பருப்பு வகைகளை கிலோ ரூ.120க்கு மேல் விற்கக் கூடாது !

by **krishnaamma** Wed May 18, 2016 11:51 pm

பாட்னா: பருப்பு வகைகளை மத்திய அரசு மானிய விலையில் சப்ளை செய்வதால், இவற்றை மாநிலங்கள் கிலோ ரூ.120க்கு மேல் விற்க வேண்டிய அவசியமில்லை; விற்கவும் கூடாது என ராம்விலாஸ் பஸ்வான் கூறினார். பருப்பு வகைகள் விலை வரலாறு காணாத அளவுக்கு உயர்ந்தது. இதையடுத்து, பருப்பு வகைகளை பதுக்கி வைப்போர் மீது நடவடிக்கை எடுத்த மத்திய அரசு, நாடு முழுவதும் பதுக்கல் பருப்பு வகைகளை பறிமுதல் செய்தது.

இதை பின்னர் மாநிலங்கள் மூலம் விநியோகம் செய்து விலைகை சற்று கட்டுக்குள் கொண்டு வந்தது. இந்நிலையில், மத்திய உணவுத்துறை அமைச்சர் ராம்விலாஸ் பஸ்வான் பாட்னாவில் ஒரு கருத்தரங்கில் பேசியதாவது: மத்திய அரசு துவரம்பருப்பு கிலோ ரூ.60, உளுத்தம்பருப்பு கிலோ ரூ.82 என்ற விலையில் மாநிலங்களுக்கு வழங்க தயாராக இருக்கிறது. இவற்றை மில்களுக்கு கொண்டு சென்று உடைத்தெடுத்து விற்பனைக்கு அனுப்புவது வரை உள்ள செலவு சொற்பம்தான்.

இதில் எப்படி கணக்கிட்டாலும் கிலோ ரூ.120க்குள்தான் வரும். எனவே, பருப்பு வகைகளை கிலோ ரூ.120க்கு மேல் மாநில அரசுகள் விற்பனை செய்யக்கூடாது. அப்படி விற்றால் அதற்கு மாநில அரசுகள்தான் காரணம். பருப்பு விலையை கட்டுப்படுத்த உணவு அமைச்சகம் 55,000 டன் பருப்பு வகைகளை இருப்பு வைத்துள்ளது. இதில் 26,000 டன் இறக்குமதி செய்யப்பட்டவை. ஆனாலும், பருப்பு விலை உயர்வதற்கு பதுக்கல்தான் காரணம். சட்டவிரோதமாக 87,000 டன் பருப்பு மகாராஷ்டிராவிலும், 23,000 டன் பருப்பு கர்நாடகாவிலும் சமீபத்தில் பறிமுதல் செய்யப்பட்டுள்ளது.

ரேஷன் கடைகள் கணினிமயம் !

பொது விநியோக திட்டத்தின் கீழ் மானிய விலையில் உணவு பொருட்கள் உள்ளிட்டவை வழங்கப்படுகின்றன. 17 முதல் 18 மாநிலங்களில் ரேஷன் கடைகள் கணினி மயமாக்கப்பட்டு இத்திட்டம் செயல்படுத்தப்படுகிறது. பீகாரில் படு மோசமாக 0.006 சதவீத ரேஷன் கடைகள்தான் கணினி மயமாக்கப்பட்டுள்ளன என்றார். உணவு மற்றும் நுகர்வோர் விவகார செயலாளர் பிருந்தா ஸ்வரூப் கூறுகையில், ‘‘நாட்டின் தற்போதைய உணவு இருப்பு 516 லட்சம் மெட்ரிக் டன்களாக உள்ளது’’ என்றார்.

உணவு பாதுகாப்பு சட்டம் தமிழகத்தில் எப்போது?

உணவு பாதுகாப்பு சட்டத்தின்கீழ் கோதுமை கிலோ ரூ.2க்கும், அரிசி கிலோ ரூ.3க்கும் 34 மாநிலங்கள் மற்றும் யூனியன் பிரதேசங்களில் வழங்கப்படுகின்றன. ஆனால், கோதுமை கிலோ ரூ.23.47க்கும், அரிசி கிலோ ரூ.29.67க்கும் வாங்கி இந்த திட்டத்துக்காக மத்திய அரசு சப்ளை செய்கிறது. நாகாலாந்து இந்த திட்டத்தை வரும் ஜூலையில் செயல்படுத்த உள்ளது. தமிழகம் மற்றும் கேரளா ஆகிய மாநிலங்கள் தேர்தலுக்கு பிறகு இந்த திட்டத்தில் இணைய உள்ளன’’ என்றார்.

தினகரன்

by **krishnaamma** Wed May 18, 2016 11:52 pm

இப்போ பருப்பு விலை என்ன தமிழ்நாட்டில்? புன்னகை

பருப்பு வகைகளை கிலோ ரூ.120க்கு மேல் விற்கக் கூடாது !

பருப்பு வகைகளை கிலோ ரூ.120க்கு மேல் விற்கக் கூடாது !

Re: பருப்பு வகைகளை கிலோ ரூ.120க்கு மேல் விற்கக் கூடாது !