கொலையும் செய்வாள் பத்தினி

Jagadeesan wrote:இலக்கியங்களை அறிவியல் கண்கொண்டு பார்த்தால் எந்த இலக்கியத்தையும் ரசிக்கமுடியாது .

அறிவியல் நம் வாழ்க்கையை மேம்படுத்தும் ; ஆனால் இலக்கியங்கள் நம் மனதைப் பண்படுத்தும் .

மேலும் சிலப்பதிகாரக் கதை நடந்த நிகழ்வா அன்றிப் புனைவா என்பது நமக்குத் தெரியாது. ஆனாலும் அதை மாற்றும் உரிமை நமக்கு இல்லை . மதுரை மக்கள் கோபம்கொண்டு , மதுரையை அழித்திருக்கலாம்
என்பது ஏற்றுக்கொள்ள முடியாத கருத்து .

murthy wrote:அண்ணா! சிலப்பதிகாரம் மட்டுமல்ல அனைத்து இலக்கியங்களும் ஒரு நிகழ்ந்த கதையை சம்பவத்தை கருவாக வைத்து அழகுபடுத்தி எழுதப்படுபவைதான். கடவுள் என்றும் அவதாரமாக வந்தது கிடையாது. இந்த நிலையில் தீக்கடவுள் வந்ததை எல்லாம் ஏற்றுக் கொள்ள முடியாது.மக்களை பண்படுத்த வழிகாட்ட இப்படி எல்லாம் எழுதி இருக்கலாம். சிலப்பதிகாரத்திற்கு முந்தைய இயேசுவின் இறுதிக் காலத்தில் மக்களே போராட்டத்தை தொடர்ந்தார்கள்.

கூடவே பல நூறு ஆண்டுகளான இலக்கியங்கள் ஒவ்வொரு 400-500 ஆண்டுகளுக்கு ஒருமுறை ஓலைச்சுவடிகள் புதுப்பிக்கப்பட்டு எழுதப்படுகிறது.இப்படி எழுதப்படும் போது சில-பல மாற்றங்கள் ,சேர்க்கைகள் ஏற்பட்டிருக்கலாம். வட்டெழுத்து-பிராமி மாற்றத்தினால் மாறிக் கூட இருக்கலாம்.தற்போது கண்டெடுக்கப்பட்ட கல்வெட்டுகளை இரண்டுக்கு மேற்பட்ட மொழிபெயர்ப்புடன் ஆய்வாளர்கள் விளக்கம் தருகிறார்கள்.சரியாகப் படிக்க முடியவில்லை.

ஏன்,நம்மில் பலர் படிக்கும் கேட்கும் 17 ஆம் நூற்றாண்டு கந்த சஸ்டிக் கவசம் இன்று பிழைகளுடன் தவறாகப் பாடப்படும் போது காப்பியங்கள்,இலக்கியங்கள் மாறுபட நீக்கம் பெற சேர்க்கப்பட்டு இருக்க வாய்ப்புகள் உண்டு. வரலாற்றையே மாற்றிவிடும் போது இலக்கியங்கள் எம்மாத்திரம்.
மூர்த்தி

இந்த பதிவைத் துவங்கியவர் நன்றி கூறியுள்ளார் T.N.Balasubramanian

" விண்ணையிடிக்கும் தலை இமயம் " என்று பாடினான் பாரதி . அதற்காக இமயமலை ஆகாயத்தை இடிக்கும் அளவுக்கு உயரமானதா ? என்று கேட்கக்கூடாது .
ஒரு பொருளின் சிறப்பைக் கூறவந்த புலவன் , அதை மிகைப்படுத்தி உயர்வு நவிற்சியாக கூறுவது அவனுக்குள்ள உரிமை .

இந்த பதிவைத் துவங்கியவர் நன்றி கூறியுள்ளார் T.N.Balasubramanian

M.Jagadeesan wrote:கொலையும் செய்வாள் பத்தினி " என்பதுதான் தலைப்பு. பத்தினி கொலை செய்வாளா என்பதுதான் கேள்வி .

இதற்கு சிலப்பதிகாரத்தில் , கண்ணகி , மதுரையை எரித்த நிகழ்வை சான்றாகக் காட்டினேன் . தீக் கடவுள் வந்ததை ஏற்றுக்கொள்ள முடியாது என்கிறார் மூர்த்தி .

தெய்வம் தொழாஅள் கொழுநன் தொழுதெழுவாள்
பெய்யெனப் பெய்யும் மழை .

இந்தக் குறள் பத்தினியின் சக்தியைக் காட்டுவதற்காக எழுதப்பட்ட குறள் . இப்போதுள்ள பத்தினிப் பெண்கள் ஆணையிட்டால் மழை பெய்யுமா என்று கேட்கக்கூடாது .

" விண்ணையிடிக்கும் தலை இமயம் " என்று பாடினான் பாரதி . அதற்காக இமயமலை ஆகாயத்தை இடிக்கும் அளவுக்கு உயரமானதா ? என்று கேட்கக்கூடாது .
ஒரு பொருளின் சிறப்பைக் கூறவந்த புலவன் , அதை மிகைப்படுத்தி உயர்வு நவிற்சியாக கூறுவது அவனுக்குள்ள உரிமை .

நான் முன்பு கூறியதுபோல இலக்கியங்களை அறிவியல் கண்கொண்டு பார்க்கக்கூடாது . அப்படிப் பார்த்தால் தேவாரம் ,திருவாசகம் , திவ்ய பிரபந்தங்கள் ஆகியவற்றில் கூறப்பட்டுள்ள கருத்துக்கள் எல்லாமே பொய்யென்று ஆகிவிடும் .கம்ப இராமாயணமும் ஏற்றுக்கொள்ள முடியாது போய்விடும் .

நாம், நமக்கு கொடுக்கப்பட்ட அப்பத்தை சுவைத்து சாப்பிடவேண்டும் ; அதைவிடுத்து அதிலே எத்தனை குழிகள் இருக்கின்றன என்று எண்ண ஆரம்பித்தால் , அப்பத்தின் சுவை நமக்குத் தெரியாமல் போய்விடும் .

இந்த பதிவைத் துவங்கியவர் நன்றி கூறியுள்ளார் krishnaamma