நாட்டில் மதுவிலக்கை அமல்படுத்தாமல் யோகப்பயிற்சி செய்வது பொருத்தமற்றது: நிதீஷ் குமார்

**ayyasamy ram** · **ayyasamy ram** Mon Jun 20, 2016 4:22 pm

நாடு முழுவதும் மதுபான விற்பனையைத் தடை
செய்யாமல், யோகாசனப் பயற்சியை மேற்கொள்வது
பொருத்தமற்றது என்று பிகார் முதல்வர் நிதீஷ் குமார்
விமர்சித்துள்ளார்.

இதுகுறித்து அவர், ஜார்க்கண்ட் மாநிலம், பலாமு மாவட்டத்தில்
ஞாயிற்றுக்கிழமை நடைபெற்ற கூட்டத்தில் பேசியதாவது:

யோகா என்பது இயற்கை மருத்துவ முறையாகும். மதுவுக்கு
அடிமையானவர்களால் யோகா பயிற்சி செய்ய முடியாது.
நாடு முழுவதும் மதுபான விற்பனையைத் தடை செய்யாமல்
யோகா பயிற்சி செய்வது பொருத்தமற்றது. நானும் சிறுவயதில்
இருந்தே யோகப் பயிற்சியில் ஈடுபட்டு வருகிறேன்.

ஆனால், அதை விளம்பரப்படுத்திக் கொள்வதில்லை. சர்வதேச
யோகா தினத்தை, பாஜக தங்கள் கட்சியின் விவகாரத்தைப் போல
சித்திரிக்கிறது.

இந்தியா சுதந்திரம் அடைந்ததில் இருந்தே குஜராத்தில் மதுவிலக்கு
அமலில் உள்ளது. அதில் பிரதமர் மோடிக்கு எந்தப் பங்கும் இல்லை.

வர்த்தகம், தொழில் போன்றவற்றை விட, மக்களின் நலனைக்
காப்பது அவசியமாகும். அதனால்தான் பிகார் அரசுக்கு ரூ.5,000 கோடி
வருமானம் அளித்து வந்த மதுபான விற்பனையை நாங்கள் தடை
செய்தோம்.

பிகாரில் கடந்த ஏப்ரல் மாதம் 1ஆம் தேதி முதல் மதுவிலக்கை அமல்
படுத்த முடிவு செய்துள்ளோம் என்று பாஜக முதல்வர் ரகுவர் தாஸ்
தலைமையிலான ஜார்க்கண்ட் அரசுக்கு கடந்த ஜனவரி மாதம் கடிதம் எ
ழுதினேன்.

ஆனால், ஜார்க்கண்ட் அரசு அதைப் புறக்கணித்து, பிகாரை ஒட்டிய
எல்லைப் பகுதிகளில் மதுபான விற்பனையை அதிகரித்துள்ளது என்றார்
நிதீஷ் குமார்.
–
———————————–
தினமணி

நாட்டில் மதுவிலக்கை அமல்படுத்தாமல் யோகப்பயிற்சி செய்வது பொருத்தமற்றது: நிதீஷ் குமார்

நாட்டில் மதுவிலக்கை அமல்படுத்தாமல் யோகப்பயிற்சி செய்வது பொருத்தமற்றது: நிதீஷ் குமார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக