100 யூனிட் இலவச மின்சாரம்: 80 லட்சம் பேருக்கு இனி மின் கட்டணம் கிடையாது

by **ayyasamy ram** Tue May 24, 2016 7:58 am

தமிழ்நாட்டில் 100 யூனிட் மின்சாரம் இலவசமாக வழங்குவதன்
மூலம், சுமார் 80 லட்சம் பேர் பயனடைவார்கள் என்று
மின்வாரிய அதிகாரிகள் தெரிவித்துள்ளனர்.

தமிழகத்தில் வீடுகளுக்கு 100 யூனிட் மின்சாரம் இலவசமாக
வழங்கப்படும் என்று அதிமுக தேர்தல் அறிக்கையில் முதல்வர்
ஜெயலலிதா அறிவித்தார்.
–
அதன்படி மே 23-ஆம் தேதி முதல் தமிழகத்தில் அனைத்து
வீடுகளுக்கும் 100 யூனிட் மின்சாரம் இலவசமாக வழங்கப்படுகிறது.
–
கணக்கீடு எவ்வாறு?:
–
தமிழ்நாட்டில் 500 யூனிட்டுக்கும் குறைவாக பயன்
படுத்துவோருக்கு ஒரு யூனிட்டுக்கு ரூ. 3 முதல் ரூ. 4.60 வரை கட்டணம்
வசூலிக்கப்படுகிறது.
–
500 யூனிட்டுக்கும் குறைவாக பயன்படுத்துவோருக்கு அரசு குறிப்பிட்ட
அளவு மானியம் வழங்குகிறது. 500 யூனிட்டுக்கும் அதிகமாக
பயன்படுத்துவோர் ஒரு யூனிட்டுக்கு ரூ. 6.60 கட்டணம் செலுத்துகின்றனர்.
500 யூனிட்டுக்கும் அதிகமாக பயன்படுத்துவோருக்கு மானியம்
வழங்கப்படவில்லை.
–
புதிதாக அறிவிக்கப்பட்டிருக்கும் திட்டத்தின்படி ஒருவர் எத்தனை
யூனிட் மின்சாரம் பயன்படுத்தியிருந்தாலும் அவருக்கு 100 யூனிட்
மின்சாரம் இலவசமாக வழங்கப்படும். உதாரணமாக ஒருவர் இரண்டு
மாதங்களில் 600 யூனிட் மின்சாரம் பயன்படுத்தியிருந்தால்,
அவர் 500 யூனிட்டுக்கான பணத்தை செலுத்தினால் போதுமானது.
–
திங்கள்கிழமை (மே 23) முதல் இந்தத் திட்டம் அமலுக்கு வருகிறது.
எனவே திங்கள்கிழமைக்கு பின்பு எடுக்கப்படும் அனைத்து
கணக்கீடுகளுக்கும் இந்தச் சலுகை பொருந்தும்.
–
இது தொடர்பாக மின்வாரிய அதிகாரிகள் கூறியது:
எந்தவித வரைமுறைகளும் இன்றி அனைத்து வீடுகளுக்கும்
100 யூனிட் மின்சாரம் இலவசமாக வழங்கப்படும். இதற்காக தமிழக
அரசு ரூ. 1,607 கோடி மானியம் வழங்குவதால், மின்சார வாரியத்துக்கு
எவ்வித இழப்பும் ஏற்படாது என்றனர் அவர்கள்.

80 லட்சம் பேர் பயன்: தமிழகத்தில் 100 யூனிட் வரை சுமார்
80 லட்சம் பேர் பயன்படுத்தி வருகின்றனர்.
இனி, இந்த 80 லட்சம் பேர் மின் கட்டணம் செலுத்த வேண்டிய
அவசியம் ஏற்படாது.

200 யூனிட் வரை 57 லட்சம் பேரும், 500 யூனிட் வரை 48 லட்சம் பேரும்,
500 யூனிட்டுக்கு மேல் சுமார் 9 லட்சம் பேரும் மின் நுகர்வோர்களாக
இருக்கின்றனர் என்பது குறிப்பிடத்தக்கது.
–
———————–
தினமணி

by **krishnaamma** Tue May 24, 2016 10:24 am

புதிதாக அறிவிக்கப்பட்டிருக்கும் திட்டத்தின்படி ஒருவர் எத்தனை
யூனிட் மின்சாரம் பயன்படுத்தியிருந்தாலும் அவருக்கு 100 யூனிட்
மின்சாரம் இலவசமாக வழங்கப்படும். உதாரணமாக ஒருவர் இரண்டு
மாதங்களில் 600 யூனிட் மின்சாரம் பயன்படுத்தியிருந்தால்,
அவர் 500 யூனிட்டுக்கான பணத்தை செலுத்தினால் போதுமானது.

குட்........ 100 யூனிட் இலவச மின்சாரம்: 80 லட்சம் பேருக்கு இனி மின் கட்டணம் கிடையாது 3838410834