பறக்கும் சாலை திட்டம் முடக்கம் கருணாநிதி வருத்தம்

**ayyasamy ram** · **ayyasamy ram** Fri 10 Jun 2016 - 8:39

மதுரவாயல் பறக்கும் சாலை திட்டம் முடக்கப்பட்டு,
அந்தத் திட்டத்துக்கான ஒப்பந்தமும் முடிவுக்குக் கொண்டு
வரப்பட்டிருப்பது வருத்தம் அளிப்பதாக திமுக தலைவர் கருணாநிதி
கூறியுள்ளார்.

இதுதொடர்பாக அவர் வியாழக்கிழமை வெளியிட்ட அறிக்கை:

தேசிய நெடுஞ்சாலைத் துறை ஆணையம் ரூ.1,815 கோடி மதிப்பீட்டிலான
சென்னைத் துறைமுகம்- மதுரவாயல் பறக்கும் சாலைத் திட்டத்துக்கான
ஒப்பந்ததாரருடன் செய்து கொள்ளப்பட்டது.

அத்தனை வருவாயும் அண்டை மாநிலத்துக்குச் செல்கிறது என்ற காரணத்தால்,
சென்னைத் துறைமுகத்தை மேம்படுத்தி, போக்குவரத்தை எளிதாக்கும் வகையில்
இந்தத் திட்டம் உருவாக்கப்பட்டது.

2009-ஆம் ஆண்டு ஜனவரி 8-ஆம் தேதி இந்தத் திட்டத்துக்கு அப்போதைய
பிரதமர் மன்மோகன் சிங் நேரில் வந்து அடிக்கல் நாட்டினார்.

2010-ஆம் ஆண்டு செப்டம்பரில் பணி தொடங்கியது. எக்ஸ்பிரஸ் சாலைக்கான
ராட்சதத் தூண்கள் ஒவ்வொன்றாக எழுப்பப்பட்டன. மொத்தம் 889 தூண்களில்
120 தூண்கள் அமைக்கப்பட்டு விட்டன.

அதில் 15 தூண்களில் சாலை அமைப்பதற்கான மேற்பரப்பும் கட்டப்பட்டு விட்டது.

இதற்கிடையே, கூவம் ஆற்றில் அமைக்கப்பட்டுள்ள 15 தூண்களும் ஆற்றின்
நீரோட்டத் தன்மையைப் பாதிக்கும் என்று சொல்லி, தமிழகத்தை ஆளும்
அதிமுக அரசு இந்தத் திட்டத்துக்கு தடை விதித்தது.

இந்தத் திட்டம் தமிழகத்துக்கு அவசியம் என்று பிரதமர் அலுவலகமும்,
மத்திய தரை வழிப் போக்குவரத்து அமைச்சகமும், தேசிய நெடுஞ்சாலை ஆணைய
அதிகாரிகளும் எடுத்துரைத்தும் தமிழக அரசு செவிசாய்க்கவில்லை.

நீதிமன்ற நடவடிக்கை மூலமாகத் தீவிரமாக முயற்சி செய்தும்,
ரூ.1,815 கோடி செலவில் நிறைவேறியிருக்க வேண்டிய திட்டம் முடக்கப்பட்டது
என்று அவர் கூறியுள்ளார்.
-
---------------------------------------

**T.N.Balasubramanian** · **T.N.Balasubramanian** Fri 10 Jun 2016 - 9:33

முடக்கப்பட்டுள்ள திட்டம் , குறுகிய நோக்கத்துடன் செயல்பட்டது என்பது வெட்ட வெளிச்சம் .
தமிழக நலன்/ மக்கள் நலம் கருதி அம்மையார் செயல்படவேண்டும் .
குறுகிய வட்டத்தில் இருந்து வெளிவரவேண்டிய காலம் வந்து விட்டது .
இல்லையெனில் ,வரும் தேர்தல்களில் வெற்றி சந்தேகமே !!

ரமணியன்

**M.Jagadeesan** · **M.Jagadeesan** Fri 10 Jun 2016 - 9:47

ஐயா ,
தங்களின் கருத்தை நான் முற்றிலும் ஆதரிக்கிறேன் . வேண்டாத மாமியாரின் கை பட்டால் குற்றம் , கால் பட்டால் குற்றம் என்பது போலத்தான் உள்ளது அம்மையாரின் போக்கு . பொறியியல் வல்லுனர்கள் பரிந்துரைத்த திட்டத்தை , அதுவும் 20 % முடிந்த நிலையில் , நிராகரிப்பது என்பது அரசியல் காழ்ப்புணர்ச்சியே தவிர வேறல்ல .

இனியாவது அம்மையார் திருந்தவேண்டும் . 60 % மக்கள் தனக்கு ஓட்டளிக்கவில்லை என்பதை உணரவேண்டும் . நலத்திட்டங்களை யார் கொண்டுவந்தாலும் , மக்களுக்கு நன்மை பயப்பதாக இருந்தால் அதை ஏற்றுக் கொள்வதுதான் அறிவுடைமை .

sathyavlr · sathyavlr Fri 10 Jun 2016 - 11:30

தனிப்பட்ட விருப்பு வெறுப்புகளை விட்டு இரு கட்சிகளும் தமிழ்நாட்டின் நலன் கருதி செயல்பட்டால் நம் மாநிலம் முன்னேறும்.

**T.N.Balasubramanian** · **T.N.Balasubramanian** Fri 10 Jun 2016 - 13:07

M.Jagadeesan wrote:ஐயா ,
தங்களின் கருத்தை நான் முற்றிலும் ஆதரிக்கிறேன் . வேண்டாத மாமியாரின் கை பட்டால் குற்றம் , கால் பட்டால் குற்றம் என்பது போலத்தான் உள்ளது அம்மையாரின் போக்கு . பொறியியல் வல்லுனர்கள் பரிந்துரைத்த திட்டத்தை , அதுவும் 20 % முடிந்த நிலையில் , நிராகரிப்பது என்பது அரசியல் காழ்ப்புணர்ச்சியே தவிர வேறல்ல .

இனியாவது அம்மையார் திருந்தவேண்டும் . 60 % மக்கள் தனக்கு ஓட்டளிக்கவில்லை என்பதை உணரவேண்டும் . நலத்திட்டங்களை யார் கொண்டுவந்தாலும் , மக்களுக்கு நன்மை பயப்பதாக இருந்தால் அதை ஏற்றுக் கொள்வதுதான் அறிவுடைமை .

மேற்கோள் செய்த பதிவு: 1210453

நன்றி .
வி. பொ.உ
ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

**M.Jagadeesan** · **M.Jagadeesan** Fri 10 Jun 2016 - 18:38

சென்னையில் உள்ள சாலை மேம்பாலங்கள் கலைஞர் ஆட்சியில் கட்டப்பட்டவை . அதன் வழியாகத்தானே அம்மையாரின் கார் செல்கிறது . மதுரவாயில் பறக்கும் சாலைத் திட்டத்தை முடக்கியதுபோல , இந்தப் பாலங்களையெல்லாம் இடித்துத் தள்ளியிருக்கலாமே ! ஏன் செய்யவில்லை ?

**T.N.Balasubramanian** · **T.N.Balasubramanian** Fri 10 Jun 2016 - 19:37

M.Jagadeesan wrote:சென்னையில் உள்ள சாலை மேம்பாலங்கள் கலைஞர் ஆட்சியில் கட்டப்பட்டவை . அதன் வழியாகத்தானே அம்மையாரின் கார் செல்கிறது . மதுரவாயில் பறக்கும் சாலைத் திட்டத்தை முடக்கியதுபோல , இந்தப் பாலங்களையெல்லாம் இடித்துத் தள்ளியிருக்கலாமே ! ஏன் செய்யவில்லை ?

மேற்கோள் செய்த பதிவு: 1210529

ஆரம்பிக்கப் பட்டவைகள் முடக்கப் பட்டுள்ளன .
முடிக்கப் பட்டவை , வேறு காரியங்களுக்கு உபயோகப்படுகின்றன .
இடிக்கப் படுவது இல்லை . அவ்வளவு மோசமாக எடை போடக்கூடாது . சிரி