ஜப்பானிடம் மன்னிப்பு கேட்க அமெரிக்க அதிபர் ஒபாமா மறுப்பு

-
டோக்கியோ :
''இரண்டாம் உலகப்போரின் போது, ஜப்பான் மீது அணுகுண்டு
வீசியதற்காக, அந்நாட்டு மக்களிடம் மன்னிப்பு கேட்கப்
போவதில்லை,'' என, அமெரிக்க அதிபர் பராக் ஒபாமா
திட்டவட்டமாக கூறியுள்ளார்.



அமெரிக்க அதிபர் ஒபாமா, வியட்நாம் மற்றும் ஜப்பான் நாடுகளில்
சுற்றுப்பயணம் மேற்கொண்டுள்ளார். வியட்நாம் தலைநகர்
ஹனோயில், அந்நாட்டு அதிபர் டிரான் டாய் குவாங் உள்ளிட்டேரை
சந்தித்து பேசினார்.

அப்போது, சீனாவுடனான, வியட்நாமின் கடல் எல்லை விவகாரம்,
வியட்நாம் மீதான பொருளாதார தடையை அகற்றுவது உள்ளிட்ட
பிரச்னைகள் குறித்து இருதரப்பினரும் விவாதித்தனர்.


இதை தொடர்ந்து ஜப்பான் செல்லும் ஒபாமா, ஹிரோஷிமா நகரில்
நடக்கும் பொருளாதாரத்தில் வளர்ந்த, ஜி - -7 நாடுகளின் உச்சி
மாநாட்டில் பங்கேற்கிறார். இரண்டாம் உலகப்போரின் போது,
அமெரிக்க அணுகுண்டு வீச்சில், இந்த ஹிரோஷிமா நகரம் சின்னா
பின்னமானது.
-
அதன்பின், பதவியில் இருக்கும் அமெரிக்க அதிபர் ஒருவர், அங்கு
செல்வது இதுவே முதன்முறை. 'அணுகுண்டு வீச்சுக்கு, அமெரிக்கா
மன்னிப்பு கேட்க வேண்டும்' என, ஜப்பானியர்கள் கூறி வருகின்றனர்.
-
இந்நிலையில், ஜப்பான் 'டிவி' சேனலுக்கு பேட்டியளித்த, ஒபாமா
கூறியதாவது: ஹிரோஷிமா அணுகுண்டு வீச்சுக்கு அமெரிக்கா
மன்னிப்பு கேட்காது. இதுதொடர்பாக கேள்வி எழுப்புவதும், ஆய்வு
செய்வதும் வரலாற்று ஆசிரியர்களின் பணி.
-
போர்க் காலங்களின் பதவியில் இருக்கும் தலைவர்கள் அனைத்து
வகையான முடிவுகளையும் எடுக்கும் அதிகாரம் படைத்தவர்கள்.
இதுபோன்ற கடினமான முடிவுகளை எடுக்க வேண்டிய நிலையில்
இருப்பதை, ஒரு அதிபராக என்னால் உணர முடிகிறது.
-
அமெரிக்க விமான தாக்குதலில் தலிபான் தலைவர்
முல்லா அக்தர் மன்சூர் கொல்லப்பட்டது, உறுதி செய்யப்பட்டுள்ளது.
ஆப்கனில், அமைதியை ஏற்படுத்த எடுத்து வரும் நடவடிக்கையில்,
இது, முக்கிய வெற்றி. இவ்வாறு அவர் கூறினார்.
-
----------------------------------
தினமலர்