மண்மணம் மாறாமல் மாட்டு வண்டியில் பயணம் செய்து வழிபாடு...

**krishnaamma** · **krishnaamma** Sun 29 May 2016 - 1:43

விதவிதமான விரைவு கார்கள்,சொகுசுபஸ்கள்,குளு குளு வசதி ரயில்கள் என்று போக்குவரத்து பல்வேறு விதங்களில் விரைவும்,நவீனத்துவம் பெற்றுவிட்ட இந்தக்காலத்தில் பராம்பரிய முறைப்படி மாட்டுவண்டியில் பயணம் செய்து குலதெய்வத்தை வழிபடுபவர்களின் கதை இது.

கரூர் மாவட்டம், தோகைமலை அருகே பாராப்பட்டி பண்ணை, அழகாபுரி, காமணம்பட்டி, ஆலந்துார் ஆகிய கிராமங்கள் உள்ளன.இந்தப்பகுதியில் வசிக்கும் ஒரே வகுப்பைச் சேர்ந்த குடும்பத்தினர் அனைவருக்கும் ஸ்ரீரங்கம் ரங்கநாதர்தான் குலதெய்வம்.

.........................

**krishnaamma** · **krishnaamma** Sun 29 May 2016 - 1:44

மண்மணம் மாறாமல் மாட்டு வண்டியில் பயணம் செய்து வழிபாடு... 5eaKEOCmQEyb8g5GHwMp+gallerye_17211992_1530830

பெரும்பாலனோர் விவசாயிகள், இவர்கள் அனைவரும் தங்களது நிலத்தில் இருந்து கிடைக்கும் விளைபொருளில் இருந்து ஒரு பங்கை ரொக்கமாகவோ,தானியமாகவோ வருடத்திற்கு ஒரு முறை ரங்கநாதருக்கு என்று எடுத்து வைத்துவிடுவர்.

இப்படியே ஐந்து வருடங்களானதும் தங்களது கிராமத்தில் இருந்து மாட்டு வண்டியில் குடும்பத்தோடு கிளம்பி ரங்கநாதரை தரிசிக்கவந்துவிடுவர்.எப்போது கிளம்பலாம் என்பதை வடசேரி மேல்புரம் கருப்பசாமி கோவில் கவுலியை கேட்டு பயணத்தேதி முடிவு செய்யப்படுகிறது.

......................

**krishnaamma** · **krishnaamma** Sun 29 May 2016 - 1:45

மண்மணம் மாறாமல் மாட்டு வண்டியில் பயணம் செய்து வழிபாடு... JIqZ6e8lRXLn5Wk2nYyg+gallerye_172146873_1530830

பயணத்தேதி அன்று அலங்காரம் செய்யப்பட்ட தம்பட்டம் மாடு(கோவில் மாடு) முன் செல்ல அதை தொடர்ந்து, கூண்டு கட்டிய மாட்டு வண்டிகளில் யாத்திரை கிளம்புகிறது.

ரங்கநாருக்கு தொட்டில் கட்டி வருவது மிகவும் பிடித்த விசயம் என்பதால், ஸ்ரீரங்கம் ரங்கநாதரை வேண்டிக் கொண்ட பின் பிறந்த குழந்தைகளை, மாட்டு வண்டியில் தொட்டில் கட்டி அழைத்து வருகின்றனர்.இன்றைய சூழலில் எல்லோர் குடும்பத்திலும் மாட்டு வண்டி இல்லை என்பதால் இல்லாதவர்கள் வாடகைக்கு எடுத்து வருகின்றனர்.

.......................

**krishnaamma** · **krishnaamma** Sun 29 May 2016 - 1:46

மண்மணம் மாறாமல் மாட்டு வண்டியில் பயணம் செய்து வழிபாடு... URFywpJVR2SoOe9l7RQZ+gallerye_172128868_1530830

பல காலமாக நடந்துவரும் இந்த பராம்பரிய பழக்கப்படி கடந்த வெள்ளிக்கிழமை புறப்பட்டு சுமார் 22 கிலோமீட்டர் துாரத்தில் உள்ள ஸ்ரீரங்கத்திற்கு வந்து இங்கு ஒரு தோப்பில் வந்து தங்கியுள்ளனர்.

மொத்தம் 32 டயர் பொருத்திய மாட்டு வண்டிகளில் ஆண்,பெண்,பெரியவர்கள்,குழந்தைகள் என சுமார் 600 பேர் பயணம் செய்து வந்துள்ளனர்.விவசாயம் செழிக்க வேண்டும் வம்சம் தழைக்கவேண்டும் என்ற வேண்டுதலோடு விரதமிருந்து ரங்கநாதரை தரிசித்தனர்.

பின்னர் ஐந்து வருட சேமிப்பை வைத்து வடை,பாயசத்துடன் அன்னதானம் செய்தனர்.இன்று இரவு புறப்பட்டு விடிவதற்குள் ஊர் போய் சேர்ந்துவிடுவர்.

................................

**krishnaamma** · **krishnaamma** Sun 29 May 2016 - 1:47

மண்மணம் மாறாமல் மாட்டு வண்டியில் பயணம் செய்து வழிபாடு... H2U2YNz9SSiqRir2y8T0+gallerye_172136209_1530830

ஐந்து வருடத்திற்கு ஒரு முறை நடைபெறும் இந்த பிரார்த்னை பயணம் எங்களுக்கு புதிய சக்தியையும், நம்பிக்கையையும்.ஒற்றுமையையும் தந்து வருகிறது.வரக்கூடிய சந்ததியினரும் வாழையடி வாழையாக இந்த பாரம்பரிய வழிபாட்டை கடைபிடிக்கவேண்டும் என்று ஒரு சேர கூறினர்.

மண்மணம் மாறாமல் மாட்டு வண்டியில் பயணம் செய்து வழிபாடு... 2kpsPk2rTVSCyc1glcFz+gallerye_172155149_1530830

மண்மணம் மாறாமல் மாட்டு வண்டியில் பயணம் செய்து வழிபாடு... 2kpsPk2rTVSCyc1glcFz+gallerye_172155149_1530830

நன்றி தகவல் தந்த இனியன் சம்பத்திற்கும்,படங்கள் வழங்கிய திருச்சி மணிகண்டனுக்கும்.

எல்.முருகராஜ்

தினமலர்

**krishnaamma** · **krishnaamma** Sun 29 May 2016 - 1:48

அருமை அருமை அருமை!...தொடரட்டும் இவர்களது வழக்கம் புன்னகை

.................... சூப்பருங்க

**ayyasamy ram** · **ayyasamy ram** Sun 29 May 2016 - 11:44

மாட்டு வண்டி பயணம் இப்பொழுது அரிதாகி விட்ட
ஒன்று...!
-
பழக்க வழக்கத்தை மாற்றாமல் இறை பக்தி மற்றும்
தொண்டு செய்யும் அந்த கிராமத்தினரை பாராட்டுவோம்!
-
வடலூரில் தைப்பூசத் திருவிழாவை முன்னிட்டு பத்து
நாட்கள் இப்படியாக மாட்டு வண்டியில் பயணம் செய்து
வரும் கிராமத்தினரை அங்கு காணலாம்...
-
பரந்த திடல் இருப்பதால் அங்கு வண்டிகளை நிறுத்துவார்கள்
-
வள்ளலலார் தொண்டர்களின் பிரசங்கம் நாள் முழுதும்
நடந்தவாறு இருக்கும்...
-
அன்னதானம் குறைவில்லாம் நடந்து கொண்டிருக்கும்...
-
ஓராண்டுக்கு ஒரு முறை உறவினர்களுடன் கூடி
களித்து உறவை மேம்படுத்தும் திருவிழாக்கள்
நாட்டுக்கு அத்தியாவசியான ஒன்று...!
-

இந்த பதிவைத் துவங்கியவர் நன்றி கூறியுள்ளார் ayyasamy ram

**krishnaamma** · **krishnaamma** Sun 29 May 2016 - 11:53

ayyasamy ram wrote:மாட்டு வண்டி பயணம் இப்பொழுது அரிதாகி விட்ட
ஒன்று...!
-
பழக்க வழக்கத்தை மாற்றாமல் இறை பக்தி மற்றும்
தொண்டு செய்யும் அந்த கிராமத்தினரை பாராட்டுவோம்!
-
வடலூரில் தைப்பூசத் திருவிழாவை முன்னிட்டு பத்து
நாட்கள் இப்படியாக மாட்டு வண்டியில் பயணம் செய்து
வரும் கிராமத்தினரை அங்கு காணலாம்...
-
பரந்த திடல் இருப்பதால் அங்கு வண்டிகளை நிறுத்துவார்கள்
-
வள்ளலலார் தொண்டர்களின் பிரசங்கம் நாள் முழுதும்
நடந்தவாறு இருக்கும்...
-
அன்னதானம் குறைவில்லாம் நடந்து கொண்டிருக்கும்...
-
ஓராண்டுக்கு ஒரு முறை உறவினர்களுடன் கூடி
களித்து உறவை மேம்படுத்தும் திருவிழாக்கள்
நாட்டுக்கு அத்தியாவசியான ஒன்று...!
-

மேற்கோள் செய்த பதிவு: 1209073

ஒ, அப்படியா அண்ணா, சூப்பர் புன்னகை

.....கேட்கவே நல்லா இருக்கு, ஆமாம் நீங்கள் சொல்வது போல முன்பெல்லாம் உறவுகளை கண்டு களிக்கவே திருவிழாக்கள் நடத்தப்பட்டன............ஆனால் இப்போது????????????

Sponsored content · Sponsored content

மண்மணம் மாறாமல் மாட்டு வண்டியில் பயணம் செய்து வழிபாடு...

மண்மணம் மாறாமல் மாட்டு வண்டியில் பயணம் செய்து வழிபாடு...

Re: மண்மணம் மாறாமல் மாட்டு வண்டியில் பயணம் செய்து வழிபாடு...

Re: மண்மணம் மாறாமல் மாட்டு வண்டியில் பயணம் செய்து வழிபாடு...

Re: மண்மணம் மாறாமல் மாட்டு வண்டியில் பயணம் செய்து வழிபாடு...

Re: மண்மணம் மாறாமல் மாட்டு வண்டியில் பயணம் செய்து வழிபாடு...

Re: மண்மணம் மாறாமல் மாட்டு வண்டியில் பயணம் செய்து வழிபாடு...

Re: மண்மணம் மாறாமல் மாட்டு வண்டியில் பயணம் செய்து வழிபாடு...

Re: மண்மணம் மாறாமல் மாட்டு வண்டியில் பயணம் செய்து வழிபாடு...

Re: மண்மணம் மாறாமல் மாட்டு வண்டியில் பயணம் செய்து வழிபாடு...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக