உ .பி., கலவரத்தில் 24 பேர் பலி ; முதல்வர் பதவி விலக வலியுறுத்தல்

லக்னோ:
உ .பி., மாநிலம் மதுராவில் ஆக்கிரமிப்பு அகற்றும் போது
பொதுமக்களுடன் ஏற்பட்ட மோதலில் போலீஸ் எஸ்பி.,
உள்பட 24 பேர் கொல்லப்பட்டனர் .
-
இந்த சம்பவத்தால் முதல்வர் அகிலேஷ் அரசு சட்டம் ஒழுங்கை
காக்க தவறி விட்டது என குற்றச்சாட்டு எழுந்துள்ளது.
-
பல ஆண்டுகள் ஜவாஹர்பர்க் பகுதியில் அகற்றப்படாமல்
இருந்து வந்த ஆக்கிரமிப்புகளை கோர்ட் உத்தரவுப்படி அகற்றும்
பணியில் உபி., அரசு இறங்கியது.
-
பாதிக்கப்பட்ட 3 ஆயிரம் பேர் இதற்கு எதிர்ப்பு தெரிவித்து
போலீசார் மீது தாக்குதல் நடத்தினர்.
-
கையெறி குண்டுகள் வீசப்பட்டன. போலீசார், கண்ணீர் புகை
வீசி கூட்டத்தினரை கலைத்தனர். இந்த சம்பவத்தில் எஸ்.பி.,
முகுல் திவேதி மற்றும் ஒரு போலீஸ்காரர், வன்முறையாளர்கள்
என 24 பேர் பலியாயினர்.
இந்த சம்பவத்தை அடுத்து அங்கு மேலும் கூடுதல் போலீசார்
குவிக்கப்பட்டுள்ளனர்.
-
வன்முறை சம்பவம் குறித்து முதல்வர் அகிலேஷ் யாதவ்
கூறுகையில்; வன்முறையில் ஈடுபட்ட 366 பேர் கைது செய்யப்
பட்டுள்ளனர். ஆக்கிரமிப்பாளர்கள் ஆயுதங்கள்
வைத்திருப்பார்கள் என்பது முன்கூட்டியே தெரியவில்லை.
இதனால் பலி சம்பவம் அதிகரித்துள்ளது. சம்பந்தப்பட்ட நபர்கள்
மீது கடும் நடவடிக்கை எடுக்கப்படும்.
-
மேலும் இது குறித்து விசாரிக்க ஒரு கமிட்டி அமைக்கப்பட்டுள்ளது.
பலியான போலீசாரின் குடும்பத்தினருக்கு 20 லட்சம் நிவாரணம்
வழங்கப்படும்.
-
இதற்கிடையில் கலவரத்திற்கு பொறுப்பேற்று முதல்வர் அகிலேஷ்
பதவி விலக வேண்டும் என பா.ஜ., தேசிய செயலர் ஸ்ரீகாந்த் சர்மா
கூறியுள்ளார். கடந்த சில மாதங்களாக இவர்கள் ஆயுதங்கள் பதுக்கி
வைத்ள்ளனர். இதனை மாநில அரசு கண்டறிய தவறி விட்டது .
இது மாநில அரசின் கையாலாகத்தனம்.
இங்கு குண்டர்கள் ராஜ்யம் நடக்கிறது என்றும் சாடியுள்ளார்.
-
இந்த சம்பவம் குறித்து முழு அறிக்கை தருமாறு உள்துறை
அமைச்சர் ராஜ்நாத் சிங் கேட்டு கொண்டுள்ளார்.
உபியை பொறுத்த வரை அகிலேஷ் பொறுப்பேற்றது முதல் ஜாதி
மற்றும் மத மோதல்கள் அதிகரித்து வந்தன.
சமீப காலமாக குறைந்து இருந்தது. தற்போது மீண்டும் வன்முறை
தலை தூக்கியுள்ளது.
-
--------------------------------------------------
தினமலர்