சென்னை தொழில் அதிபர் வீட்டில் 100 உலோக சாமி சிலைகள் பறிமுதல்

**ayyasamy ram** · **ayyasamy ram** Thu Jun 02, 2016 4:54 pm

-
சென்னை ஆழ்வார் பேட்டையில் இன்று பூட்டிக்கிடந்த
மர்ம பங்களாவை நீதிமன்ற உத்தரவுப்படி திறந்து
பார்த்ததில், இங்கு அடைத்து வைக்கப்பட்டிருந்த
100 சிலைகளை போலீசார் பறிமுதல் செய்தனர்.

கைப்பற்றப்பட்ட 54 சிலைகளும் கிண்டி கடத்தல் தடுப்பு
பிரிவு அலுவலகத்துக்கு கொண்டு சென்று பாதுகாப்பாக
வைக்கப்பட்டு உள்ளது.

அவற்றின் மதிப்பு ரூ.50 கோடி இருக்கும் என்றும் வெளி
நாடுகளுக்கு கடத்திச் சென்று விற்பனை செய்வதற்காக
வைக்கப்பட்டு இருந்ததும் தெரிய வந்தது.

சென்னை ஆழ்வார்பேட்டை முர்ரேஸ்கேட் சாலையில்
உள்ள பங்களாவில் பதுக்கி வைக்கப்பட்டிருந்த பல கோடி
ரூபாய் மதிப்புள்ள 55 பழங்கால சிலைகளை
ஐ.ஜி. பொன்.மாணிக்கவேல் தலைமையிலான தமிழக
சிலை கடத்தல் தடுப்புப் பிரிவு போலீஸார்
செவ்வாய்க்கிழமை பறிமுதல் செய்தனர்.

இது தொடர்பாக 3 பேர் கைது செய்யப்பட்டனர்.
இந்தக் கும்பலுக்கு தலைவராகச் செயல்பட்ட ஆந்திர
மாநிலத்தைச் சேர்ந்த தீனதயாளன் (78)
தலைமறைவாகியுள்ளார். அவர் நேரில் ஆஜராகக் கோரி
போலீஸார் புதன்கிழமை சம்மன் அனுப்பியுள்ளனர்.

காவல் துறையினரால் தேடப்படும் தீனதயாளன் கடந்த
2004-ம் ஆண்டு நெல்லை பழவூரில் உள்ள ஒரு கோவிலில்
நடராஜர் சிலை உள்பட 13 சிலைகளை திருடியதாக
பிடிபட்டார். அப்போது அவருடன் கூட்டாளிகள் 8 பேரும்
சிக்கினர்.

இந்த வழக்கில் 9 சிலைகளை போலீசார் மீட்டனர்.
அதில் நடராஜர் சிலையின் மதிப்பு ரூ. 16 கோடி. இந்த
வழக்கில் தீனதயாளன் கைது ஆகாமல் தலைமறைவாக
இருந்தார். பின்னர் நீதிமன்றத்தில் ஜாமீன் பெற்றார்.

தற்போது சென்னையில் சிலைகள் பதுக்கல்
தீனதயாளன் தலைமறைவாக இருந்த படியே ஜாமீன் பெற
முயற்சி செய்யலாம் என்பதால் போலீசார் தீவிரமாக
கண்காணித்து வருகிறார்கள். அவரது கூட்டாளிகளையும்
தேடி வருகிறார்கள்.
-
-----------------------------------------
தினமணி

சென்னை தொழில் அதிபர் வீட்டில் 100 உலோக சாமி சிலைகள் பறிமுதல்

சென்னை தொழில் அதிபர் வீட்டில் 100 உலோக சாமி சிலைகள் பறிமுதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக