தமிழக அமைச்சரவையில் 24 கோடீஸ்வரர்கள்

**ayyasamy ram** · **ayyasamy ram** Fri May 27, 2016 9:51 am

--
சென்னை :
புதிதாக பதவியேற்றுள்ள தமிழக அமைச்சரவையில்
24 பேர் கோடீஸ்வரர்கள்.
17 பேர் பட்டதாரிகள்.
29 அமைச்சர்களில் 2 பேர் மட்டுமே 40 வயதிற்கும்
குறைவானவர்கள்.

8 அமைச்சர்கள் மீது கிரிமினல் வழக்குகள் நிலுவையில்
உள்ளதாக ஒரு ஆய்வில் தெரிய வந்துள்ளது.

தேர்தல் பிரமாண பத்திரத்தில் அமைச்சர்கள் வெளியிட்டுள்ள
சொத்து மதிப்பு, வயது, கல்விதகுதி உள்ளிட்டவைகளை அடிப்
படையாக கொண்டு நடத்தப்பட்ட ஆய்வில், 24 அமைச்சர்கள்,
கோடீஸ்வர்கள். இவர்களின் சராசரி சொத்து மதிப்பு
ரூ.8.55 கோடி.

அதிக சொத்து மதிப்பு கொண்ட அமைச்சர்களில் முதல்வர்
ஜெயலலிதா முதலிடத்திலும் (ரூ.113.73 கோடி),
கே.சி.வீரமணி 2வது இடத்திலும் (ரூ.27.67 கோடி),
பெஞ்சமின் 3வது இடத்திலும் (ரூ.23.02 கோடி) உள்ளனர்.

மிக குறைந்த சொத்து மதிப்பு கொண்ட அமைச்சர்
ஆர்.பி.உதயகுமார். இவரது சொத்து மதிப்பு ரூ.31.75 லட்சம்.

அமைச்சர்களில் 8 பேர் மீது கிரிமினல் வழக்குகள் நிலுவையில்
உள்ளது. இவர்களில் 4 பேர் மீது கடுமையான பிரிவுகளின் கீழ்
வழக்குப்பதிவு செய்யப்பட்டுள்ளது.
புதிய அமைச்சரவையில் இடம்பெற்றுள்ள 17 அமைச்சர்கள்
பட்டம் அல்லது பட்ட மேற்படிப்பு முடித்தவர்களாகவும்,
12 பேர் 12ம் வகுப்பு அல்லது அதற்கும் குறைவான கல்விதகுதி
உடையவர்கள்.

அமைச்சர்கள் வெளியிட்டுள்ள வயது விபரத்தின் படி, இரண்டு
அமைச்சர்கள் 25 முதல் 40 வயதிற்கு உட்பட்டவர்களாகவும்,
17 அமைச்சர்கள் 41 முதல் 60 வயதிற்கு உட்பட்டவர்களாகவும்,
10 பேர் 61 முதல் 70 வயதிற்கு உட்பட்டவர்களாகவும் உள்ளனர்.

மிகக் குறைந்த வயதுடைய அமைச்சர் சங்கரன்கோவில்
தொகுதியில் போட்டியிட்டு வென்ற வி.எம்.ராஜலட்சுமி.
இவருக்கு வயது 30. இவருக்கு ஆதிதிராவிடர் மற்றும்
பழங்குடியினர் நலன் துறை வழங்கப்பட்டுள்ளது.
-
--------------------------------------------
தினமணி

**M.Jagadeesan** · **M.Jagadeesan** Fri May 27, 2016 2:10 pm

கோடீஸ்வரர்களை அமைச்சர்களாக போடுவது நல்லதுதான் . சில்லரைக்கு ஆசைப்படமாட்டார்கள் .

**T.N.Balasubramanian** · **T.N.Balasubramanian** Fri May 27, 2016 3:23 pm

M.Jagadeesan wrote:கோடீஸ்வரர்களை அமைச்சர்களாக போடுவது நல்லதுதான் . சில்லரைக்கு ஆசைப்படமாட்டார்கள் .

மேற்கோள் செய்த பதிவு: 1208800

நல்ல கதையா இருக்கே .
ஓ ,சில்லறைக்கு ஆசைப் படமாட்டார்கள் .
அரசியலில் , ஓட்டாண்டியாக நுழைந்து ,லட்சாதிபதியாகி , மேலும் சேர்த்து ,கோடீஸ்வரனாகி , மேலும் மேலும் சேர்த்து கோடி கோடிஸ்வரர் ஆகி ...........நாம் கண்கூடாகத்தான் பார்கிறோமே .

ரமணியன்