அமெரிக்காவின் வெற்றிகரமான மகளிர் பட்டியலில் இரு இந்திய வம்சாவளியினர்

by **ayyasamy ram** Fri Jun 03, 2016 8:17 am

-

அமெரிக்காவின் தொழில்துறையில் வெற்றிகரமாக செயல்படும்
மகளிரின் பட்டியலில் இந்திய வம்சாவளியினர் இருவரும் இடம்
பெற்றுள்ளனர்.

அமெரிக்காவின் முதன்மையான பெண் தொழிலதிபர்கள்,
செல்வம் மிகுந்த பெண்மணிகளின் பெயர்கள் அடங்கிய பட்டியலை
ஃபோர்ப்ஸ் பத்திரிகை வெளியிட்டுள்ளது.

இதில் 60 பெண்களின் பெயர்கள் வெற்றிகரமான தொழில்
முனைவோராக சுட்டிக்காட்டப்பட்டுள்ளது.

இதில் இந்தியாவில் பிறந்து அமெரிக்காவில் குடியேறிய
நீரஜா சேத்தி (61), ஜெயஸ்ரீ உல்லால் (55) ஆகியோரது பெயர்கள் இடம்
பெற்றுள்ளன.

தொழிலில் வெற்றிகரமாக செயல்பட்டு அதிக செல்வம் ஈட்டியுள்ள
அமெரிக்கப் பெண்கள் பட்டியிலில் 16-ஆவது இடத்தைப் பெற்றுள்ள
நீரஜா சேத்தி, தனது கணவர் பரத் தேசாயுடன் இணைந்து தகவல்
தொழில்நுட்ப ஆலோசனை நிறுவனத்தையும், அயல்பணி ஒப்பந்தச்
சேவை நிறுவனத்தையும் நடத்தி வருகிறார்.

நீரஜா சேத்தி, தில்லி பல்கலைக்கழத்தில் படித்தவர். அவரது
நிறுவனங்களில் 25 ஆயிரத்துக்கும் மேற்பட்டோர் பணியாற்றி
வருகின்றனர். நீரஜா சேத்தியின் நிகர சொத்து மதிப்பு சுமார்
ரூ.7,400 கோடியாகும்.

மற்றோர் இந்திய வம்சாவளி பெண்மணியான ஜெயஸ்ரீ உல்லால்,
அரிஸ்டா நெட்வொர்க்ஸ் நிறுவனத்தின் தலைவராக உள்ளார்.
அமெரிக்காவில் கம்ப்யூட்டர் நெட்வொர்க்கிங் துறையில்
ஜெயஸ்ரீ உல்லாலின் நிறுவனம் முன்னிலையில் உள்ளது.

மிகக்குறைந்த வருமானத்துடன், 50-க்கும் குறைவான
பணியாளர்களுடன் இயங்கி வந்த அரிஸ்டா நிறுவனத்தின் தலைமைப்
பொறுப்பை ஜெயஸ்ரீ உல்லால் 2008-ஆம் ஆண்டில் ஏற்றார்.

அதன்பிறகு 5 ஆண்டுகளில் அந்த நிறுவனம் அபார வளர்ச்சி பெற்றது.
லண்டனில் பிறந்த ஜெயஸ்ரீ உல்லால், தில்லியில் கல்வி பயின்றவர்.
அவரது நிகர சொத்து மதிப்பு சுமார் ரூ.3,200 கோடியாகும்.

இப்பட்டியலில் அமெரிக்காவின் டயான் ஹென்ட்ரிக்ஸ்
ரூ.33 ஆயிரம் கோடி சொத்து மதிப்புடன் முதலிடத்தில் உல்ளார்.
அவர் ஏபிசி சப்ளைஸ் என்ற பெயரில் மிகப்பெரிய மொத்த
விற்பனை மற்றும் பொருள்கள் விநியோக நிறுவனத்தை நடத்தி
வருகிறார்.
-
-----------------------------------------
தினமணி

by **T.N.Balasubramanian** Fri Jun 03, 2016 1:03 pm

வாழ்த்துகள் பெண்மணிகளே ,ரத்தினங்களே !
எங்கள் ஊர் பெண்மணிகளுக்கு வந்து அறிவுரை வழங்குங்கள் .
வெட்டியாக tv சீரியல்களில் காலம் கடத்துகின்றனர் .
4 கிளாஸ் மாணவ மாணவிகளுக்கு இருக்கும் பொது அறிவும் ,IQ வும் இல்லாத டைரக்டர்கள்
இந்த சீரியல்களை இயக்குபவர்கள் . அழுகை

ரமணியன்

by **M.Jagadeesan** Fri Jun 03, 2016 1:47 pm

டாக்டர்கள் பெண்களுக்குச் சொல்லும் அறிவுரை , " உங்களுக்கு BP அதிகமாக இருக்கிறது ; எனவே சீரியல்களைப் பார்ப்பதை முற்றிலுமாகத் தவிர்க்கவேண்டும் "

இதற்கு நம்ம வீட்டுப் பெண்கள் சொல்லும் பதில் , " அந்த டாக்டர் கிடக்கிறார் ; நான் செத்தாலும் சீரியல் பார்த்துக்கொண்டுதான் சாவேன் ! அதை யாராலும் தடுக்கமுடியாது . "

by **T.N.Balasubramanian** Fri Jun 03, 2016 2:33 pm

தமிழ் நாட்டு மக்கள் இலவசங்களால் பின்னடைகிறார்கள் .
தமிழ் நாட்டு பெண்கள் TV சீரியல்களால் பின்னடைகிறார்கள் .

ரமணியன்

by ஸ்ரீரங்கா Fri Jun 03, 2016 2:35 pm

M.Jagadeesan wrote:டாக்டர்கள் பெண்களுக்குச் சொல்லும் அறிவுரை , " உங்களுக்கு BP அதிகமாக இருக்கிறது ; எனவே சீரியல்களைப் பார்ப்பதை முற்றிலுமாகத் தவிர்க்கவேண்டும் "

இதற்கு நம்ம வீட்டுப் பெண்கள் சொல்லும் பதில் , " அந்த டாக்டர் கிடக்கிறார் ; நான் செத்தாலும் சீரியல் பார்த்துக்கொண்டுதான் சாவேன் ! அதை யாராலும் தடுக்கமுடியாது . "

மேற்கோள் செய்த பதிவு: 1209686 சூப்பருங்க

by **krishnaamma** Tue Jun 07, 2016 12:43 pm

இதில் இந்தியாவில் பிறந்து அமெரிக்காவில் குடியேறிய
நீரஜா சேத்தி (61), ஜெயஸ்ரீ உல்லால் (55) ஆகியோரது பெயர்கள் இடம்
பெற்றுள்ளன.

அருமையிருக்கு

by **krishnaamma** Tue Jun 07, 2016 12:44 pm

M.Jagadeesan wrote:டாக்டர்கள் பெண்களுக்குச் சொல்லும் அறிவுரை , " உங்களுக்கு BP அதிகமாக இருக்கிறது ; எனவே சீரியல்களைப் பார்ப்பதை முற்றிலுமாகத் தவிர்க்கவேண்டும் "

இதற்கு நம்ம வீட்டுப் பெண்கள் சொல்லும் பதில் , " அந்த டாக்டர் கிடக்கிறார் ; நான் செத்தாலும் சீரியல் பார்த்துக்கொண்டுதான் சாவேன் ! அதை யாராலும் தடுக்கமுடியாது . "

மேற்கோள் செய்த பதிவு: 1209686

ஒ...BP shoot up ஆகும் அளவுக்கு ஆய்போச்சா? புன்னகை

by **krishnaamma** Tue Jun 07, 2016 12:44 pm

T.N.Balasubramanian wrote:வாழ்த்துகள் பெண்மணிகளே ,ரத்தினங்களே !
எங்கள் ஊர் பெண்மணிகளுக்கு வந்து அறிவுரை வழங்குங்கள் .
வெட்டியாக tv சீரியல்களில் காலம் கடத்துகின்றனர் .
4 கிளாஸ் மாணவ மாணவிகளுக்கு இருக்கும் பொது அறிவும் ,IQ வும் இல்லாத டைரக்டர்கள்
இந்த சீரியல்களை இயக்குபவர்கள் .

ரமணியன்

நிஜம் ஐயா

by **krishnaamma** Tue Jun 07, 2016 12:45 pm

T.N.Balasubramanian wrote:தமிழ் நாட்டு மக்கள் இலவசங்களால் பின்னடைகிறார்கள் .
தமிழ் நாட்டு பெண்கள் TV சீரியல்களால் பின்னடைகிறார்கள் .

ரமணியன்

மேற்கோள் செய்த பதிவு: 1209689

வாஸ்த்தவம்.........100% உண்மை !......கவைக்குதவாத சீரியல்கள்...........' புண்ணியமா புருஷார்த்தமா அவை ' என்று கொஞ்சம் யோசிக்கணும்.......செய்வார்களா? புன்னகை