அசாமில் மே 24ம் தேதி பா.ஜ., அரசு பதவியேற்பு

**ayyasamy ram** · **ayyasamy ram** Sat May 21, 2016 9:06 am

--
திஸ்பூர்,:
அசாம் மாநிலத்தில், அமோக வெற்றி பெற்றுள்ள
பா.ஜ., கூட்டணி, மே, 24ல், ஆட்சி பொறுப்பேற்கிறது;
முதல்வராக, பா.ஜ.,வின் சர்பானந்தா சோனவால்,
பதவியேற்கிறார்.

வட கிழக்கு மாநிலங்களில் ஒன்றான அசாமில் நடைபெற்ற
சட்டசபை தேர்தலில், பா.ஜ., பெரும் வெற்றி பெற்றது. அங்கு,
அசைக்க முடியாத வலிமையுடன் இருந்து வந்த முதல்வர்
தருண் கோகோய் தலைமையிலான காங்கிரஸ் மோசமான
தோல்வியை சந்தித்தது.

மொத்தமுள்ள, 126 தொகுதி களில், பா.ஜ., கூட்டணி,
86 இடங்களில் வெற்றி பெற்றது. இதில், பா.ஜ., தனியாக,
60 இடங்களிலும், கூட்டணி கட்சிகளான அசாம் கண பரிஷத்,
14 இடங்களிலும், போடோ மக்கள் முன்னணி, 12 இடங்களிலும்
வென்றன.

காங்கிரஸ், 26 இடங்களில் மட்டுமே வெற்றி பெற்றது.
பிற கட்சிகள், 14 இடங்களை கைப்பற்றின. தேர்தலில்,
பா.ஜ., கூட்டணி பெரும்பான்மை பெற்றதால், 24ம் தேதி பதவி
ஏற்பு விழா நடைபெறுகிறது.

பா.ஜ.,வின் சர்பானந்தா சோனவால், முதல்வராக பதவியேற்கவுள்ளார்.
இதற்கான ஏற்பாடுகள் நடைபெற்றுவருகின்றன.
-
பிரதமர் பங்கேற்பு
–
அசாம் மாநிலத்தில், பா.ஜ., கூட்டணியின் பதவியேற்பு விழாவில்,
பிரதமர் நரேந்திர மோடி கலந்து கொள்கிறார். வட கிழக்கு
மாநிலங்களில் ஒன்றான, அசாமில், முதன் முதலில் ஆட்சியை
கைப்பற்றியதை, பா.ஜ., பெரும் வெற்றி யாக பார்க்கிறது.

குஜராத் முதல், அசாம் வரை ஆட்சியை பிடிப்பது என்ற இலக்கு
நனவாகி இருப்பதாக, பா.ஜ., தலைவர் அமித் ஷா தெரிவித்துள்ளார்.
–

தேசிய அளவில், டில்லி மற்றும் பீஹார் மாநில சட்டசபை தோல்விக்கு
பின், அசாமில் கிடைத்துள்ள வெற்றி, அக்கட்சியை உற்சாகப்படுத்தியுள்ளது.
பதவியேற்பு விழாவில், பிரதமர் நரேந்திர மோடியும், பா.ஜ.,
மூத்த தலைவர்களும் பங்கேற்கின்றனர்.
-
————–
தினமலர்

அசாமில் மே 24ம் தேதி பா.ஜ., அரசு பதவியேற்பு

அசாமில் மே 24ம் தேதி பா.ஜ., அரசு பதவியேற்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக