே. அண்ணா ஞானியே..
நன்றி .

by சசி Fri Jun 17, 2016 9:43 pm

T.N.Balasubramanian wrote:அருமை சசி ,

ஆடிய ஆட்டம் என்ன .....
ஆடுகின்ற ஆட்டம் என்ன ....
அறிந்து திருந்தினால் தேவன் அவன்
திருந்தாவிட்டால் அமரன் அவன் .

ரமணியன்

(தனலில் ;;;;;;;;;தணலில் ) திருத்தப்பட்டது .

ர...ன்

மேற்கோள் செய்த பதிவு: 1211440

நன்றி ஐயா.
எப்படியாவது கொட்டு வாங்கிடறேன். மோதிர கையால் தானே.