சேலை – ஒரு பக்க கதை

**ayyasamy ram** · **ayyasamy ram** Thu Jun 02, 2016 12:24 am

-
பிரபல புடவைக் கடையின் மேனேஜர்தான் கேசவன்.
ஆனால், அவன் மனைவி சித்ராவே சேலை கட்டுவதில்லை.
என்ன செய்வது? சித்ரா தொலைக்காட்சி சீரியல்களில்
நடிக்கிறாள்.
–
பெரும்பாலும் அவள் நடிப்பது மாடர்ன் பெண் கதா
பாத்திரங்களில்தான். அதற்காக மாடர்ன் டிரஸ் போட்டுப்
போட்டு, அப்படியே அதற்குப் பழகி விட்டாள்.
–
கேசவன் பலமுறை அவளைப் புடவை கட்டச் சொல்லி
கேட்டிருக்கிறான். ‘‘போங்க, அதெல்லாம் எனக்கு செட்
ஆகாது!’’ எனச் சொல்லி விடுவாள்.
–
அப்படிப்பட்டவள் ஒரு நாள் தானே முன்வந்து கேசவனிடம்
கேட்டாள், ‘‘என்னங்க… ஜவுளிக்கடையில ஷோகேஸ்
பொம்மைக்கெல்லாம் சேலை கட்டி விடுறீங்களே…
எனக்கும் நீங்களே சேலை கட்டிவிடக் கூடாதா?’’
–
‘அட, இதைக் கேட்கவா இத்தனை நாளாகத் தயக்கம்!’
கேசவன் உற்சாகமாகி அவளுக்கு சேலை கட்டிவிட்டான்.
அந்த டிசைனர் சேலையில் சித்ரா தேவதையாய்த்
தெரிந்தாள்.
–
‘‘இப்படியே இவள் தினமும் இருந்தால்…’’ –
பெருமூச்சுடன் அவன் கடைக்குக் கிளம்பியபோது சித்ரா,
செல்போனில் பரபரப்பாக பேசிக்கொண்டிருந்தாள்.
–
‘‘டைரக்டர் ஸார்! நீங்க சொன்னபடியே ஒரு மணி நேரத்துல
‘சேலை காஸ்ட்யூம்ல’ நேரா ஷூட்டிங் ஸ்பாட்டுக்கு
வந்துடுறேன். அந்தக் கேரக்டரை வேற யாருக்கும்
கொடுத்துடாதீங்க. ப்ளீஸ்!’’ – சொல்லிக்கொண்டே
அவசரமாகக் காரில் ஏறினாள் சித்ரா.
–
—————————–
– கே.அசோகன்
குங்குமம்

**krishnaamma** · **krishnaamma** Thu Jun 02, 2016 1:13 am

ஹா...ஹா...ஹா.... இதுவும் தொழில் நிமித்தமாகத்தானா? புன்னகை

சிவனாசான் · சிவனாசான் Thu Jun 02, 2016 8:37 am

சேலை கட்டும் மாதரை தற்போது காணமுடியாதுங்க....சேல் அசைக்கும் மாந்தரைத்தான் காண முடியுமுங்க. நாகரிக உடை என அநாகரிக பண்புகள் புரை ஓடிவிட்டதுங்க பண்பாடு பற்றி பேச இடமே இல்லைங்க >>>>>>>>>>>>>>>>>>சே.

இந்த பதிவைத் துவங்கியவர் நன்றி கூறியுள்ளார் சிவனாசான்

Sponsored content · Sponsored content

சேலை – ஒரு பக்க கதை

சேலை – ஒரு பக்க கதை

Re: சேலை – ஒரு பக்க கதை

Re: சேலை – ஒரு பக்க கதை

Re: சேலை – ஒரு பக்க கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக