இந்திய கிரிக்கெட் அணியில் புதுமுகங்கள்!

**ayyasamy ram** · **ayyasamy ram** Mon May 23, 2016 10:43 pm

ஜிம்பாப்வே, மேற்கிந்தியத் தீவுகள் என இரு சுற்றுப்பயணங்களுக்கும்
இன்று அறிவிக்கப்பட்டுள்ள இந்திய அணியில் புதுமுகங்கள் சிலர்
இடம்பிடித்துள்ளார்கள்.

மேற்கிந்தியத் தீவுகள் அணிக்கு எதிராக டெஸ்ட் தொடருக்கு
ஷர்துல் தாக்குரும் ஜிம்பாப்வேவுக்கு எதிரான ஒருநாள்-டி20 போட்டியில்
ஃபயிஷ் ஃபஸல் சஹால், ஜயந்த் யாதவ், கருண் நாயர், மன்தீப் சிங்
ஆகிய புதுமுகங்களும் தேர்வாகியுள்ளார்கள்.
அவர்களைப் பற்றிய சிறுகுறிப்பைக் காண்போம்.

**ayyasamy ram** · **ayyasamy ram** Mon May 23, 2016 10:45 pm

ஷர்துல் தாக்குர்
-
இந்திய கிரிக்கெட் அணியில் புதுமுகங்கள்! ABCo1U8QT4ywX6A1ycPr+shardul

-
டெஸ்ட் அணிக்கு 24 வயது ஷர்துல் தாக்குர் தேர்வாகியுள்ளார்.
ரஞ்சிப் போட்டியில் மும்பை அணி சார்பில் விளையாடிய ஷர்துல்,
ரஞ்சி இறுதிப் போட்டியில் 8 விக்கெட்டுகளை வீழ்த்தினார்.

அதில் ஒரு 5 விக்கெட்டுகளும் அடங்கும். 41 விக்கெட்டுகள் வீழ்த்தி
அதிக விக்கெட்டுகள் எடுத்த வீரர்களில் 7-ம் இடம் பிடித்தார்.
இந்திய டெஸ்ட் அணியில் பும்ராவுக்கு இடம் கிடைக்கும் என்று
எதிர்பார்ப்பு நிலவிய நிலையில் ஷர்துல் தாக்குருக்கு இந்த வாய்ப்பு
கிடைத்துள்ளது.

இந்த ஐபிஎல்-லில் ஷர்துல் ஒரு போட்டியிலும் விளையாடவில்லை.
ரஞ்சி போட்டியில் திறமையை வெளிப்படுத்தியதன் விளைவாகவே
அணியில் தேர்வு செய்யப்பட்டுள்ளார்.
-

**ayyasamy ram** · **ayyasamy ram** Mon May 23, 2016 10:48 pm

ஃபயிஷ் ஃபஸல்
-
இந்திய கிரிக்கெட் அணியில் புதுமுகங்கள்! 8wU4SlngTROuescVpQ9K+fazal

-
மஹாராஷ்டிராவைச் சேர்ந்த 30 வயது இடக்கை தொடக்க வீரர்,
ஃபயிஷ் ஃபஸல்.

இராணி கோப்பைக்கான இறுதிப் போட்டியில் சதம் அடித்ததன்
மூலம் அதிக கவனம் பெற்றார். மேலும் தியோதர் கோப்பைக்கான
இறுதிப் போட்டியிலும் இந்தியா ஏ அணிக்காக விளையாடி
சதமடித்தார்.

2003-லிருந்து விதர்பா அணிக்காக முதல்தர கிரிக்கெட்டில் விளையாடி
வருகிறார். இவரும் ஐபிஎல்-லில் போட்டியில் இடம்பெறாதபோதும்
(2011க்குப் பிறகு ஐபிஎல்-லில் தேர்வாகவில்லை) உள்ளூர் போட்டிகளில்
திறமையை வெளிப்படுத்தியதால் இந்திய அணியில் அணியில்
சேர்க்கப்பட்டுள்ளார்.
-
-

**ayyasamy ram** · **ayyasamy ram** Mon May 23, 2016 10:50 pm

சாஹல்
-

இந்திய கிரிக்கெட் அணியில் புதுமுகங்கள்! HINCE40hTaW4Nk82fnPc+chahal

-
இந்த ஐபிஎல்-லில் அதிக விக்கெட்டுகள் எடுத்த வீரரான
பெங்களூர் அணியின் 25 வயது சாஹல், இந்திய அணிக்குத்
தேர்வாகியுள்ளார்.

முதல் தர கிரிக்கெட்டில் ஹரியானாவுக்காகவும் ஐபிஎல்-லில்
முதலில் மும்பை அணிக்காகவும் பிறகு பெங்களூர் அணிக்காகவும்
தேர்வானார் சாஹல்.
இந்த ஐபிஎல் அவருக்குத் திருப்புமுனையாக அமைந்துள்ளது.
-

**ayyasamy ram** · **ayyasamy ram** Mon May 23, 2016 10:51 pm

ஜெயந்த் யாதவ்
-
இந்திய கிரிக்கெட் அணியில் புதுமுகங்கள்! 2eh60wJvT7KwIYO4SWZR+jayantyadav

-
டெல்லியைச் சேர்ந்த 26 வயது ஜெயந்த் யாதவ்,
சுழற்பந்து வீச்சாளர். இந்த ஐபிஎல்-லில் டெல்லி
அணி சார்பாக விளையாடியவர்.
-

**ayyasamy ram** · **ayyasamy ram** Mon May 23, 2016 10:52 pm

மன்தீப் சிங்
-
இந்திய கிரிக்கெட் அணியில் புதுமுகங்கள்! C908F2b1ReyxGFwMXgJO+mandeepsingh

-
24 வயது மன்தீப் சிங்கும் ஐபிஎல் வழியாக பலருக்கும்
அறிமுகமானவர். நம்பிக்கையான இளம் பேட்ஸ்மேன்களில்
இவரும் ஒருவர்.
-

**ayyasamy ram** · **ayyasamy ram** Mon May 23, 2016 10:53 pm

கருண் நாயர்
-
இந்திய கிரிக்கெட் அணியில் புதுமுகங்கள்! TO7pLgOpSMaB86UG1jhP+karunnair

-
24 வயது கருண் நாயர், சமீபமாக, முதல் தர கிரிக்கெட்டிலும்
(கர்நாடகா) ஐபிஎல்-லிலும் (டெல்லி) அதிக ரன்கள் குவித்து கவனம்
பெற்றவர்.

இதற்கு முன்பு இந்திய டெஸ்ட் அணியில் இடம்பிடித்தாலும்
இன்னமும் சர்வதேசப் போட்டியில் அவர் விளையாடியதில்லை.

தினமணி

Sponsored content · Sponsored content

இந்திய கிரிக்கெட் அணியில் புதுமுகங்கள்!

இந்திய கிரிக்கெட் அணியில் புதுமுகங்கள்!

Re: இந்திய கிரிக்கெட் அணியில் புதுமுகங்கள்!

Re: இந்திய கிரிக்கெட் அணியில் புதுமுகங்கள்!

Re: இந்திய கிரிக்கெட் அணியில் புதுமுகங்கள்!

Re: இந்திய கிரிக்கெட் அணியில் புதுமுகங்கள்!

Re: இந்திய கிரிக்கெட் அணியில் புதுமுகங்கள்!

Re: இந்திய கிரிக்கெட் அணியில் புதுமுகங்கள்!

Re: இந்திய கிரிக்கெட் அணியில் புதுமுகங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக