எம்.ஜி.ஆரின் நூற்றாண்டு : அதிமுக செய்தது என்ன ?

எம்.ஜி.ஆர் என்ற ஆளுமை மீது எப்போதும் பெரும் மதிப்பும் மரியாதையும் இருக்கிறது. அந்த எம்.ஜி.ஆர். உருவாக்கி வளர்த்தெடுத்த அதிமுக, அவரை தேர்தலின் போது மட்டும் பயன்படுத்திவிட்டு மற்ற நேரங்களில் தூக்கியெறிந்து விடுகிறது. அதிமுக விற்கு உண்மையான தைரியமும் , துணிச்சலும் இருந்தால் எம்.ஜி.ஆரை தூக்கியெறிவது போல அவர் உருவாக்கிய சின்னமான இரட்டை இலையையும் தூக்கி எறியுங்கள் , பார்க்கலாம்.

தற்போது எம்.ஜி.ஆரின் நூற்றாண்டு நடந்து கொண்டிருக்கிறது. அவரது நூற்றாண்டில் அவர் உருவாக்கிய கட்சியையும் , இரட்டை இலை சின்னத்தையும் வைத்து அரிதான தொடர்ந்த வெற்றியைப் பெற்றுவிட்டு அவரை அதிமுக கண்டுகொள்ளவில்லை. எம்.ஜி.ஆரின் வாழ்க்கையையும் , சாதனையையும் மற்றவர்கள் தெரிந்து கொள்ளும் வகையில் அதிமுக எதையும் செய்யவில்லை. ஒரு ஆவணப்படம் கூட அவரைப் பற்றி எடுக்கப்படவில்லை.

எல்லாவற்றிலும் தான் , நான் என தன்னையே முன்னிலைப்படுத்தும் அதிமுக வின் நிரந்தர பொதுச்செயலாளர் என அழைக்கப்படும் செல்வி.ஜெ.ஜெயலலிதாவிற்கு வரலாற்றின் பக்கங்களில் எந்த அளவிற்கு இடம் கிடைக்கும் எனத் தெரியவில்லை. " தன்னைத் தாழ்த்திக் கொள்பவரே உயர்த்தப்படுவார் " என்றொரு பைபிள் வாசகம் இருக்கிறது. அறிஞர் அண்ணாவை முன்னிலைப்படுத்தி தன்னைத் தாழ்த்திக் கொண்டதாலேயே எம்.ஜி.ஆர். இன்னமும் உயர்ந்து நிற்கிறார். எதற்கெடுத்தாலும் அம்மா , அம்மா தன்னை முன்னிலைப்படுத்தாமல் நலத்திட்டங்களுக்கு எம்.ஜி.ஆரின் பெயரைச் சூட்ட முன்வர வேண்டும். சாதாரண மக்கள் அனைவரும் பயன்பெறும் வகையில் எம்.ஜி.ஆரின் பெயரில் ஒரே ஒரு பெரிய நலத்திட்டத்தையாவது அவரது நாற்றாண்டில் ஆளும் அதிமுக அரசு கொண்டுவர வேண்டும். இல்லையென்றால் காலமெல்லாம்
களங்கத்தைச் சுமக்க வேண்டும்.

அண்ணாவின் நூற்றாண்டை முன்னிட்டு அண்ணாவின் பெயரில் கோட்டூர்புரத்தில் சிறந்த வசதிகளுடன் தரமான நூலகம் திமுக அரசால் திறக்கப்பட்டது. அரசியல் காழ்ப்புணர்ச்சி காரணமாக அந்த நூலகம் இன்று கவனிப்பின்றி பொலிவிழந்து காணப்படுகிறது. உயிர் நீதிமன்றம் தலையிட்ட பிறகும் அரசு இன்னமும் கண்டுகொள்ளவில்லை. அண்ணாவின் பெயரில் அமைந்த நூலகம் பாழடைவதைக் கண்டு எம்.ஜி.ஆரின் ஆன்மா கூட வருத்தமடையவே செய்யும். அரசியலுக்கு அப்பாற்பட்டு அண்ணா நூற்றாண்டு நூலகம் ஆக்கமுடன் தொடர்ந்து செயல்பட வேண்டும் என்பதை பொதுமக்களின் விருப்பம்.

எம்.ஜி.ஆரின் நூற்றாண்டில் அதிமுக என்ன செய்யப் போகிறது ?

ஜெ .செல்வராஜ்.

அறிஞர் அண்ணாவை முன்னிலைப்படுத்தி தன்னைத் தாழ்த்திக் கொண்டதாலேயே எம்.ஜி.ஆர். இன்னமும் உயர்ந்து நிற்கிறார். எதற்கெடுத்தாலும் அம்மா , அம்மா தன்னை முன்னிலைப்படுத்தாமல் நலத்திட்டங்களுக்கு எம்.ஜி.ஆரின் பெயரைச் சூட்ட முன்வர வேண்டும். சாதாரண மக்கள் அனைவரும் பயன்பெறும் வகையில் எம்.ஜி.ஆரின் பெயரில் ஒரே ஒரு பெரிய நலத்திட்டத்தையாவது அவரது நாற்றாண்டில் ஆளும் அதிமுக அரசு கொண்டுவர வேண்டும். இல்லையென்றால் காலமெல்லாம்
களங்கத்தைச் சுமக்க வேண்டும்.

வாஸ்த்தவமான பேச்சு

நல்ல உரை மிக நல்ல உரை. அவர்கள் மனம், மனம் வைக்கனும் அதுதானே>>>>>>>>>>>>>>>