ஊனம்...

by சசி Mon Jun 13, 2016 7:12 pm

சரக்கடித்து விட்டு
சரக்குந்து ஓட்டி
என் வாழ்வையே
சாரம் இல்லாமல்
செய்து விட்ட
முகம் தெரியா
சகோதரனே!!

நான் உன்னை
சாடுவதா?
இல்லை
சாராய கடையை
திறந்து வைத்திருக்கும்
அரசை சாடுவதா?

ஓய்வறியா
ஓடிக்கொண்டே
உழைத்த என்னை
ஒன்றுமில்லாமல்
செய்து விட்டாயே?

தத்தித்தவழும்
மழலையைப்போல்
என் கால்கள்
தவழ்ந்தாலும்
மனம் என்னவோ
முழு மனிதன் தானே!

உடலின் வலி
என்னவோ
மாத்திரைகளால்
மாயமாய் போய்விடும்!

மனதின் வலியை
வார்த்தைகளால் அல்ல
கண்ணீரால்
கடக்கின்றேன்?!

கடக்கும் ஒவ்வொரு
நொடியும்
விபத்தில் கால்களை
இழந்த என்னைப்போல்
எவரும் இழந்து
விடக்கூடாது
என்ற எண்ணம்
என் சிந்தனையை
நிதானமாய்
கடக்கச்செய்கிறது!

விளையாட்டாய்
துவங்கும்
மதுவின்
சிநேகிதம்
சகோதரனின்
உயிரையும்
குடிக்கும்!

சகோதரனே
மதுவின்
கோரப்பிடியிலிருந்து
வெளியில்
வந்து விடு!

இப்படிக்கு
உன்னால்
கால்களை
இழந்து வாடும்
முகம் தெரியா
உன் சகோதரன்!!

சசி..

by **M.M.SENTHIL** Mon Jun 13, 2016 8:25 pm

மனம் கனக்கும் கவிதை

by சசி Mon Jun 13, 2016 10:48 pm

நன்றி தோழரே...

by **krishnaamma** Tue Jun 14, 2016 12:41 am

மிக அருமை சசி புன்னகை

by சசி Tue Jun 14, 2016 4:23 pm

krishnaamma wrote:மிக அருமை சசி

மேற்கோள் செய்த பதிவு: 1211103

krishnaamma wrote:மிக அருமை சசி

மேற்கோள் செய்த பதிவு: 1211103
மிக்க நன்றி மா..
உண்மையாகவே எனக்கு தெரிந்த நபர் இரு கால்களையும் விபத்தில் இழந்து வருத்தப்படுகிறார். அவரின் வலி தான்.

by யினியவன் Tue Jun 14, 2016 4:38 pm

வழி வழியே வாழ்க்கை வழி தேடி போகையில்
வழி மாறி திரிபவர்களால் வாழ்க்கையில்
வலி மிஞ்சுவது கொடுமையே

வலி வலிக்கிறது சசி

by **ayyasamy ram** Tue Jun 14, 2016 4:39 pm

இதைத்தான் விதி என்பார்கள்...!
-
நாளை முதல் குடிக்க மாட்டேன்! சத்தியமடி தங்கம்!.
இன்னிக்கு ராத்திரிக்கு தூங்க வேணும்,

ஊத்திக்கிறேன் கொஞ்சம்!

by சசி Tue Jun 14, 2016 9:10 pm

யினியவன் wrote:வழி வழியே வாழ்க்கை வழி தேடி போகையில்
வழி மாறி திரிபவர்களால் வாழ்க்கையில்
வலி மிஞ்சுவது கொடுமையே

வலி வலிக்கிறது சசி

மேற்கோள் செய்த பதிவு: 1211212
ஆமாம் அண்ணா.. தவறான சிநேகிதம்
தன்னிலை மறக்கச் செய்து தன்னை மட்டும் அல்லாமல் தன்னை சார்ந்தவனையும் பலி கடா ஆக்கிவிடுகிறது.