பேரவைத் தலைவரை இழிவுபடுத்திய திமுக!அவை முன்னவர் ஓ.பன்னீர்செல்வம் அறிக்கை

**ayyasamy ram** · **ayyasamy ram** Sat Jun 18, 2016 9:02 am

சட்டப் பேரவைத் தலைவர் பி.தனபாலை, திமுக உப்பினர் ஜெ.அன்பழகன் ஒருமையில் பேசி இழிவுபடுத்தியதாக அவை முன்னவரும், நிதி அமைச்சருமான ஓ.பன்னீர்செல்வம் தெரிவித்தார்.

இதற்காக அன்பழகனை எதிர்க்கட்சித் தலைவர் மு.க.ஸ்டாலின் கண்டிக்கவில்லை எனவும் அவர் கூறினார்.

இந்தப் பிரச்னை குறித்து, ஓ.பன்னீர்செல்வம் வெள்ளிக்கிழமை வெளியிட்ட அறிக்கை:

ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தின் கடைசி நாளான்று, எதிர்க்கட்சித் தலைவர் உரையாற்றி, அதன்பின் முதல்வர் பதிலளிக்கவும், தங்களது உறுப்பினர்கள் 3 பேர் பேச வாய்ப்பு அளிக்க வேண்டுமெனவும் திமுகவினர் வலியுறுத்தினர்.

இதுகுறித்து, அலுவல் ஆய்வுக் குழுவில் விரிவாக விவாதிக்கப்பட்டு முடிவெடுக்கப்பட்டுள்ளது. எனவே, பேரவைத் தலைவரின் முடிவு குறித்து விமர்சிப்பதோ, பேட்டியளிப்பதோ அவையின் மரபுக்கு முரணானது.

பேரவை விதிப்படி, ஒரு தீர்மானத்தின் மீது பேரவைத் தலைவர் அழைக்கின்ற வரிசையில்தான் உறுப்பினர்கள் பேச வேண்டும். விவாத உரைகளுக்கான கால வரம்பையும் பேரவைத் தலைவரே நிர்ணயிப்பார்.

பேச வாய்ப்பு: சட்டப் பேரவையில் 132 உறுப்பினர்களைக் கொண்டுள்ள அதிமுகவின் சார்பில் 3 உறுப்பினர்கள் பேச அனுமதிக்கப்பட்டுள்ளது. 89 உறுப்பினர்களைக் கொண்ட திமுக சார்பில் 2 உறுப்பினர்கள் தான் பேச முடியும்.

கடந்த 5 ஆண்டுகளில் பேரவையில் கடைப்பிடித்த நடை
முறையைப் பின்பற்றி, ஆளுநர் உரை மீதான விவாதத்தின்
கடைசி நாளுக்கு முதல் நாள், எதிர்க்கட்சித் தலைவர் உள்பட
அனைத்துக் கட்சித் தலைவர்களும் பேசிய பிறகு,
கடைசி நாள் முதல்வர் உரையாற்றலாம் என்று பேரவைத்
தலைவர் தெரிவித்துள்ளார்.

கருணாநிதியின் குடும்பத்துக்குள் இருக்கும் பிரச்னைகளை
மறைப்பதற்காக எதிர்க்கட்சித் தலைவர் மு.க.ஸ்டாலின், பேரவைத்
தலைவர் மீது குற்றஞ்சாட்டி பொய்யான தகவல்களைத்
தெரிவித்துள்ளார். அதன் மூலம் எதிர்க்கட்சித் தலைவர் பதவியை
கருணாநிதியிடம் இருந்து தட்டிப் பறித்ததை மறைத்து விடலாம்
என ஸ்டாலின் நினைக்கிறார்.

பேரவைத் தலைவருக்கு அவமானம்:
பேரவை உறுப்பினர் ஜெ.அன்பழகன், பேரவைத் தலைவரை ஒருமையில்
பேசி இழிவுபடுத்தியுள்ளார். இதைக் கண்டும் காணாமல் ஸ்டாலின்
அமைதி காத்துள்ளார்.

அன்பழகனை ஸ்டாலின் கண்டித்திருக்க வேண்டாமா? அவ்வாறு செய்யாமல்
வேடிக்கை பார்ப்பதுதான் மரபுகளை கடைப்பிடிக்கும் முறையா என
ஓ.பன்னீர்செல்வம் கேள்வி எழுப்பியுள்ளார்.

கருணாநிதிக்கு இருக்கை ஒதுக்கீட்டில் பிரச்னையா?

திமுக தலைவரும், சட்டப் பேரவை உறுப்பினருமான கருணாநிதியின் இருக்கை
ஒதுக்கீட்டில் பிரச்னை ஏதும் இல்லை என அவை முன்னவர் ஓ.பன்னீர்செல்வம்
விளக்கம் அளித்துள்ளார்.

இது குறித்து வெள்ளிக்கிழமை அவர் வெளியிட்ட அறிக்கை:

கடந்த 25-ஆம் தேதியன்று சட்டப் பேரவைக்கு சக்கர நாற்காலியில் பேரவைக்கு
வந்து உறுதிமொழி எடுத்துக் கொண்டார், கருணாநிதி. அப்போது இருக்கை
எண் 207-க்கு முன்புறம் அவருடைய சக்கர நாற்காலியில் அமர்ந்தபடியே
உறுதிமொழி ஏற்றார்.

அதைக் கருத்தில் கொண்டே அந்த இடம் கருணாநிதிக்கு ஒதுக்கப்பட்டுள்ளது.
பேரவைக்குள் வந்து விவாதங்களில் பங்கேற்க வேண்டுமெனில், அவர் உறுதிமொழி
எப்படி எடுத்துக் கொண்டாரோ அதேபோன்றுதான் கலந்து கொள்ள முடியும்.

திமுக உறுப்பினர்களுக்கு எந்தெந்த வரிசையில் இருக்கைகள் ஒதுக்க வேண்டுமென்ற
பட்டியலை மு.க.ஸ்டாலின் அளித்திருந்தார். அதில், கருணாநிதியின் பெயர் இடம்பெறவே
இல்லை. இதிலிருந்தே, சட்டப் பேரவைக்கு கருணாநிதி வருவதை ஸ்டாலின் விரும்பவே
இல்லை என்பது தெளிவாகிறது என தனது அறிக்கையில் ஓ.பன்னீர்செல்வம்
தெரிவித்துள்ளார்.
-
-----------------------------------
தினமணி

**M.Jagadeesan** · **M.Jagadeesan** Sat Jun 18, 2016 3:37 pm

கலைஞரைத் " தள்ளுவண்டி " என்றும் விஜயகாந்தை , " தண்ணி வண்டி " என்றும் தன் கட்சிக்காரர் பேசியபோது அம்மையார் அதைக் கண்டித்தாரா ? ரசித்துக் கொண்டுதானே இருந்தார் .

சபாநாயகரை ஒருமையில் பேசியதால் OPS க்குப் பொத்துக்கொண்டு வந்துவிட்டதா ?

பேரவைத் தலைவரை இழிவுபடுத்திய திமுக!அவை முன்னவர் ஓ.பன்னீர்செல்வம் அறிக்கை

பேரவைத் தலைவரை இழிவுபடுத்திய திமுக!அவை முன்னவர் ஓ.பன்னீர்செல்வம் அறிக்கை

Re: பேரவைத் தலைவரை இழிவுபடுத்திய திமுக!அவை முன்னவர் ஓ.பன்னீர்செல்வம் அறிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக