உலகின் மூத்த பட்டதாரி...!!

by ந.க.துறைவன் Sun Jun 05, 2016 11:06 am

ஜப்பானைச் சேர்ந்த ஷகெமி ஹிராடா – வயது 96. இராணுவத்தில் பணியாற்றி ஓய்வு பெற்ற இவர், 2005 –ம் ஆண்டில் கியோட்டோ பல்கலைக்கழகத்தில் பீங்கான் மற்றும் மண்பாண்டக்கலை, வடிவமைப்புப் பிரிவில் இளங்கலை பட்டப் படிப்பில் சேர்ந்தார் தொடர்ந்து, 11 ஆண்டுகள் படித்து வந்த ஹிராடா, அண்மையில் தேர்ச்சி பெற்றார். உலகிலேயே மிக மூத்த பட்டதாரி என்ற பெருமையுடன், உலக கின்னஸ் சாதனை பட்டியலில் ஹிராடா இடம் பெற்றுள்ளார். அதற்கான சான்றிதழ் நேற்று அவரிடம் வழங்கப்பட்டது. – ஆதாரம் ; தி இந்து – 05-06-2016.

பட்டம் பெற்று சாதனைப் படைத்துள்ள ஹிராடாவுக்கு நல்வாழ்த்துக்கள்.

ந.க.துறைவன்.

by **ayyasamy ram** Sun Jun 05, 2016 1:45 pm

by **ayyasamy ram** Sun Jun 05, 2016 1:47 pm

ஜப்பானைச் சேர்ந்த முதியவர் ஒருவர் 96 வயதில்,
பல்கலைக் கழக பட்டம் பெற்று கின்னஸ் உலக
சாதனை படைத்துள்ளார்.

ஜப்பானின் ஹிரோஷிமா பகுதியில் தகாமட்சு என்ற
கிராமத்தைச் சேர்ந்தவர் ஷகெமி ஹிராடா (96).
2-ம் உலகப்போரின் போது ராணுவத்தில் பணியாற்றி
ஓய்வு பெற்ற இவர், 2005-ம் ஆண்டில் கியோட்டோ
பல்கலைக்கழகத்தில் பீங்கான் மற்றும் மண்பாண்டக் கலை,
வடிவ மைப்புப் பிரிவில் இளங்கலை பட்டப்படிப்பில் சேர்ந்தார்.
–
தொடர்ந்து, 11 ஆண்டுகள் படித்துவந்த ஹிராடா,
அண்மை யில் தேர்ச்சி பெற்றார். பெரும் பாலும், வீட்டில்
இருந்தபடியே பயிற்சி மேற்கொண்ட இவர், மிக சொற்பமான
நாட்களே கல்லூரிக்குச் சென்றார். எனினும், பட்டப்படிப்பில்
தேர்ச்சி பெற்றதற்கான சான்றிதழை அண்மையில் அவருக்கு
பல்கலைக்கழகம் வழங்கியது.

இதைத்தொடர்ந்து, உலகி லேயே மிக மூத்த பட்டதாரி என்ற
பெருமையுடன், கின்னஸ் உலக சாதனை பட்டியலில் ஹிராடா
இடம்பெற்றுள்ளார். அதற்கான சான்றிதழ் நேற்று அவரிடம்
வழங்கப்பட்டது.

இதுகுறித்து, செய்தியாளர் களிடம் பேசிய ஹிராடா,
‘‘100 ஆண்டுகள் வரை வாழவேண்டும் என்பதே எனது
அடுத்த லட்சியம். ஆரோக்கியத்துடன் இருந்தால், மீண்டும்
கல்லூரிக்குச் சென்று படிப்பேன்.

சாதனை படைக்க வேண்டும் என்பதற்காக இதைச் செய்ய
வில்லை. இந்த வயதில், புதிதாக விஷயங்களை கற்றுக்
கொள்வது மகிழ்ச்சியாக இருக்கிறது’’ என்றார்.
–
——————————-
தமிழ் தி இந்து காம்

by **T.N.Balasubramanian** Sun Jun 05, 2016 3:46 pm

படிப்பதற்கு வயது ஒரு தடைக்கல் அல்லவே அல்ல .
ஹிராடா அய்யாவிற்கு நன்றி

ரமணியன்

by **T.N.Balasubramanian** Sun Jun 05, 2016 4:02 pm

ayyasami ram அவர்களுக்கு ,
மேற்கண்ட பதிவு (#3) பிரான்ஸ் ஜெர்மனியில் வரலாறு காணா வெள்ளம் ,என்ற தலைப்பில்
படத்துடன் வெளியாகி இருந்தது .
துறைவன் அவர்கள் பதிவுடன் இணைக்கப்பட்டது .
தலைப்பும் படமும் நீக்கப்பட்டன .

ரமணியன்

by **M.Jagadeesan** Sun Jun 05, 2016 5:36 pm

ஒருவன் சாகும்வரை கற்கலாம் என்பது வள்ளுவர் கருத்து.

யாதானும் நாடாமால் ஊராமால் என்னொருவன்
சாந்துணையும் கல்லாத வாறு .

கற்றவனுக்கு எல்லா நாடுகளும் சொந்தம் ; எல்லா ஊர்களும் சொந்தம் என்றிருக்க ஒருவன் ஏன் சாகும்வரையில் கற்காமல் இருக்கவேண்டும் ?

இந்தக் குறளில் எல்லா சீர்களிலும் காய்ச்சீர் பயின்று வந்திருப்பது தனிச் சிறப்பு .

by சிவனாசான் Mon Jun 06, 2016 3:38 am

கல்வி கடல்போன்றது. கற்றது கை மண்அளவு கல்லாதது உலகளவு என்பதால் சாகும்வரை கற்றுக்கொண்டே இருக்கலாம் வயது முக்கிய மல்ல. அரசியலில் கூட சாகும்வரை ஆளலாம்.ஆனால்
மாண்பமை நரேந்திர மோடி அரசியலில் 70 வயது\ 75 வயதுக்கு மேல் அவர்களுக்கு அரசியலில் அமைச்சர் பதவி இன்றி அரசுக்கு ஆலோசனைஅளிக்கும் ஆன்றோராக இருக்கலாம் என்று செயல்படுத்தியுள்ளார்.

by **ayyasamy ram** Mon Jun 06, 2016 3:45 am

T.N.Balasubramanian wrote:ayyasami ram அவர்களுக்கு ,
மேற்கண்ட பதிவு (#3) பிரான்ஸ் ஜெர்மனியில் வரலாறு காணா வெள்ளம் ,என்ற தலைப்பில்
படத்துடன் வெளியாகி இருந்தது .
துறைவன் அவர்கள் பதிவுடன் இணைக்கப்பட்டது .
தலைப்பும் படமும் நீக்கப்பட்டன .

ரமணியன்

மேற்கோள் செய்த பதிவு: 1209849
-
உலகின் மூத்த பட்டதாரி...!! 1571444738