தமிழக முதல்வராக திங்கட்கிழமை பதவியேற்கிறார் ஜெயலலிதா

by **ayyasamy ram** Fri May 20, 2016 4:01 pm

சென்னை :
தமிழக முதல்வராக ஜெயலலிதா மே 23ம் தேதி திங்கட்கிழமை பதவியேற்க உள்ளார்.

சென்னை பல்கலைக்கழக நூற்றாண்டு விழா அரங்கில், தமிழக முதல்வராக ஜெயலலிதா மீண்டும் பதவியேற்கும் நிகழ்ச்சி நடைபெற உள்ளது.

தமிழகத்தில் 6வது முறையாக முதல்வராக பதவியேற்கிறார் ஜெயலலிதா.

தமிழக சட்டப்பேரவைத் தேர்தலில் 134 தொகுதிகளில் வெற்றி பெற்று தனிப்பெரும் கட்சியாக தமிழகத்தில் அதிமுக மீண்டும் ஆட்சியை பிடித்துள்ளது.

சொத்து குவிப்பு வழக்கில் பதவியை இழந்த முதல்வர் ஜெயலலிதா, கடந்த 2015ம் ஆண்டு இதே மே மாதம் 23ம் தேதி தமிழக முதல்வராக மீண்டும் பதவியேற்றது குறிப்பிடத்தக்கது.

by **ayyasamy ram** Fri May 20, 2016 4:02 pm

சென்னை :
தமிழக சட்டப்பேரவைத் தேர்தலில் வெற்றி பெற்றதையடுத்து, தமிழக முதல்வர் ஜெயலலிதா இன்று பெரியார், அண்ணா, எம்ஜிஆர் சிலைகளுக்கு மரியாதை செலுத்தினார்.

தமிழக சட்டப்பேரவைத் தேர்தலில் அதிமுக 134 இடங்களில் வெற்றி பெற்று பெரும்பான்மை பலத்துடன் ஆட்சி அமைக்க உள்ளது.

இதையடுத்து, சென்னையில் இன்று முக்கியத் தலைவர்களின் சிலைகளுக்கு முதல்வர் ஜெயலலிதா மரியாதை செலுத்தினார்.

முதலில், பெரியார் சிலைக்கு வந்த ஜெயலலிதா, அங்கு அவரது திருவுருவப் படத்துக்கு மலர் தூவி மரியாதை செலுத்தினார். அங்கிருந்து அண்ணாசாலையின் வாலாஜாசாலையில் அமைந்துள்ள அண்ணா சிலைக்கு அருகே வைக்கப்பட்டிருந்த அண்ணா திருவுருவப் படத்துக்கும் மலர் தூவி மதியாதை செலுத்தினார்.

அங்கிருந்து அண்ணாசாலை, ஸ்பென்சர் அருகே அமைந்துள்ள எம்ஜிஆர் சிலைக்கு அருகே வைக்கப்பட்டிருந்த எம்.ஜி.ஆர். திருவுருவப் படத்துக்கு மலர் தூவி மரியாதை செலுத்தினார் ஜெயலலிதா.

தமிழக முதல்வர் ஜெயலலிதாவின் வருகையை முன்னிட்டு, இன்று இப்பகுதிகள் திருவிழாக் கோலம் பூண்டிருந்தன.

by **krishnaamma** Fri May 20, 2016 7:53 pm

தமிழக முதல்வர் ஜெயலலிதாவின் வருகையை முன்னிட்டு, இன்று இப்பகுதிகள் திருவிழாக் கோலம் பூண்டிருந்தன.

ம்ம்... ஆரம்பிச்சுடாங்கைய்யா ஆரம்பிச்சுட்டாங்க ! புன்னகை

by ஸ்ரீரங்கா Fri May 20, 2016 10:55 pm

அம்மாவிக்கு தானே தெரியும் குழந்தைக்கு என்ன வேணும்....... ( I M BACK )

மகிழ்ச்சி

by **krishnaamma** Sat May 21, 2016 12:04 am

ஸ்ரீரங்கா wrote:அம்மாவிக்கு தானே தெரியும் குழந்தைக்கு என்ன வேணும்....... ( I M BACK )

மேற்கோள் செய்த பதிவு: 1208022

ஆட்சிக்கு வந்த உடனே மதுவிலக்குன்னு சொன்ன எல்லோருமே அவுட்.
ஒரு தாய்க்குதான் தெரியும் தன் குழந்தைகளுக்கு என்ன தேவை என்று..

இப்படியா? புன்னகை

by சிவனாசான் Sat May 21, 2016 4:55 am

லஞ்ச ஊழலற்ற ஆட்சியை நடத்துவேன் என்று அவர்கள் சொல்லவில்லையே ஏன். நேர்மையான அதிகாரிகளை பாராட்டிடுவேன் என்றும் சொல்ல மனமில்லையே அவர்களுக்கு பாதுகாப்பளிப்பேன் ஊக்கம் கொடுப்பேன் என்றால் பாராட்டலாம்>>>>>>>>>>>>>>>>>