எதிர்க்கட்சி தலைவர் ஸ்டாலின் ஜூன் 3ல் அதிகாரப்பூர்வ அறிவிப்பு

**ayyasamy ram** · **ayyasamy ram** Fri 27 May 2016 - 11:28

-
தமிழக சட்டசபை வரலாற்றில் இதுவரை இல்லாத அளவுக்கு,
89 எம்.எல்.ஏ.,க்களுடன் எதிர்க்கட்சி அந்தஸ்தை, தி.மு.க.,
பெற்றுள்ளது. தி.மு.க., சட்டசபை தலைவராக, அக்கட்சியின்
பொருளாளர் ஸ்டாலின், துணைத் தலைவராக துரைமுருகன்,
கொறடாவாக சக்கரபாணி ஆகியோர் தேர்வு
செய்யப்பட்டுள்ளனர்.
இதற்கான கடிதம், சட்டசபை செயலரிடம் வழங்கப்பட்டுள்ளது.

அதனடிப்படையில், தமிழக சட்டசபை எதிர்க்கட்சித் தலைவராக
ஸ்டாலின் நியமிக்கப்பட்ட தற்கான அறிவிப்பு, ஜூன், 3ம் தேதி,
முறைப்படி வெளியாகிறது.

இதுகுறித்து, சட்டசபை செயலக அதிகாரிகள் கூறியதாவது:

ஜூன், 3ல், சபாநாயகர் மற்றும் துணை சபாநாயகர் தேர்தல்
நடைபெறு கிறது. அன்று காலை, எதிர்க் கட்சி தலைவராக
ஸ்டாலின் நியமிக்கப்பட்டதற்கான அரசாணை வெளியிடப்படும்.

புதிய சபாநாயகரை, சபை முன்னவரும் எதிர்க்கட்சித் தலைவரும்
அழைத்து சென்று, சபாநாயகர் இருக்கையில் அமர வைப்பர்.

எதிர்க்கட்சித் தலைவராகும் ஸ்டாலினுக்கு, அரசு கார் வழங்கப்படும்.
ஒரு நேர்முக உதவியாளர், இரண்டு அலுவலக உதவியாளர்கள்,
ஒரு டிரைவர், அரசு சார்பில் வழங்கப்படும். சட்டசபை வளாகத்தில்
தனி அறையும் ஒதுக்கப்படும்.இவ்வாறு அவர்கள் தெரிவித்தனர்.
-
-------------------------------------------------
தினமலர்

**M.Jagadeesan** · **M.Jagadeesan** Fri 27 May 2016 - 13:36

ஓர் அமைச்சருக்கு இணையான பதவி எதிர்க்கட்சித் தலைவர் பதவி . அதை விஜயகாந்த் சரியாகப் பயன்படுத்திக் கொள்ளவில்லை .

பழம் நழுவிக் கட்டுமரத்தின்
காலடியில் விழுந்திருந்தால்
பல இடங்களை வென்றிருக்கலாம் ! - ஆனால்
கட்டுமரத்திற்கு
அல்வா கொடுத்தார் விஜயகாந்த் - ஆனால் அவரோ
தோலிருக்க சுளைமுழுங்கி என்று
காட்டிவிட்டார் .
வெற்றிக்கனியை கட்டுமரம் சுவைக்க - விஜயகாந்தோ
வேப்பங்கனியைச் சுவைக்கின்றார் !

**T.N.Balasubramanian** · **T.N.Balasubramanian** Fri 27 May 2016 - 15:52

M.Jagadeesan wrote:ஓர் அமைச்சருக்கு இணையான பதவி எதிர்க்கட்சித் தலைவர் பதவி . அதை விஜயகாந்த் சரியாகப் பயன்படுத்திக் கொள்ளவில்லை .

பழம் நழுவிக் கட்டுமரத்தின்
காலடியில் விழுந்திருந்தால்
பல இடங்களை வென்றிருக்கலாம் ! - ஆனால்
கட்டுமரத்திற்கு
அல்வா கொடுத்தார் விஜயகாந்த் - ஆனால் அவரோ
தோலிருக்க சுளைமுழுங்கி என்று
காட்டிவிட்டார் .
வெற்றிக்கனியை கட்டுமரம் சுவைக்க - விஜயகாந்தோ
வேப்பங்கனியைச் சுவைக்கின்றார் !

மேற்கோள் செய்த பதிவு: 1208797

அரிய சந்தர்பத்தை ,அறியாமல் நழுவவிட்ட விஜயகாந்த் .
மேனேஜ்மென்ட் உத்தியில் , SWOT analysis பகுத்தறிவது என்று ஒன்று உண்டு.
ஒவ்வொருவரும் தன்னுடைய Strength சக்தி Weakness இயலாமை Opportunity நற்சந்தர்பங்கள்
Threats எதிர்கொள்ளவேண்டிய எதிர்ப்புகள்
இவைகளை புரிந்துகொண்டு அதற்கேற்ப நடந்து கொண்டால் வாழ்வு என்றும் இன்பமயம் .

வாழ்வில் தனக்கு எல்லாம் தெரியும் என்ற மமதை இருந்தால் இப்பிடி தான் நடக்கும் .
வருத்தமாகத்தான் இருக்கிறது அவரது இன்றைய நிலைமைக்கு .
காரணம் அவரே .

ரமணியன்

சசி · சசி Fri 27 May 2016 - 21:30

அரசியல் அத்தியாயத்தில் அவர் பக்கம் திருப்பி விடப்பட்டது. இன்னும் கொஞ்ச காலத்தில் பக்கம் கிழித்தெறியபடலாம் இதே நிலை நீடித்தால்..

**krishnaamma** · **krishnaamma** Sat 28 May 2016 - 3:28

ம்ம், ஒருவழியாக கருணாநிதிக்கு மனம் வந்ததா ? புன்னகை

**M.Jagadeesan** · **M.Jagadeesan** Sat 28 May 2016 - 7:41

தமிழருவி மணியன் கூறியதுபோல விஜயகாந்தின் அரசியல் வாழ்வு முடிவுக்கு வந்தது. அதை முடித்துவைத்த பெருமை வை.கோ. வைச் சாரும் என்று சொன்னால் , அது மிகையாகாது.