தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்

by **ayyasamy ram** Mon Jun 13, 2016 7:07 pm

-
புது தில்லி: காக்கா முட்டை.. சிறுவர்கள் இருவரை பீட்ஸா கடைக்குள் விடாமல் தடுத்ததால் ஏற்பட்ட சம்பவத்தை மையமாகக் கொண்டு வெளியான தமிழ் திரைப்படம்.

அந்த திரைப்படத்தில் வரும் சம்பவத்தை போன்று நிஜமாகவே தில்லியில் ஒரு சம்பவம் நடைபெற்று அனைவரது கவனத்தையும் ஈர்த்துள்ளது.

டேரூடானைச் சேர்ந்த எழுத்தாளர் சோனாலி ஷெட்டி. இவர் தனது கணவர் பிறந்தநாளையொட்டி சனிக்கிழமை (ஜூன் 11) தில்லியில் தெருவோரும் வசிக்கும் எட்டு சிறுவர்களை அழைத்துக் கொண்டு, தில்லி ஜன்பத் பகுதியில் உள்ள சிவ சாகர் உணவகத்துக்குச் சென்றார்.

அப்போது அக்குழந்தைகள் கிழிந்த ஆடைகளை அணிந்துள்ளதாகக் கூறி, கடைக்குள் அனுமதிப்பதற்கு கடை முதலாளி விதுர் கனோடியா மறுப்பு தெரிவித்துவிட்டார்.

இதையடுத்து சோனாலி ஷெட்டிக்கும், கடை முதலாளிக்கும் இடையே கடும் வாய்த்தகராறு ஏற்பட்டுள்ளது. இருவரும் காவல் நிலையத்தில் புகார் செய்தனர்.

சோனாலி தனது புகாரில், கடை ஊழியர்களும், முதலாளியும் தன்னை மிகவும் கேவலமாக திட்டியதாக கூறியிருந்தார். விதுர் கனோடியா தனது புகாரில் சோனாலி, வீதியோர சிறுவர்களுக்கு இலவசமாக உணவு வழங்குமாறு வலியுறுத்தினார். மறுக்கவே, கடை ஊழியர்களுக்கும், கடைக்கு வந்த வாடிக்கையாளர்களுக்கும் சிரமத்தை ஏற்படுத்தினார் என்றும் கூறியுள்ளார்.

இதனிடையே சோனாலி கடையின் அருகே நள்ளிரவு வரை அக்குழந்தைகளுடன் அமர்ந்து போராட்டம் நடத்தினார். எனினும், போலீஸார் எவ்வித நடவடிக்கையும் எடுக்கவில்லை.

இச்சம்பவம் குறித்த அறிந்த தில்லி துணை முதல்வர் மணீஸ் சிசோடியா, மாவட்ட ஆட்சியரின் விசாரணைக்கு உத்தரவிட்டுள்ளார். உணவகத்தின் மீதான குற்றம் நிரூபிக்கப்பட்டால், அதன் உரிமம் ரத்து செய்யப்படும் என டிவிட் செய்துள்ளார்.

இந்நிலையில் ஞாயிற்றுக்கிழமை பிற்பகல் 10 குழந்தைகளுடன் அந்த உணவகத்துக்கு வந்த சோனாலி ஷெட்டி, மீண்டும் போராட்டத்தில் ஈடுபட்டார். எனினும், சிறிது நேரத்தில் அவர் அக்குழந்தைகளை அருகே இருந்த மெக் டொனால்டு உணவகத்துக்கு அழைத்துச் சென்று விருந்து அளித்தார்.

தில்லியில் நடைபெற்ற இந்த நிஜ 'காக்கா முட்டை' சம்பவம் சமூக வலைத்தளங்களில் அதிக விவாதத்துக்கு உள்ளாகியுள்ளது.
தினமணி

by **M.M.SENTHIL** Mon Jun 13, 2016 8:32 pm

புனிதமான மனிதாபிமானம் செத்துவிட்டது

by **krishnaamma** Tue Jun 14, 2016 1:07 am

இதுவே அந்த பெண் ஓர் எழுத்தாளர் என்பதால், இந்த அளவுக்காவது முக்கியத்துவம் கொடுத்து பார்க்கப்பட்டுள்ளது, .....இல்லாவிட்டால் அவங்க மேலேயே ஏதாவது புகார் தந்திருப்பங்க கடைக்காரர்கள் சோகம்

by பாலாஜி Tue Jun 14, 2016 1:48 pm

krishnaamma wrote:இதுவே அந்த பெண் ஓர் எழுத்தாளர் என்பதால், இந்த அளவுக்காவது முக்கியத்துவம் கொடுத்து பார்க்கப்பட்டுள்ளது, .....இல்லாவிட்டால் அவங்க மேலேயே ஏதாவது புகார் தந்திருப்பங்க கடைக்காரர்கள்

மேற்கோள் செய்த பதிவு: 1211113

ஆமோதித்தல்

இங்கு சட்டம் எல்லாம் செல்வாக்கு மிக்கவர்களுக்கும் , பண வசதி படைத்தவர்களுக்கும் சாதமாகவே இருக்கும்

by சிவனாசான் Thu Jun 16, 2016 6:08 am

முட்டாள்கள் கதையை பார்த்து தானே மூடர்களாகிறார்கள். சட்டமும் தண்டனையும் தனவான்களுக்கல்ல>>> கற்பனை குற்ற கதைகளுக்கு கை விலங்குபோடனும்ங்க>>>>>>>>

by **krishnaamma** Tue Jun 21, 2016 1:46 am

பாலாஜி wrote:
krishnaamma wrote:இதுவே அந்த பெண் ஓர் எழுத்தாளர் என்பதால், இந்த அளவுக்காவது முக்கியத்துவம் கொடுத்து பார்க்கப்பட்டுள்ளது, .....இல்லாவிட்டால் அவங்க மேலேயே ஏதாவது புகார் தந்திருப்பங்க கடைக்காரர்கள்
மேற்கோள் செய்த பதிவு: 1211113

இங்கு சட்டம் எல்லாம் செல்வாக்கு மிக்கவர்களுக்கும் , பண வசதி படைத்தவர்களுக்கும் சாதமாகவே இருக்கும்

மேற்கோள் செய்த பதிவு: 1211184

நிஜம் சோகம்

by Sponsored content

தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்

தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்

Re: தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்

Re: தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்

Re: தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்

Re: தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்

Re: தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்

Re: தில்லியில் நிகழ்ந்த `காக்கா முட்டை' சம்பவம்: கதையல்ல நிஜம்