முதுமை வருவதன் ரகசியம்?

seethamani · seethamani Sat 21 Nov 2009 - 16:29

முதுமையும் மரணமும் ஒவ்வொரு சீவனுடனும் கூடப் பிறந்தவை. முதுமை இல்லாமல் எந்த சீவ இனமும் முழு ஆயுட்காலம் வாழ முடியாது. பூமியின் மைய ஈர்ப்பு எல்லாப் பொருட்களையும் இழுத்துப் பிடித்துக் கொண்டே இருக்கிறது. அது நம்மையும் இழுத்துப் பிடித்துக் கொண்டு இருக்கிறது. அதனால் எந்தப் பக்கமும் தெறித்து விழாமல் இருக்கிறோம். நம் உடலில் கெட்டிப் பொருள், நீர்ப்பொருள், வெப்பம், காற்று, விண் என்ற ஐந்தும் இருக்கின்றன.

இறைவெளியின் சூழ்ந்தழுத்தத்தினாலும், துல்லிய சமதளச்சீர்மையினாலும் கெட்டிப் பொருட்களெல்லாம் பூமியின் மையம் நோக்கி வருகின்றன. இலேசான பொருட்களெல்லாம் வெளியே செல்கின்றன.உடலை இழுப்பதும், உயிரைத் துரத்துவதுமான போராட்டம் நடைபெறுகிறது. இதனால் உடலுக்கும் உயிருக்கும் இடையே உள்ள உறவு பாதிக்கிறது. செல்கள் கீழ் நோக்கி இழுப்பதனால் உடலில் உள்ள அணுக்கள் எல்லாம் கீழ்நோக்கி இழுக்கும். அதனால், நரம்புகள் கீழ் நோக்கி இழுக்கப்பட்டு, சதைகள் தொளதொளவென்று ஆட ஆரம்பிக்கும். ஒவ்வொரு நரம்பும் தளர்ந்து கொண்டே வரும்.

உடலுக்கும், உயிருக்கும் நடக்கும் போராட்டத்தை எதிர்க்கக்கூடிய சக்தி மனிதனுக்கு 120 ஆண்டுகள் வரைக்கும் இருக்கும். உணவு, உறக்கம், உழைப்பு, உடலுறவு, எண்ணம் இவ்வைந்தாலும் உடலில் உள்ள அணு அடுக்கை நாமாகச் சீர்குலைக்காமலும், சீவகாந்த சக்தியை வீணாக அழிக்காமலும், ஒழுங்காக இருப்போமேயானால் 120 ஆண்டுகள் வாழலாம்.

பூமியின் ஈர்ப்பு சக்தி தாங்காமல் ஒவ்வொரு நாளும் நம் உடலில் உள்ள செல்களிலிருந்து பல கோடி அணுக்கள் உதிர்ந்து விடுகின்றன. பொதுவாக உடலில், சதையிலிருந்து தான் செல்கள் உதிர்வது அதிகமாக இருக்கும். எலும்புகளிலிருந்து அவ்வளவு அதிகமாக உதிராது. நரம்புகளிலிருந்தும் அதிகமாக உதிராது. சதையில் உள்ள செல்கள் உதிர்ந்து போகும்போது, அது நரம்புகளைப் பாதிக்கும். நரம்பு வலு இழந்து போனால், எலும்புக்கும் சதைக்கும் உள்ள உறவு சரியாக இராது, பிடிப்பு இருக்காது.

அதனால்தான் உடல் தளர்ந்து விடுகிறது. தள்ளாடுகிறது. கீழே படுத்துக்கொள்ள வேண்டும் என்ற எண்ணம் வருகிறது. அப்படித் தளர்ந்து போவதைத்தான் முதுமை என்கிறோம். முதுமை என்றால் நரம்பு தளர்ச்சி வந்துவிட்டது என்று பொருள். முதுமை பலவகைக் குழப்பங்களை உண்டு பண்ணும். உடல் ஒத்துழைப்பு வர வர குறைந்து போகும். மனம் என்ன நினைக்கிறதோ, அதற்குத் தகுந்தவாறு உடல் ஒத்துழைப்பு இருக்காது.

மீனு · மீனு Sat 21 Nov 2009 - 22:03

முதுமை என்றால் நரம்பு தளர்ச்சி வந்துவிட்டது என்று பொருள். முதுமை பலவகைக் குழப்பங்களை உண்டு பண்ணும். உடல் ஒத்துழைப்பு வர வர குறைந்து போகும். மனம் என்ன நினைக்கிறதோ, அதற்குத் தகுந்தவாறு உடல் ஒத்துழைப்பு இருக்காது. முதுமை வருவதன் ரகசியம்? 677196

முதுமை வருவதன் ரகசியம்?

முதுமை வருவதன் ரகசியம்?

Re: முதுமை வருவதன் ரகசியம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக