லண்டனில் நிர்வாண உணவு விடுதி திறப்பு

லண்டனில் நிர்வாண உணவு விடுதி திறக்கப்பட்டு வாடிக்கையாளர்கள் வரத் துவங்கியுள்ளனர். இந்த உணவு விடுதிக்கு 'தி பனியாடி' என்று பெயர் வைக்கப்பட்டுள்ளது.

இந்த விடுதிக்குள் சென்றவுடன் வாடிக்கையாளர்கள் தங்கள் இஷ்டப்படி ஆடையுடன் இருக்கலாம் அல்லது ஆடை இல்லாமலும் இருக்கலாம். இது வாடிக்கையாளர்களின் விருப்பத்தைப் பொருத்தது.

இந்த உணவு விடுதியை துவக்கிய லாலி பாப் நிறுவனரான செப் லியால் கூறுகையில், ''எந்த விதக் கட்டுப்பாடுகளும் இல்லாமல் மக்கள் தங்களது இரவு நேரத்தை கழிக்க வேண்டும். ரசாயன கலப்பு இல்லை, செயற்கை வண்ணங்கள் இல்லை, மின்சாரம் கிடையாது, காஸ் கிடையாது, தொலைபேசி கிடையாது, ஆடையும் கிடையாது. ஆடை அவர்களது விருப்பத்தைப் பொருத்தது. உணமையான சுதந்திரத்தை மக்கள சுவாசிக்க வேண்டும் என்ற நோக்கத்தில் இந்த உணவு விடுதி துவங்கப்பட்டுள்ளது.

இந்த உணவு விடுதியில் மூங்கில்களால் மறைப்பு ஏற்படுத்தப்பட்டுள்ளது. மெழுகுவர்த்தி வழங்கப்படும். உணவு வகைகள் மண் பாத்திரத்தில் சமைத்து வழங்கப்படும். சனிக்கிழமைகளிலும் இந்த உணவு விடுதி திறந்து இருக்கும்'' என்று தெரிவித்துள்ளார்.

சைவ மற்றும் அசைவ உணவுகள் வழங்கப்படுகிறது. அதுவும் மெழுகுவர்த்தி வெளிச்சத்தில்தான் சர்வ் செய்யப்படும். இந்த உணவு விடுதியில் 42 பேர் உட்காரலாம். இதுவரை 44,200 பேர் தங்களது பெயரை பதிவு செய்துள்ளனர். மூன்று மாதங்களுக்கு புக் ஆகி உள்ளது.

புனியாடி என்பது இந்தி வார்த்தை. புனியாடி என்றால் இந்தியில் அடிப்படை என்று பொருள் படும்.
-
தமிழ் வெப்துனியா