மரத்தில் ஏறி பிடிக்க வந்த புலிக்கு தண்ணி காட்டிய குரங்கு - காணொளி

**ராஜா** · **ராஜா** Wed Jun 15, 2016 2:02 pm

ஓட்டத்தில் பலசாலியான மான், குதிரைகளை எளிதாக வேட்டையாடும் புலிக்கு ஒரு குரங்கு தண்ணி காட்டிய வீடியோவை பார்த்து மகிழுங்கள்.

உத்தரகாண்ட் ராம்நகரில் தேசிய பூங்கா உள்ளது. இந்த பூங்காவில் அனைத்து வகை மிருகங்களும் சுதந்திரமாக சுற்றித்திரியும். கடந்த மாதம் ஒரு குரங்கு தனது குட்டியுடன் சிறிய மரத்தில் உட்கார்ந்து கொண்டிருந்தது. அப்போது அந்த வழியாக சென்ற புலி ஒன்று தாய்குரங்குடன் குட்டியையும் சேர்த்து உணவாக்கிக்கொள்ள நினைத்தது. இதனால் மரத்தின் மீது தாவிக்குதித்து ஏறியது.

இதைப்பார்த்து பயந்துபோன குட்டிக் குரங்கு, தாய் குரங்கின் வயிற்றை இறுகப் பற்றிக்கொண்டது. இதனால் குட்டியை எப்படியாவது பாதுகாக்க வேண்டும் என்று நினைத்த தாய் குரங்கு, மரத்தின் ஒரு கிளைக்குச் சென்றது. புலி மெதுவாக அந்த கிளைக்கு வந்தது. இதைப்பார்த்ததும் குரங்கு அப்படியே மெதுவாக அந்த கிளையின் நுனிப்பகுதிக்கு வந்தது. கிளை அப்படியே கீழ் நோக்கி சரிந்தது.

அப்போது புலியும் மெதுமெதுவாக நுனிக்கு வர, கண்ணிமைக்கும் நேரத்தில் குரங்கு மற்றொரு கிளைக்குத் தாவியது. குரங்கு எட்டிய தூரத்தில்தான் இருக்கிறது என்று முன்னே நகர்ந்த புலி, கை நழுவி கிளையின் நுனியில் தொங்கியபடி பரிதாபமாக பார்த்துக்கொண்டே இருந்தது. பின்னர் கிளையில் இருந்து திடீரென கிழே விழுந்து பறக்க பறக்க முழித்துக்கொண்டு குரங்கை தப்பவிட்ட விரக்தியில் அப்படியே மெதுவாக நகர்ந்து சென்றது.

-நன்றி maalaimalara

**மாணிக்கம் நடேசன்** · 14/12/2009

நான் பயிற்சி கொடுத்த குரங்காச்சே, பின்னே????

**T.N.Balasubramanian** · **T.N.Balasubramanian** Wed Jun 15, 2016 2:25 pm

மாணிக்கம் நடேசன் wrote:நான் பயிற்சி கொடுத்த குரங்காச்சே, பின்னே????

மேற்கோள் செய்த பதிவு: 1211259

நல்ல முறையில் பயிற்சி கொடுத்துள்ளீர் ,மாணிக்கம் அய்யா ! பெருமையாக உள்ளது .

ரமணியன்

**T.N.Balasubramanian** · **T.N.Balasubramanian** Wed Jun 15, 2016 3:08 pm

நல்லதொரு விடியோ பகிர்வுக்கு நன்றி ராஜா !

இதை பார்க்கும் போது ,கம்பரின் பாடல் ஒன்று நினைவுக்கு வருகிறது .
மரம் விட்டு மரம் தாவும் ,குரங்கு இதுவரை , தவறி விழுந்ததாக சரித்திரம் கிடையாது .

குலோத்துங்க மகாராஜவிற்கும் கவி சக்கரவர்த்தி கம்பன் இடையே மனஸ்தாபம் .. தன் சபையை விட்டு வெளியேறச் சொல்கிறார் மன்னர் . அப்போது கம்பர் பாடிய பாடல் .

மன்னவனும் நீயோ வளநாடும் நின்னதோ ,
உன்னை அறிந்தோ தமிழை ஓதினேன் -என்னை
விரைந்தேற்றுக் கொள்ளாத வேந்தருண்டோ , உண்டோ
குரங்கேற்றுக் கொள்ளாத கொம்பு .

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

Sponsored content · Sponsored content

மரத்தில் ஏறி பிடிக்க வந்த புலிக்கு தண்ணி காட்டிய குரங்கு - காணொளி

மரத்தில் ஏறி பிடிக்க வந்த புலிக்கு தண்ணி காட்டிய குரங்கு - காணொளி

Re: மரத்தில் ஏறி பிடிக்க வந்த புலிக்கு தண்ணி காட்டிய குரங்கு - காணொளி

Re: மரத்தில் ஏறி பிடிக்க வந்த புலிக்கு தண்ணி காட்டிய குரங்கு - காணொளி

Re: மரத்தில் ஏறி பிடிக்க வந்த புலிக்கு தண்ணி காட்டிய குரங்கு - காணொளி

Re: மரத்தில் ஏறி பிடிக்க வந்த புலிக்கு தண்ணி காட்டிய குரங்கு - காணொளி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக