எனக்கு சிலுவையை கொடுத்துவிட்டு…

**ayyasamy ram** · **ayyasamy ram** Thu Jun 09, 2016 6:15 pm

-
என்னுடைய எல்லை என்று
தெரிந்து கொண்டு தான்
–
நீ நுழைகிறாய்
உன்னுடைய உடைமையை
கவர்ந்திழுக்க
நான் விழைகிறேன்
–
உனது தரப்பு
நியாயத்தைச் சொல்ல
நீ முயற்சிக்கிறாய்
–
உன்னால் இழந்தவற்றை
நான் கணக்கிடுகிறேன்
–
ஏமாற்றுவதை ஒரு தொழிலாகவே
நீ செய்கிறாய்
–
எனக்கு சிலுவையை
கொடுத்துவிட்டு நீ
கிரீடத்தை அணிந்து கொள்கிறாய்
–
மோதுபவர்களை எதிர்த்து
நிற்காமல் முதுகில் குத்தும்
துரோக வரலாறு உன்னுடையது
–
இரக்கப்பட்டு ஆடைகளைக்கூட
ஈந்துவிட்டு கெளபீனதாரியாகத்
திரியும் வாழ்க்கை என்னுடையது.
–
—————————-
– ப.மதியழகன், மன்னார்குடி