தந்தையர் தின சிறப்பு: கூகுள் நிறுவனம் வெளியிட்டுள்ள டூடுல்

**ayyasamy ram** · **ayyasamy ram** Sun Jun 19, 2016 6:09 pm

--
தந்தைகளுக்கு மரியாதை செலுத்தும் விதமாக ஆண்டுதோறும் ஜூன் மாதம் மூன்றாவது ஞாயிறு உலக தந்தையர் தினமாகக் கொண்டாடப்பட்டு வருகிறது.

வழக்கம்போல, இந்த தினமும் மேலை நாட்டவர்களால் உருவாக்கப்பட்டிருந்தாலும், சமீபகாலமாக இது இந்தியாவிலும் கொண்டாடப்பட்டு வருகிறது.கடந்த 1909ம் ஆண்டு சொனாரா லுாயிஸ் ஸ்மார்ட் டாட் என்ற அமெரிக்காவைச் சேர்ந்த இளம் பெண் தான், தந்தையர் தினம் கொண்டாடும் யோசனையை முன்வைத்ததாகக் கூறப்படுகிறது.

அன்னையர் தினம் கொண்டாடும் போது, தந்தையர் தினம் ஏன் கொண்டாடக்கூடாது என இவர் கேள்வி எழுப்பியுள்ளார். தனது தாயாரின் மறைவுக்கு பின்னர், தந்தை வில்லியம் ஆறு குழந்தைகளை சிரமப்பட்டு வளர்த்து ஆளாக்கியதை நினைவு கூறும் வகையில், தந்தையர் தினத்தைக் கொண்டாட வேண்டும் என இவர் வலியுறுத்தினார்.

தந்தையர் தினமானது நாட்டிற்கு நாடு வெவ்வேறு தேதிகளில் கொண்டாடப்படுகிறது. ஆனால், பெரும்பாலான நாடுகளில் இன்றைய தினமே தந்தையர் தினமாக கொண்டாடப்பட்டு வருகிறது. தந்தையர் தினத்தையொட்டி பிள்ளைகள் தங்களது அப்பாக்களுக்கு வாழ்த்துக்கள் கூறி வருகின்றனர்.

இதனையொட்டி கூகுள் நிறுவனம் வெளியிட்டுள்ள டூடுலில், ஒவ்வொரு குழந்தைக்கும் தந்தைதான் வழிகாட்டி என்பதை உணர்த்தும் விதமாக, தந்தை அணியும் ஒரு ஜோடி ஷூவுடன், அதன் கூடவே வரும் குழந்தையின் ஒரு ஜோடி ஷூவை கொண்டதாக இந்த டூடுல் வடிவமைக்கப்பட்டுள்ளது.

இவை இரண்டும் வாசல் மிதியடியில் இருப்பதைப்போல ஒரு படம் வெளியிடப்பட்டுள்ளது. இதன் மூலம் குழந்தையின் வாழ்க்கைப் பாதையை வழிநடத்தும் தந்தையின் முக்கியத்துவம் விளக்கப்பட்டுள்ளது.
-
தினமணி

தந்தையர் தின சிறப்பு: கூகுள் நிறுவனம் வெளியிட்டுள்ள டூடுல்

தந்தையர் தின சிறப்பு: கூகுள் நிறுவனம் வெளியிட்டுள்ள டூடுல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக