ஊனம் ஒரு தடையல்ல !

**M.Jagadeesan** · **M.Jagadeesan** Wed Jun 15, 2016 9:41 pm

சரக்கடித்துவிட்டு , சரக்குந்து ஓட்டி
உன்னை
முடமாக்கிய முட்டாளை நொந்து கொள்ளாதே !
அரசு செய்த தவறுக்கு , அவன் என்ன செய்வான் பாவம் !

கால்களை இழந்து வாடும் சகோதரனே !
கால்கள் போனால் என்ன ?
கைகள் இல்லையா உன்னைக் காப்பாற்ற ?

கைகளைக் கொண்டு ஆயிரம் கலைகளைக் கற்கலாம் !
கவலைப்படாதே ! விபத்திலே
கண்கள் போயிருந்தால் என்ன செய்வாய் ?
அதுவரைக்கும் நீ அதிர்ஷ்டசாலிதான் !

கண்ணிழந்த ஹெலன் கெல்லரை நினைத்துப் பார் !
பார்வை இழந்தபின் பட்டம் பெறவில்லையா ?
பெண்கள் உரிமைக்காகக் குரல் கொடுத்த
மாற்றுத் திறனாளி !
தொழிலாளரின் நலனுக்காகப் போராடிய
போராளி !

இங்கிலாந்து நாட்டுக் கம்பன் ஜான் மில்டன்
இயற்றிய காவியம்தான் " சுவர்க்க நீக்கம் "
இதிலென்ன புதுமை என்று கேட்கலாம் !
கண்ணிழந்த நிலையிலே காவியம் செய்ததுதான்
மண்ணிலே அவன் செய்த மாபெரும் சாதனை !

இளஞ்சூரியர் என்றும் முதுசூரியர் என்றும்
பெயர்கொண்ட
இரட்டைப் புலவர்களின் சாதனையை எண்ணிப்பார் !
முடவராய் ஒருவர் ; குருடராய் மற்றொருவர்
அடடா ! அவர் வாயில் விளையாடிய தமிழ்த் தேனைக்
குடம் குடமாய்ப் பருகினும் தாகம் தீராது !

சுதாசந்திரன் என்னும் சுந்தர வதனத்தாள்
நாட்டியப் பேரொளியாம் , நங்கை அவள் வாழ்வினிலே
ஈரெட்டு வயதினிலே இயற்கை விளையாடியது
கால்களை இழந்தாள்; விபத்தொன்றின் காரணமாய் !
ஆனாலும்
நம்பிக்கையை மட்டும் அந்த நங்கை இழக்கவில்லை
பட்டமரமாய் நிற்காமல் , பரிதவித்துப் போகாமல்
கட்டைக் கால்களினால் நர்த்தனங்கள் பல செய்தாள் !

பொறியின்மை யார்க்கும் பழியன்று அறிவறிந்து
ஆள்வினை இன்மைப் பழி .

என்பதன்றோ ஐயனின் வாக்கு !

பிறவி ஊனமென்றாலும் பிச்சையெடுத்து வாழாதே !
உழைத்து வாழ்வதே உயர்ந்த நெறியென்று சொன்ன
அய்யன் வள்ளுவனின் வார்த்தைகளை மறவாதே !

**விமந்தனி** · **விமந்தனி** Wed Jun 15, 2016 10:20 pm

பிறவி ஊனமென்றாலும் பிச்சையெடுத்து வாழாதே !
உழைத்து வாழ்வதே உயர்ந்த நெறியென்று சொன்ன
அய்யன் வள்ளுவனின் வார்த்தைகளை மறவாதே !

அருமை! மிகவும் அருமை!!

**M.Jagadeesan** · **M.Jagadeesan** Wed Jun 15, 2016 10:28 pm

நன்றி விமந்தனி !

சிவனாசான் · சிவனாசான் Thu Jun 16, 2016 5:08 am

வல்லவனுக்கு ஓர்புல்லும் ஆயுதம். முயற்சியுடையார் எந்தவிதத்திலும் முன்னேற்றமே காண்பர்.

Sponsored content · Sponsored content

ஊனம் ஒரு தடையல்ல !

ஊனம் ஒரு தடையல்ல !

Re: ஊனம் ஒரு தடையல்ல !

Re: ஊனம் ஒரு தடையல்ல !

Re: ஊனம் ஒரு தடையல்ல !

Re: ஊனம் ஒரு தடையல்ல !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக