‘பிறக்காத மழலையின் மடல்’- குஜராத் முதல்வரை கலங்கவைத்த 9-ம் வகுப்பு மாணவியின் பேச்சு

**ayyasamy ram** · **ayyasamy ram** Sun 12 Jun 2016 - 17:45

-
பெண் சிசுக் கொலை பிரச்சினையை முன்னிறுத்தி
9-ம் வகுப்பு மாணவி ஒருவர் பேசியதைக் கேட்டு குஜராத்
முதல்வர் ஆனந்தி பென் படேல் கண்ணீர் சிந்தினார்.
–
குஜராத் மாநிலத்தில் கல்வி கற்போர் விகிதத்தை அதிகப்
படுத்தும் வகையில் ஆண்டுதோறும் அம்மாநில அரசு சார்பில்
பள்ளிகளில் பிள்ளைகளை சேர்க்கும் நிகழ்ச்சி
ஒருங்கிணைக்கப்படுகிறது.
–
அந்த வகையில் கேதா மாவட்டத்தில் நடந்த நிகழ்ச்சியில்
முதல்வர் ஆனந்திபென் படேல் நேரடியாகக் கலந்து கொண்டார்.
முதல்வர் கலந்து கொண்ட நிகழ்ச்சியில் ஹரேஜ் துவக்கப் பள்ளி
மாணவி அம்பிகா கோஹெல், ‘பிறக்காத மழலையின் மடல்’ என்ற
தலைப்பில் கடிதம் ஒன்றை வாசித்தார்.
–
பெண் சிசுக் கொலை பிரச்சினையை முன்னிறுத்தி அக்கடிதம்
எழுதப்பட்டிருந்தது.
–
அந்தக் கடிதத்தை வாசித்த அம்பிகா, “அம்மா, நான் இந்த
உலகைப் பார்க்க விரும்பினேன். புது காற்றை சுவாசிக்க
ஆசைப்பட்டேன். ஆனால் எனக்கு அதற்கான வாய்ப்பு
அளிக்கப்படவே இல்லை.
–
உன் கருவில் இருந்த நான் ஒரு பெண் சிசு எனத் தெரிந்து
கொண்டதாலேயே நீ என்னை கொலை செய்துவிட்டாய்.
இவ்வுலகில் பிரவேசிப்பதற்கு அனுமதி அளிக்கப்படாமலையே
சவமாக்கப்படும் வேதனை மிகவும் கொடியது.
–
அம்மா. நீ ஒன்றை தெரிந்துகொள் பெண் குழந்தை இல்லாத
எந்த ஒரு இல்லமும் முழுமை பெறுவதில்லை” எனக் கூறி
முடித்தார்.
–
அப்போது அங்கே கூடியிருந்தவர்களில் பெரும்பாலோனோ
கண்ணீர் சிந்தினர். முதல்வர் ஆனந்திபென் படேலும் கண்ணீரை
தனது கைக்குட்டையால் துடைத்தார்.

பின்னர் மாணவி அம்பிகாவை அருகில் அழைத்து ஆரத்தழுவி
பாராட்டினார். பின்னர் பேசிய முதல்வர் ஆனந்தி, பிள்ளைகளில்
ஆண் – பெண் பேதம் பார்க்கக்கூடாது.
பெண் பிள்ளைகள் கல்வி கற்க அனுமதிக்க வேண்டும் என்றார்.
–
—————————————–

தமிழ் தி இந்து காம்

**T.N.Balasubramanian** · **T.N.Balasubramanian** Sun 12 Jun 2016 - 19:40

பெண்ணென்று அறிந்து சிசு கொலை செய்பவர்களை ,
கொலை குற்றம் சாற்றப்பட்டு மரண தண்டனை வழங்கவேண்டும் .

ரமணியன்

**krishnaamma** · **krishnaamma** Mon 13 Jun 2016 - 3:00

கருவிலேயே குழந்தைகளை சாகடிப்பது ரொம்ப கொடுமை சோகம்

Sponsored content · Sponsored content

‘பிறக்காத மழலையின் மடல்’- குஜராத் முதல்வரை கலங்கவைத்த 9-ம் வகுப்பு மாணவியின் பேச்சு

‘பிறக்காத மழலையின் மடல்’- குஜராத் முதல்வரை கலங்கவைத்த 9-ம் வகுப்பு மாணவியின் பேச்சு

Re: ‘பிறக்காத மழலையின் மடல்’- குஜராத் முதல்வரை கலங்கவைத்த 9-ம் வகுப்பு மாணவியின் பேச்சு

Re: ‘பிறக்காத மழலையின் மடல்’- குஜராத் முதல்வரை கலங்கவைத்த 9-ம் வகுப்பு மாணவியின் பேச்சு

Re: ‘பிறக்காத மழலையின் மடல்’- குஜராத் முதல்வரை கலங்கவைத்த 9-ம் வகுப்பு மாணவியின் பேச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக