வில்லங்கமான பள்ளி

by **T.N.Balasubramanian** Wed May 18, 2016 9:46 pm

வில்லங்கமான பள்ளி

ஒரு பள்ளிக்கூடத்துக்கு ஆய்வாளர் ஒருத்தர்வந்தாரு.
****************************************
■ அந்த பள்ளிக்கூடத்தப் பத்தி ஏற்கனவே நிறைய அவரோட வேலை பாத்தவங்க சொல்லி இருக்காங்க. அதனால எதுக்கும் தயாராத்தான் அவர் வந்தார்.
முதல்ல ஒரு வகுப்புக்குள்ள போன உடனே பசங்க எல்லாம் எழுந்திருச்சு நின்னு வணக்கம் சொன்னாங்க!.
சரி எதாவது கேள்வி கேக்க வேண்டாம்ன்னு முதல் பையன எழுப்பி........ ...
"உன் பேர் சொல்லு"
"பழனி"
"உன் அப்பா பேரு"
"பழனியப்பா",
அடுத்தப் பையன எழுப்பி , "உன் பேர் சொல்லு"
"மாரி"
"உன் அப்பா பேரு"
"மாரியப்பா"
அவருக்கு கொஞ்சம் டவுட் வருது.
இருந்தும் அடுத்தப் பையன எழுப்பி..........
"உன் பேர் சொல்லு"
"பிச்சை"
"உன் அப்பா பேரு" "பிச்சையப்பா"
இப்பொ அவருக்கு கன்பார்ம் ஆயிடுச்சு,
சரி பசங்க ஆரம்பிச்சுட்டாங்க
அப்படினு புரிஞ்சுருச்சு.
அடுத்தப்
பையன எழுப்பினாரு.
"முதல்ல நீ உன் அப்பா பேரைச் சொல்லு...."
(மனசுக்குள்ள ஒரு பெருமிதம்)
"ஜான்"
"இப்பொ உன் பேரைச் சொல்லு" "ஜான்சன்"
கொஞ்சமா டென்சன் ஆயிட்டு,
அடுத்த பையன எழுப்பி,
உன் அப்பா பேர சொல்லு,
"ரிச்சர்டு"
உன் பேரு,
"ரிச்சர்டசன்"
கொலவெறி ஆயிட்டாரு,
கொஞ்ச நேரம் நிதானமா யோசிச்சி,
அடுத்த பையன எழுப்பி,
உன் தாத்தா பேர சொல்லு,
"அப்பாவோட தாத்தாவா?,
அம்மாவோட தாத்தாவா?"
ஆய்வாளர் பல்ல கடிச்சிக்கிட்டு,
அப்பாவோட தாத்தான்னாரு
"மணி",
சரி அப்பா பேரு?,
"ரமணி"
உன் பேரு?,
"வீரமணி"
அப்புறம் என்ன !!!! அதுக்கு அப்பறம் அந்த
பள்ளிக்கு எந்த ஆய்வாளரும் வரதே இல்ல..

நன்றி மின்னஞ்சல்

ரமணியன்

by **M.Jagadeesan** Wed May 18, 2016 10:31 pm

கற்பனை என்றாலும் ரசிக்கும்படி உள்ளது.

மேலும் ஒரு கற்பனை ! நீங்கள் கேள்விப்பட்டிருக்கலாம் !
===================================================
ஆய்வாளர் 10 ம் வகுப்பில் நுழைகிறார் . தமிழாசிரியர் பாடம் நடத்திக்கொண்டு இருக்கிறார் .

தமிழாசிரியர் : வாங்கய்யா ! மாணவர்களே ! ஐயாவுக்கு வணக்கம் சொல்லுங்கள் .

மாணவர்கள் : வணக்கம் ஐயா !

ஆய்வாளர் : என்ன பாடம் நடத்துகிறீர்கள் ?

தமிழாசிரியர் : சிலப்பதிகாரம் ஐயா !

ஆய்வாளர் : சிலப்பதிகாரத்தில் மாணவர்களிடம் சில கேள்விகள் கேட்கலாமா ?

தமிழாசிரியர் : தாராளமாகக் கேளுங்கள் ஐயா !

ஆய்வாளர் : மாணவர்களே ! கண்ணகி சிலை எடுத்தது யார் ? ( கண்ணகிக்கு சிலை எடுத்தது யார் ? என்று கேட்பதற்குப் பதிலாக கண்ணகி சிலை எடுத்தது யார் ? என்று கேட்டுவிட்டார் )

மாணவர்கள் : நாங்கள் யாரும் கண்ணகி சிலையை எடுக்கவில்லை ஐயா !

ஆய்வாளர் : ( தமிழாசிரியரை நோக்கி ) என்ன இப்படி சொல்கிறார்கள் !

தமிழாசிரியர் : ஐயா ! எங்கள் பள்ளி மாணவர்கள் மிகவும் நல்லவர்கள் . கண்ணகி சிலையைத் திருடும் அளவுக்கு மோசமானவர்கள் அல்ல !

ஆய்வாளருக்குத் தலை சுற்றியது . அருகிலிருந்த தலைமை ஆசிரியரை நோக்கி , " என்னய்யா இது ! இங்கே என்ன நடக்குது ?

தலைமை ஆசிரியர் : விடுங்க சார் ! கண்ணகி சிலையை யார் எடுத்தால் என்ன ? திருடுபோன சிலையைப் போல புதியதாக ஒன்று வாங்கிவிட்டால் போகிறது !

ஆய்வாளர் மயக்கமடைந்து கீழே விழுந்துவிட்டார் .