கண்ணன் என்னும் மன்னன் பேரைச் சொல்லச் சொல்ல

**ayyasamy ram** · **ayyasamy ram** Tue Jun 14, 2016 4:11 pm

படம் - வெண்ணிற ஆடை
பாடல் - கவியரசர் கண்ணதாசன்
இசை - விஸ்வநாதன் - ராமமூர்த்தி
பாடியவர்- பி.சுசீலா
-
-------------------------------

கண்ணன் என்னும் மன்னன் பேரைச் சொல்லச் சொல்ல HRRQEtLQsWJgdEuZPEzg+krish_2558982g

-

கண்ணன் என்னும் மன்னன் பேரைச் சொல்லச் சொல்ல
கல்லும் முள்ளும் பூவாய் மாறும் மெல்ல மெல்ல
எண்ணம் என்னும் ஆசைப் படகு செல்லச் செல்ல
வெள்ளம் பெருகும் பெண்மை உள்ளம் துள்ளத் துள்ள
(கண்ணன்)
-
தென்றல் இன்று பாடும் பாடல் என்ன என்ன
சின்னக் கிளிகள் சொல்லும் கதைகள் என்ன என்ன
கண்ணும் நெஞ்சும் ஒன்றுக்கொன்று பின்னப் பின்ன
என்னைத் துன்பம் செய்யும் எண்ணம் என்ன என்ன
(கண்ணன்)
-
அக்கம் பக்கம் யாரும் பார்த்தால் வெட்கம் வெட்கம்
அன்பே உன்னை நேரில் கண்டால் நாணம் நாணம்
ஆசை நெஞ்சை சொல்லப் போனால் அச்சம் அச்சம்
அன்றும் இன்றும் அதுதான் நெஞ்சில் மிச்சம் மிச்சம்
(கண்ணன்)
-
------------------------------

**ayyasamy ram** · **ayyasamy ram** Tue Jun 14, 2016 4:14 pm

இந்த பாடல் குறித்து காவிரி மைந்தன் எழுதியது:
-
தமிழர்கள் வீடுகளில்.. திண்ணைகள் இருக்கும். அந்தத் திண்ணைகளில் அமர்ந்து பேசும் பேச்சுக்கு திண்ணைப்பேச்சு என்று பெயர். ஆனால், இளந்தேவன் அவர்களின் இல்ல நுழைவில் இருபுறமும் எழில்மிகு செடிகொடிகள்.. அதில் ஒரு பக்கம்.. நிலா முற்றமென இலக்கிய ஆர்வலர்களின் குழுமம் மேடையேதுமில்லாமலே கருத்தரங்கம் நடந்தது போலிருந்தது. நினைவில் அது இன்றும் பசுமையாக நிற்கிறது! கவிஞர் பேராசிரியர் வ.வே.சுப்பிரமணியன் அவர்களின் உரையில் குறிப்பிட்டதை மறக்க முடியவில்லை.

வெட்கம், நாணம் இவை இரண்டுக்கும் என்ன வித்தியாசம் என்று பேராசிரியப் பெருமக்கள்.. ஆராய்ச்சியாளர்கள்.. தமிழ்த்துறைத்தலைவர்கள்.. பலரையும் கேட்டபோது.. வெட்கம்.. நாணம்.. இரண்டும் ஒன்றுக்கொன்று தொடர்புடையது. ஒன்றன்பின் ஒன்று வரும்.. ஒன்றும் அதிக வித்தியாசம் கிடையாது என்றுதான் விளக்கங்கள் கிடைத்தன..

ஆனால் கவிஞர் கண்ணதாசன்.. ஒரு திரைப்பாடலில்.. அதுவும் வேக வீச்சில் உருவான பாடலில் (Fast Beat Song) அந்த வேகமான தாள ஜதிப்பாடலில்.. போகின்ற போக்கிலே.. சொல்லுவதைப் போல வார்த்தைகளை அள்ளி வழங்கிய இரண்டு வரிகளில்.. இதோ பாருங்கள்..

அக்கம் பக்கம் யாரும் பார்த்தால் வெட்கம்.. வெட்கம்.
அன்பே உன்னை நேரில் கண்டால் நாணம்.. நாணம்..

எட்டாவது மட்டும் எட்டிப்பார்த்த கண்ணதாசனே.. எங்களின் தமிழ்க்கடல் நீ என்பதில் மகிழ்கிறோம்!

**மாணிக்கம் நடேசன்** · 14/12/2009

இப்பாடலின் இசைத் தாட்டு என்னிடம் இருக்கிறது. இசைத்தட்டின் வழி பழைய பாடல்களை கேட்பதே ஒரு தனி சுகம் தான்.

Sponsored content · Sponsored content

கண்ணன் என்னும் மன்னன் பேரைச் சொல்லச் சொல்ல

கண்ணன் என்னும் மன்னன் பேரைச் சொல்லச் சொல்ல

Re: கண்ணன் என்னும் மன்னன் பேரைச் சொல்லச் சொல்ல

Re: கண்ணன் என்னும் மன்னன் பேரைச் சொல்லச் சொல்ல

Re: கண்ணன் என்னும் மன்னன் பேரைச் சொல்லச் சொல்ல

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக