குடும்பத்துக்கு ஏற்ற மூன்று சக்கர சைக்கிள்!

**krishnaamma** · **krishnaamma** Sun May 29, 2016 12:22 am

நகர்ப் புறங்களில் புகை மாசுபாட்டை குறைக்கும், போக்குவரத்து நெரிசலை தணிக்கும் என்பதால், சைக்கிள் ஓட்டுவது இப்போது மேலை நாடுகளில் பேஷனாகியிருக்கிறது. இளசுகளுக்கு இரு சக்கர சைக்கிள் ஓக்கே.

ஆனால், குழந்தைகள் உள்ள பெற்றோருக்கு இரு சக்கர சைக்கிள் சிக்கல். எனவே குழந்தைகளை வைத்துக்கொண்டு சைக்கிள் ஓட்டுவதற்கு வசதியாக டாடா என்ற நிறுவனம் சைக்கிள் தயாரித்துள்ளது.

டாகா-2 என்ற இந்த மூன்று சக்கர சைக்கிள், இரண்டு குழந்தைகள் வரை வசதியாக உட்காரவைத்துக்கொண்டு தாயோ, தந்தையோ ஹாயாக ஓட்டிக்கொண்டு ஷாப்பிங் போகவோ, பூங்காவுக்குப் போகவோ முடியும். வாண்டுகள் துள்ளி குதித்துவிடாதபடிக்கு, சீட் பெல்ட் வசதியும் டாகா முச்சக்கர சைக்கிளில் உண்டு.

இதன் புவியீர்ப்பு மையம் கச்சிதமாக இருக்கும்படி வடிவமைக்கப்பட்டிருப்பதால், ஓட்டுபவர்களுக்கு அதிக சிரமம் இருக்காது. வளைவுகளில் சைக்கிள் குடை சாயாது என்கிறது டாகா.

அதுமட்டுமல்ல விலையுயர்ந்த ரேஸ் சைக்கிள்களில் இருக்கும் ஷமானோ கியர்களும் இந்த சைக்கிளில் உண்டு. கிக்ஸ்டார்டர் என்ற இணையதளத்தில் பயனாளிகளிடம் டாகா நிதி கோரிய போது, இரண்டே நாட்களில் 66 லட்சம் ரூபாய் வந்து குவிந்திருக்கின்றன.

நம்மூரில் இருக்கும் அதே முச்சக்கர சைக்கிள் மாதிரிதான் இருக்கிறது. இருந்தாலும் அதன் வடிவமைப்பு எவ்வளவு கன கச்சிதமாக இருக்கிறது பாருங்கள்!

தினமலர்

சிவனாசான் · சிவனாசான் Sun May 29, 2016 6:19 am

குடும்பத்திற்கு ஏற்றது தான் ஆனா தற்போது பெட்ரோல் வண்டியில பறந்து கொண்டு ஒரு காதில் செல்பேசியை இணைத்து தலையை தோளில் அழுத்திக்கொண்டு கொண்டு செல்லோர்களுக்கு இம்மிதி வண்டியை ஏற்றதாக கொள்வார்களா? இருப்பினும் இக்காலத்தில் ஓரிருவர் என சிலர் இல்லாமலும் இல்லை...........

**ayyasamy ram** · **ayyasamy ram** Sun May 29, 2016 7:58 am

சாலைகளை சீரமைத்து மேம்பாடு செய்யப்பட வேண்டும்
-
அப்போதுதான் இதெல்லாம் சாத்தியம்!

**krishnaamma** · **krishnaamma** Sun May 29, 2016 9:54 am

P.S.T.Rajan wrote:குடும்பத்திற்கு ஏற்றது தான் ஆனா தற்போது பெட்ரோல் வண்டியில பறந்து கொண்டு ஒரு காதில் செல்பேசியை இணைத்து தலையை தோளில் அழுத்திக்கொண்டு கொண்டு செல்லோர்களுக்கு இம்மிதி வண்டியை ஏற்றதாக கொள்வார்களா? இருப்பினும் இக்காலத்தில் ஓரிருவர் என சிலர் இல்லாமலும் இல்லை...........

மேற்கோள் செய்த பதிவு: 1209040

சைக்கிள் உடலுக்கும் , சுற்றுப்புற சூழலுக்கும் நல்லது என்று உணர்ந்து செயல் படணும் ராஜன் அண்ணா புன்னகை

**krishnaamma** · **krishnaamma** Sun May 29, 2016 9:54 am

ayyasamy ram wrote:சாலைகளை சீரமைத்து மேம்பாடு செய்யப்பட வேண்டும்
-
அப்போதுதான் இதெல்லாம் சாத்தியம்!

மேற்கோள் செய்த பதிவு: 1209047

நிஜம், சுற்றி சுற்றி அரசுதான் செயல் படணும் என்று வருகிறது.......இனியாவது செயல் பட்டால் தேவலை புன்னகை

Sponsored content · Sponsored content

குடும்பத்துக்கு ஏற்ற மூன்று சக்கர சைக்கிள்!

குடும்பத்துக்கு ஏற்ற மூன்று சக்கர சைக்கிள்!

Re: குடும்பத்துக்கு ஏற்ற மூன்று சக்கர சைக்கிள்!

Re: குடும்பத்துக்கு ஏற்ற மூன்று சக்கர சைக்கிள்!

Re: குடும்பத்துக்கு ஏற்ற மூன்று சக்கர சைக்கிள்!

Re: குடும்பத்துக்கு ஏற்ற மூன்று சக்கர சைக்கிள்!

Re: குடும்பத்துக்கு ஏற்ற மூன்று சக்கர சைக்கிள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக