விலை கொடுத்து வாங்கிய பதவியை விலைக்கு விற்க முன்வந்த எம்எல்ஏக்கள்

**ayyasamy ram** · **ayyasamy ram** Sat 4 Jun 2016 - 8:38

பெங்களூரு:
நடக்கவிருக்கும் ராஜ்யசபா தேர்தலில் எம்.பி.,க்களுக்கு ஓட்டு
போட எம்எல்ஏ.,க்கள் ரூ. 5 முதல் 10 கோடி கோடி வரை கேட்ட
வீடியோ காட்சி கர்நாடக மாநிலத்தை கலக்கி வருகிறது.
-
எம்எல்ஏ, தேர்தலில் போட்டியிடும் வேட்பாளர்கள், வாக்காளர்களுக்கு,
ஆயிரம், இரண்டாயிரம் என கொடுத்து ஓட்டுகளை விலைக்கு
வாங்கியதாக கேட்டிருக்கிறோம். அவ்வாறு விலை கொடுத்து வாங்கிய
பதவியைப் பயன்படுத்தி கோடிக்கணக்கில் அநத எம்எல்ஏக்கள் லாபம்
சம்பாதிக்கும் நாடகம் தற்போது அரங்கேறி வருகிறது.
-
நாடு முழுவதும் ராஜ்யசபா தேர்தல் பணி துவங்கி நடந்து வருகிறது.
அவரவர் கட்சி சார்பில் எண்ணிக்கை உள்ள பலத்திற்கு ஏற்ப இந்த
ராஜ்யசபா உறுப்பினர்கள் தேர்வு செய்யப்படுவர்.
-
இந்நிலையில் , இங்கு டைம்ஸ் நவ் மற்றும் இந்தியா டூடே டிவிக்கள்
ரகசிய ஸ்டிங் ஆப்ரேஷன் நடத்தியுள்ளது. இதில் ஜனதாதளம் எஸ் கட்சி
மற்றும் சுயேச்சை எம்எல்ஏ.,க்கள் சிக்கினர்.
-
இவர்கள் அளித்த உரையாடலில் ஆமாம் எனக்கு பணம் கொடுத்தால்
தான் ஓட்டு போடுவேன். 5 கோடி வரை கேட்பேன் என கூறியுள்ளார்.
இந்த வீடியோ டிவிக்களிலும் வாஸ் அப்புகளிலும் பரவி வருகிறது.
-
இது குறித்து உரிய நடவடிக்கை எடுக்க வேண்டும் என ஆம் ஆத்மி ,
உள்ளிட்ட கட்சிகள் மற்றும் சமூக ஆர்வலர் அமைப்புகள் தேர்தல்
கமிஷனை வலியுறுத்தியுள்ளது.
-
இது குறித்து ஜனதாதளம் ( எஸ் ) தலைவர் தேவகவுடா கூறுகையில் ,
எம்எல்ஏக்களின் சாதாரண பேச்சு தான் இது , அதில் அவர்கள் ஒன்றும்
பணம் பெற்றா விட்டனர்.
-
இது போன்ற தவறு செய்யவில்லையே இதனை நாங்கள் பெரிதாக
நினைக்கவில்லை. எங்கள் கட்சி மீது அவதூறு பரப்பிட எங்களை
நோக்கி விடப்பட்ட கணை என்றார்.
-
இம்மாநில சட்டசபையில் மொத்தம் 224 எம்.எல்.ஏ.க்கள் உள்ளனர்.
இதில் காங்கிரசுக்கு 124, பா.ஜ. க.வுக்கு 46, தேவேகவுடாவின் மதச்
சார்பற்ற ஜனதா தளம் கட்சிக்கு 40 எம்.எல்.ஏ.க்கள் உள்ளனர்.
-
சிறிய கட்சிகள், சுயேட்சைகள் என 14 எம்.எல்.ஏ.க்கள் உள்ளனர்.
ஒரு எம்.பி.யை தேர்வு செய்ய 45 எம்.எல்.ஏ.க்களின் ஓட்டு தேவை.
காங்கிரஸ் கட்சியில் 33 எம்.எல்.ஏ.க்கள் உள்ளனர்.
எனவே இந்த கட்சி ஒரு எம்பி.,யை தேர்வு செய்ய காங்கிரசும்
, தேவகவுடா கட்சியும்பல முனை வேலைகளை துவக்கியிருக்கிறது.
-
வீடியோவில் சிக்கிய எம்.எல்ஏ.,க்கள் யார்? ;
ஜி.டி தேவகவுடா, (ஜனதா தளம் எஸ். ),
மல்லிகார்ஜூன் (ஜனதா தளம் எஸ். ),
ஹூபா (ஜனதா தளம் எஸ். ),
வார்த்தூர் பிரகாஷ் ( சுயேச்சை )ஆகியோர் இந்த வீடியோவில்
சிக்கியுள்ளனர்.
-
------------------------------
தினமலர்

**T.N.Balasubramanian** · **T.N.Balasubramanian** Sat 4 Jun 2016 - 19:33

தற்காலங்களில் ,
அரசியல் ஒரு வியாபாரம் .
அரசியல்வாதிகள் வியாபாரிகள் .
சிறு முதலீடு செய்து பெரும் லாபம் பெறவே முயற்சிப்பார்கள் .

சேவையா ?? மக்களுக்கா ?? ஹி ஹி அப்பிடினா ,கிலோ என்ன விலைங்க !!

ரமணியன்

**M.Jagadeesan** · **M.Jagadeesan** Sun 5 Jun 2016 - 8:02

காசுக்காக ஆட்களை மாற்றிக் கொண்டிருப்பவள் விபசாரி . அதே காசுக்காக , கட்சிகளை மாற்றிக் கொண்டிருப்பவன் அரசியல்வாதி .

எனவே அரசியல்வாதிகளை வியாபாரிகள் என்று சொல்வதைவிட ," அரசியல் விபசாரிகள் " என்று சொல்வது பொருத்தமாக இருக்கும் .

சிவனாசான் · சிவனாசான் Sun 5 Jun 2016 - 8:34

இந்திய நாட்டின் முதல் மூத்த குடிமகன் இந்த செய்தி களை சங்கதிகளை எல்லாம் காதில் போட்டுக்கொள்ளாமல் இருக்கிறார் என்றால் அதை மாநில கவர்னர் கண்டு கொள்ளாமல் காலம் கடத்துவதுதான் என்ற பணியா? நாட்டிற்கு தேவையா ஜனநாக ஆட்சி. இவர்கள் (அரசியலு கட்சியினர்) ஆட்சி செய்தால்தான் சூரியன் உதமாகும் சந்திரன் உதமாகும் என்று உள்ளதோ!!!!!!!!!மிக மிக கேவலமாக உள்ளது. .மானங்கெட்டவன் ஊருக்கு பெரியவன் என்பது>>>>>>>>>>>>>>>>

**krishnaamma** · **krishnaamma** Tue 7 Jun 2016 - 1:41

M.Jagadeesan wrote:காசுக்காக ஆட்களை மாற்றிக் கொண்டிருப்பவள் விபசாரி . அதே காசுக்காக , கட்சிகளை மாற்றிக் கொண்டிருப்பவன் அரசியல்வாதி .

எனவே அரசியல்வாதிகளை வியாபாரிகள் என்று சொல்வதைவிட ," அரசியல் விபசாரிகள் " என்று சொல்வது பொருத்தமாக இருக்கும் .

வார்த்தை கடுமையாக இருந்தாலும் அது தான் சரியான வார்த்தை ஐயா ! .................