காகித கப்பல் - கவிதை - தொடர்பதிவு

by **ayyasamy ram** Fri Jun 03, 2016 4:09 pm

-
காகிதக் கப்பல்தான் அக்கரை சேருமா?
காகிதப் பூத்தான் கணநேரம் மணக்குமா?
சிறார் செய் வெள்ளாமை வீடுவந்து சேருமோ?
அறிவில்லார் செய் அரசு தருமோ பயன்.
.
தாள்கொண்டு தானே மடித்துச் செய்கப்பல்
பாழாகும் நுங்குக்காய் கொண்டு செய்வண்டி
கடல்கரையோரம் கட்டிய மணல்கோட்டை
மழலையர்க்குத் தரும் இன்பம் கோடி..
–
கற்பார்க்குக் காகிதம் எழுத்தோலை , கல்லாப்
பாமரர்க்குப் பலவழியில் பயன்படு பொருள் – சிறார்க்குக்
கார்காலக் கப்பல் காற்றுக் கால பட்டமென
உருமாறும் பல வடிவில் காகிதம்
–
—————————————-
மீனாள் தேவராஜன்
கவிதை மணி

by **ayyasamy ram** Fri Jun 03, 2016 4:12 pm

காகித கப்பல்: எஸ். சுரேஷ்
-
காகித கப்பல் - கவிதை - தொடர்பதிவு G3QuoWQJQkm0ficZlI0N+photos-in-the-rain-paper-boats1

-

-
மழைநீரில் நனைந்து
விளையட்டுக்காக கப்பல்
விட்டு மகிழ்ந்தோம்
கவிழ்ந்த போது
கண் கலங்கினோம்!
–
வாழும் சிலர்
பேராசை கப்பலேறி
நல்லோர்ருரையும் அறநெறியையும்
விலக்கி விட்டு
பணதிற்காகவும் பதவிக்காகவும்
அதிகாரவர்க்கத்திற்கு அடிமையாய்
வாழும் மனிதர்களின்
–
நிலைகெட்ட வாழக்கை
காகித கப்பலாய்
சிறிது காலத்தில்
மறைந்து போகிறதே!
–
—————————-
கவிதை மணி

by **ayyasamy ram** Fri Jun 03, 2016 4:14 pm

காகிதக் கப்பல்: சு.ஜெயக்குமார்
-
காகித கப்பல் - கவிதை - தொடர்பதிவு TLjPyxeQsCqY22VcJhrA+happy

-

கொட்டும் மழை
குறைவதைக் கண்டு
குழந்தை கேட்ட
–
கப்பல் ஒன்று
காகிதத்தில் செய்ய
கற்றுத் தந்த
–
தந்தையின் கைகளில்
குழந்தை கண்டது
காகிதமல்ல – தன்
தந்தையின் பாசம்.
–
தந்தையிடம் கற்ற
கலையில் தேறி
தன் கையால் ஒரு
காகிதக் கப்பல் செய்து
–
தெருவில் ஓடும்
மழை நீரில்
மிதக்க விட்டதும்
மூழ்காமல் மிதந்து சென்ற
–
அந்தக் கப்பலோடு
மகிழ்ச்சியில் பயணித்தது
அக்குழந்தையின் மனம்!
–
——————————–
கவிதை மணி

by Sponsored content

காகித கப்பல் - கவிதை - தொடர்பதிவு

காகித கப்பல் - கவிதை - தொடர்பதிவு

Re: காகித கப்பல் - கவிதை - தொடர்பதிவு

Re: காகித கப்பல் - கவிதை - தொடர்பதிவு

Re: காகித கப்பல் - கவிதை - தொடர்பதிவு