துப்பாக்கியை துடைத்தபோது விபரீதம்: கைத்தவறி வெடித்ததில் தமிழகத்தைச் சேர்ந்த ஐபிஎஸ் அதிகாரி பலி ஜூன் 16, 2016 இல் 3:58 பிப (செய்திகள்) ·

by **ayyasamy ram** Thu Jun 16, 2016 4:43 pm

-
விசாகப்பட்டினம்:
ஆந்திர மாநில காவல்துறையில் கூடுதல் கண்காணிப்பாளராக
இருந்த கே. சசி குமார் ஐபிஎஸ், தனது துப்பாக்கி கைத்தவறி
வெடித்ததில் சம்பவ இடத்திலேயே உயிரிழந்தார்.
இவர் தமிழகத்தைச் சேர்ந்தவர்.

ஆந்திர மாநிலம் விசாகப்பட்டிணத்தில் படேரு என்ற இடத்தில்
உள்ள காவல்துறை அலுவலகத்தில் இந்த சம்பவம் இன்று காலை
நேரிட்டது.

சசி குமார், இன்று காலை 6 மணியளவில் தனது கைத்துப்பாக்கியை
சுத்தம் செய்து கொண்டிருந்தார். அப்போது அது எதிர்பாராதவிதமாக
வெடித்ததில், அவரது தலையில் துப்பாக்கிக் குண்டு பாய்ந்து ரத்த
வெள்ளத்தில் விழுந்ததாக நேரில் பார்த்த சாட்சியான காவல்துறை
அதிகாரி ஒருவர் கூறியுள்ளார்.

இது தற்கொலையாக இருக்க வாய்ப்பே இல்லை என்றும் அவர்
தெரிவித்துள்ளார்.

சசி குமார் தமிழகத்தைச் சேர்ந்தவர் என்றும், 2012ம் ஆண்டு பிரிவைச்
சேர்ந்த ஐபிஎஸ் அதிகாரியான இவர், முதலில் கர்னூல் மாவட்டத்தில்
முதல் பணி வழங்கப்பட்டதாகவும், கடந்த 6 மாதங்களுக்கு முன்புதான்
படேருவுக்கு பணி மாறுதல் பெற்று வந்ததாகவும் கூறப்படுகிறது.
–
———————————-
தினமணி

by **ராஜா** Thu Jun 16, 2016 5:27 pm

சுத்தம் செய்யும்போது கைத்துப்பாக்கி தானாக வெடித்ததா ?! , இதில் எதோ உள்குத்து இருக்குது.

ஒரு ஐபிஸ் அதிகாரி இவ்வளவு அலட்சியமாக இருந்தார் என்பதை நம்ப முடியவில்லை

by **T.N.Balasubramanian** Thu Jun 16, 2016 5:54 pm

எனக்கோர் சந்தேகம் .
Load பண்ணிய துப்பாக்கியிலிருந்து , சுத்தம் செய்யும் போது , குண்டுகளை /ரவைகளை
unload பண்ண முடியாதா ?
தலைக்கு நேராக வைத்துக் கொண்டுதான் சுத்தம் செய்யவேண்டுமா ?

ரமணியன்

by Sponsored content