தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்

by **ayyasamy ram** Thu Jun 16, 2016 9:32 pm

புதுடெல்லி:
தன்னுடைய எம்.பி.க்களை ஹிந்தை கற்க அனுமதித்து
கருணாநிதிக்கு, சாமானிய மக்கள் ஹிந்தி கற்க கூடாது என
சொல்வதற்கு என்ன உரிமை இருக்கிறது என்று மத்திய அமைச்சர்
பொன்.ராதாகிருஷ்ணன் விமர்சித்து உள்ளார்.

டெல்லியில் செய்தியாளர்களை சந்தித்த மத்திய அமைச்சர்
பொன்.ராதாகிருஷ்ணன், ''தமிழகத்தில் 10 நவோதயா பள்ளிகள்
திறக்கப்பட உள்ளது. கேந்திரிய வித்தியாலயா பள்ளிகளின்
எண்ணிக்கையை அதிகரிக்க மத்திய அரசு முடிவு செய்துள்ளது.

பிரதமருடான தமிழக முதலமைச்சர் ஜெயலலிதாவின் சந்திப்பு
நம்பிக்கையூட்டுவதாக அமைந்துள்ளது. கிழக்கு கடற்கரை சாலையை
தேசிய நெடுஞ்சாலையாக மாற்ற தமிழக முதல்வரிடம் நான்
எடுத்துரைந்துள்ளேன்.
தமிழகத்தில் நடைபெற உள்ள உள்ளாட்சி தேர்தலை பா.ஜ.க.
தனியாக சந்திக்கும்.

ஹிந்தி மொழியை அனுமதிக்காததால் மட்டும் கடந்த 50 ஆண்டுகளில்
தமிழ் மொழி என்ன வளர்ச்சி கண்டுள்ளது. அதனால், மொழி பிரச்னையை
வைத்து கொண்டு கருணாநிதி, தமிழக மக்களுக்கு துரோகம் செய்கிறார்.

50 வருஷத்திற்கு முன் நீங்கள் சொன்னதை கடைபிடித்து இருக்கிறீர்களா?,
தி.மு.க. கடைபிடித்து இருக்கிறதா?. எனக்கு தெரியும், நாங்கள் ஹிந்தி
படிக்கக்கூடிய இடத்தில், டெல்லியில் நான் ஹிந்தி படிக்கக்கூடிய அதே
ஆசிரியரிடம் தி.மு.க.வை சேர்ந்த நாடாளுமன்ற உறுப்பினர்கள் ஒருவர்
அல்ல இருவர் அல்ல பலர் படித்ததை நான் என் கண்ணால் பார்த்திருக்கிறேன்.

இவருக்கு ஹிந்தி தெரியும் அதனால் அமைச்சர் பொறுப்பு கொடுக்கலாம்
என்று கலைஞரே சொல்லி இருக்கிறார். ஆக, கலைஞரே அமைச்சர் பொறுப்பு
எடுப்பதற்கு இதுதான் தகுதி என்று சொன்னபிறகு, ஏழை வீட்டு மாணவர்
அதை படிக்கக்கூடாது என்று கலைஞர் எப்படி சொல்ல உரிமை பெற்றவராக
இருக்க முடியும்" என்று விமர்சித்தார்.
-
--------------------------
விகடன்

by **T.N.Balasubramanian** Fri Jun 17, 2016 5:24 pm

கலைஞர் எப்போதுமே அப்பிடிதான் .
கட்சிகாரர்களுக்கு ஒரு விதி .
தன் குடும்பத்தினருக்கு வேறு விதி .
தயாநிதி மாறன் ஹிந்தி அறிந்தவர் என கேள்விப் பட்டுள்ளேன் .
தன் கட்சி தொண்டர் மேடையில் , நெற்றியில் விபுதி இட்டுக் கொண்டு வந்தவரை ,
அழித்துவிட்டு மேடை ஏறு எனக் கூறியவர் .தன்னுடைய வீட்டில் நடைமுறை படுத்த முடியவில்லை .
இது நாடே அறிந்த விஷயம் . அவர் வீட்டுப் பெண்கள் கோவில்களுக்கு போவதும் ,
அர்ச்சனை செய்வதும் நடைமுறையில் இருக்கும் , சமீப காலங்களில் நாம் பார்த்த ஒன்று.
இவருடைய கெடுபிடிக்கு அசைந்து கொடுக்காத ஒரே மனிதர் , PTR பழனிவேல் ராஜன் ஒருவரே.
விபூதியுடனும் நெற்றியில் (மதுரை மீனாக்ஷி அம்மன் ) குங்கும பொட்டுடன் , திமுக ஆட்சியில் , தமிழ்நாடு சட்டமன்ற சபாநாயகராக திகழ்ந்தவர் .
ரமணியன்

by **M.Jagadeesan** Fri Jun 17, 2016 5:33 pm

ஐயா !

கட்டுமரத்தார் இப்போது இந்தியைப் பற்றியே பேசவில்லை . சமஸ்கிருதம் திணிக்கக் கூடாது என்றுதான் சொன்னார் .

by யினியவன் Fri Jun 17, 2016 5:58 pm

கற்காதே என்பதற்கும்
திணிக்காதே என்பதற்கும்
நிறைய வித்தியாசங்கள் இருக்கு

by **T.N.Balasubramanian** Fri Jun 17, 2016 6:37 pm

M.Jagadeesan wrote:ஐயா !

கட்டுமரத்தார் இப்போது இந்தியைப் பற்றியே பேசவில்லை . சமஸ்கிருதம் திணிக்கக் கூடாது என்றுதான் சொன்னார் .

மேற்கோள் செய்த பதிவு: 1211476

ஆம் ,சம்ஸ்கிருத எதிர்ப்புதான் .
பொன்னார் ஹிந்தியை பற்றிக் கூறுகிறார். அதைப் பற்றியே எந்தன் விமரிசனம் தொடர்ந்தது

ரமணியன்

by **T.N.Balasubramanian** Fri Jun 17, 2016 6:40 pm

யினியவன் wrote:கற்காதே என்பதற்கும்
திணிக்காதே என்பதற்கும்
நிறைய வித்தியாசங்கள் இருக்கு

மேற்கோள் செய்த பதிவு: 1211479

திணித்தல் கூடாது ஆமோதித்தல்

ரமணியன்

by Sponsored content

தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்

தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்

Re: தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்

Re: தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்

Re: தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்

Re: தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்

Re: தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்

Re: தன் எம்.பி.க்கள் ஹிந்தி கற்கலாம், சாமானியன் கற்க கூடாதா? -கருணாநிதியை சாடும் பொன்.ராதாகிருஷ்ணன்