உன்னோடு ஒன்றினேன்..

by சசி Sun May 29, 2016 11:18 pm

உன்னோடு ஒன்றினேன்..

உன் பிஞ்சு பாதம்
பஞ்சாய் கருவறையில்
நீ உதைக்க
கண்மூடிக் கண்ணே
உன்னை காணும்
இன்பத்தில்
ஒன்றினேன்!!

உன் பத்து விரலால்
ஒப்பில்லா ஓவியத்தை
கருப்பைச்சுவற்றிலே
கண்ணா நீ தீட்டும் போது
காணக் கிடைக்கா
பேரின்பத்தின் உச்சத்தில்
உன்னோடு ஒன்றினேன்!!

உன் உயிர் பிறக்க
உதிரத்தை உச்சமாய்
உனக்களித்தே
உவகை கொண்டேன்!!!

அதிகாலையில் உதயமாகும்
சூரியனைப் போல்
நீ உதித்தாய்!!

உன் விழியின்
வெளிச்சத்தில்
நான் பிரகாசமானேன்!!
ஆம் நான் தாயானேன்!!

உன்னில் ஒன்றி
உலகத்தை துறந்தேன்!!
என் உயிரும்
என் உலகமும்
நீயே தான்!!!

சசி...

by **விமந்தனி** Sun May 29, 2016 11:55 pm

உன்னில் ஒன்றி
உலகத்தை துறந்தேன்!!
என் உயிரும்
என் உலகமும்
நீயே தான்!!!

மிகவும் அருமை சசி. சூப்பருங்க

by **M.Jagadeesan** Mon May 30, 2016 9:02 am

நீண்ட நாட்களுக்குப் பின்னர் சசியின் கவிதை !

" ஈன்ற பொழுதின் பெரிதுவக்கும் " என்ற வள்ளுவன் காட்டிய உவகையை , உங்கள் வரிகளில் காண்கின்றேன் .

by சசி Mon May 30, 2016 10:32 am

M.Jagadeesan wrote:நீண்ட நாட்களுக்குப் பின்னர் சசியின் கவிதை !

" ஈன்ற பொழுதின் பெரிதுவக்கும் " என்ற வள்ளுவன் காட்டிய உவகையை , உங்கள் வரிகளில் காண்கின்றேன் .

மேற்கோள் செய்த பதிவு: 1209241

மிக்க நன்றி ஐயா.. கைப்பேசியில் பிரச்சினை. அதனால் இணைய இயலவில்லை..