சந்திப்பு..

by சசி Wed Jun 08, 2016 5:02 pm

சந்திப்பு

கையறு நிலையில்
விட்டுச்சென்றாய்
விழுதுகள் இருக்கையில்!

காமம் மட்டுமே
உந்தன் குறியாய்
இருக்கையில்!

உணர்ச்சிப் பிழம்பை
ஒதுக்கி தள்ளா
காமுகனே!

உன் உதிரத்தின்
ஒரு பாதி
மிச்ச சொச்சமாய்
மண்ணில் தவழ்கிறது!

உடனிருந்த உறவெல்லாம்
உன்னாலே
விலகிச் செல்ல!

கட்டிலிட்ட பாவத்திற்கு
தொட்டிலிட்ட குழந்தையை
தண்டித்தல் தகுமோ?

பாதகா உன்னை
மன்னித்து விடுகிறேன்!
உந்தன் விழுதுகள்
மண்ணில்
வேரூன்ற வேண்டும்!

கண்ணில் கலந்து
இதயத்தில் இறங்கி
இன்பத்தை துன்பமாய்
மாற்றினாய்!

துயரமானாலும்
அந்த சந்திப்புக்காகவே
காத்திருக்கிறேன்!!
உன் உதிரத்தின்
ஒரு பாதிக்காக!!!

சசி...

by யினியவன் Wed Jun 08, 2016 10:16 pm

நன்று.

காரி உமிழ்ந்திட காத்திருக்கலாம்.

by **krishnaamma** Wed Jun 08, 2016 10:36 pm

நல்லா இருக்கு சசி ! சந்திப்பு.. 103459460

by சசி Thu Jun 09, 2016 8:15 am

நன்றி மா...

by சசி Thu Jun 09, 2016 8:17 am

யினியவன் wrote:நன்று.

காரி உமிழ்ந்திட காத்திருக்கலாம்.

மேற்கோள் செய்த பதிவு: 1210269

உமிழ இல்லை அண்ணா.. குழி தோண்டி புதைப்பதற்கு.. ஜாக்கிரதையா தான் இருக்கணும் தவறு செய்கிற ஆண்..

by யினியவன் Thu Jun 09, 2016 10:08 am

சசி wrote:உமிழ இல்லை அண்ணா.. குழி தோண்டி புதைப்பதற்கு.. ஜாக்கிரதையா தான் இருக்கணும் தவறு செய்கிற ஆண்..

அதை கவிதையில் சொல்லி இருந்தால் மிக நன்றாய் இருக்கும், சொல்லாததால் உமிழ என்று நினைவு படுத்தினேன் சசி

by **T.N.Balasubramanian** Thu Jun 09, 2016 10:52 am

அருமையான கவிதை ,
இருப்பினும் ,

"உந்தன் விழுதுகள்
மண்ணில்
வேரூன்ற வேண்டும்! "

இன்னும் வேண்டுமா ?

"காத்திருக்கிறேன்!!
உன் உதிரத்தின்
ஒரு பாதிக்காக!!! "

இது போதாதா ??

சிறிய நெருடல் /சந்தேகம் --கருத்தில் ,
கவிதையில் இல்லை .

ரமணியன்

by **ஜாஹீதாபானு** Thu Jun 09, 2016 3:30 pm

அருமை சசி

by சசி Thu Jun 09, 2016 5:24 pm

யினியவன் wrote:
சசி wrote:உமிழ இல்லை அண்ணா.. குழி தோண்டி புதைப்பதற்கு.. ஜாக்கிரதையா தான் இருக்கணும் தவறு செய்கிற ஆண்..

அதை கவிதையில் சொல்லி இருந்தால் மிக நன்றாய் இருக்கும், சொல்லாததால் உமிழ என்று நினைவு படுத்தினேன் சசி

மேற்கோள் செய்த பதிவு: 1210315

உங்களுக்கு எல்லாம் கோவம் வரும் ஆண்பிள்ளைகளை திட்டி எழுதினால்... சொல்லிடீங்க...பின்னிடுவோம் எழுத்தால்...

by சசி Thu Jun 09, 2016 5:33 pm

T.N.Balasubramanian wrote:அருமையான கவிதை ,
இருப்பினும் ,

"உந்தன் விழுதுகள்
மண்ணில்
வேரூன்ற வேண்டும்! "

இன்னும் வேண்டுமா ?

"காத்திருக்கிறேன்!!
உன் உதிரத்தின்
ஒரு பாதிக்காக!!! "

இது போதாதா ??

சிறிய நெருடல் /சந்தேகம் --கருத்தில் ,
கவிதையில் இல்லை .

ரமணியன்

மேற்கோள் செய்த பதிவு: 1210319

மிக்க நன்றி ஐயா..
மிச்ச சொச்சமாய் மண்ணில் தவழும் அந்த குழந்தை மண்ணில் வேரூன்ற வேண்டும்
.. கைக்குழந்தையுடன் விட்டு சென்ற கணவனை குழந்தைக்காக உன்னை மன்னிக்கிறேன் வந்து விடு.. என்று தன் மனக்குமுறலை தெரியப்படுத்துகிறாள்..

புதிதாக எதையும் அவள் எதிர்பார்க்க வில்லை..