உங்கள் வீட்டு பரணில் என்ன வைத்திருக்கிறீர்கள்?

**ayyasamy ram** · **ayyasamy ram** Wed May 18, 2016 8:31 am

அடுத்தடுத்த வீடுகளில் வசித்து வந்த இரண்டு சிறுவர்கள்
மிக நெருங்கிய நண்பர்களாக இருந்து வந்தனர்.
–
முதலாவது சிறுவன், தன் தந்தையோடு கடற்கரைக்குச்
சென்று அங்கு விற்றுக் கொண்டிருந்த சில கூழாங்கற்களை
வாங்கி வந்து விளையாடத் தொடங்கினான்.
–
இதைப் பார்த்தவுடன் இரண்டாவது சிறுவனுக்கம்
கூழாங்கற்களின் மேல் ஆசை வந்தது. அவனும் அவனது
தந்தையை நச்சரித்து சற்று விலை உயர்ந்த கூழாங்கற்களை
வாங்கினான். அதை அழகான ஒரு பையில் போட்டு
முடிச்சிட்டு – நாள்தோறும் விளையாடுவதற்குக் கொண்டு
வருவான்.
–
முதல் நாள் அந்த உயர் ரக கூழாங்கற்களைத் திறந்து
நண்பனுக்கு காண்பித்ததோடு சரி… அதற்குப் பிறகு அவன்
எப்போது விளையாட வந்தாலும், அந்தக் கற்களை வெளியே
எடுப்பதில்லை. எடுத்தால் அது பழசாகிவிடும். அதன் அழகு
மங்கிப் போகும் என்றெல்லாம் எண்ணி, பைக்குள்ளேயே
கற்களை வைத்திருந்தான்.
–
ஒரு கட்டத்தில் அந்தப் பை கிழிந்து கற்கள் கீழே விழுந்து
காணாமல் போனதைக் கூட அவன் கவனிக்கவில்லை.
ஆனால் முதலாமவனோ, நாள்தோறும் கூழாங்கற்களை
வைத்து விளையாடியதால், அவன் கொண்டு வந்த பை
கிழிய ஆரம்பித்த போதே உடனடியாக புதுப் பையை
மாற்றிக் கொண்டு கூழாங்கற்களை பத்திரப்படுத்திக்
கொண்டான்.
–
இப்போது நீங்கள் சொல்லுங்கள், யார் புத்திசாலி!
முதலாமவது சிறுவனா? அல்லது இரண்டாவது சிறுவனா?
முதலாவது சிறுவன் தானே!
–
ஆனால் நம்மில் பலரும் இரண்டாவது சிறுவனைப் போல,
பெரும்பாலான விஷயங்களை பொத்திப் பொத்தி வைத்து
விடுகிறோம். பயன்படுத்துவதேயில்லை.
–
உங்கள் வீட்டுப் பரணில் பாருங்கள். எவ்வளவு நல்ல
பொருள்கள் பயனற்றுக் கிடக்கின்றன என்று.
–
நீங்கள் பணக்காரராக வேண்டுமானால் தேவையற்ற
பொருட்களை வாங்கிக் குவிப்பதை நிறுத்துங்கள்.
–
முக்கியமான பொருள்களை வாங்குவது எவ்வளவு முக்கியமோ,
அதே அளவு முக்கியமானது தேவையற்ற பொருட்களை
வாங்காமல் தவிர்ப்பது.
–
நீங்கள் வீட்டை மாற்றும்போது இந்த உண்மை
உங்களுக்குப் புரியும். தேவையில்லாமல் பணத்தை
வீணடித்து உங்கள் வீட்டில் எவ்வளவு குப்பைகளை சேர்த்து
வைத்திருக்கிறீர்கள் என்று. பணக்காரராக பணம்
சம்பாதிப்பது எவ்வளவு அவசியமோ, அதே அளவு செலவைக்
குறைப்பதும் முக்கியமே!
–
ஒவ்வொரு முறை செலவு செய்கிறபோதும் அதற்கான
நோக்கத்தைப் புரிந்து கொண்டு செலவு செய்ய வேண்டும்.
அதற்கு ஒரு உதாரணம் பார்ப்போம்.
–
உங்களில் எத்தனை பேர் இன்னும் கையில் கடிகாரம்
கட்டிக் கொண்டிருக்கிறீர்கள்?
உஙகளில் எத்தனை பேர் கூட்டல் – கழித்தலுக்கு கால்
குலேட்டரை வைத்திருக்கிறீர்கள்?
உங்களில் எத்தனை பேர் அவசரத்திற்கு குறிப்பெடுக்க
பேப்பர் பேனாவைத் தேடுகிறீர்கள்?
–
இவை அனைத்துமே தற்போது செல்போனில் வந்துவிட்டதால்,
இவையெல்லாம் உங்களுக்குத் தேவையே கிடையாது.
ஒருவேளை, நீங்கள் கடிகாரக் கடை நடத்துபவராக இருந்தாலோ,
அல்லது அக்கவுண்ட் துறையில் பணியாற்றுபவராக இருந்தாலோ,
அல்லது தனி உதவியாளராக இருந்தாலோ, அதாவது, இவை
உங்கள் தொழிலுக்கு தேவைப்பட்டால் இவற்றைப் பயன்
படுத்தலாம். மற்றபடி, செல்போனே உங்களுக்குப் போதுமானது.
–
நினைவில் கொள்ளுங்கள்! வெற்றியாளர்கள் தேவையற்ற
பொருள்களை வாங்குவதைத் தவிர்க்கிறார்கள். வாங்கிய
பொருட்களையும் ஒழுங்காகப் பயன்படுத்துகிறார்கள்.
முறையாகப் பராமரித்தும் வைத்துக் கொள்கிறார்கள்.
–
——————————-

– இராம்குமார் சிங்காரம்
குமுதம்

**krishnaamma** · **krishnaamma** Wed May 18, 2016 9:53 am

நீங்கள் பணக்காரராக வேண்டுமானால் தேவையற்ற
பொருட்களை வாங்கிக் குவிப்பதை நிறுத்துங்கள்.
–
முக்கியமான பொருள்களை வாங்குவது எவ்வளவு முக்கியமோ,
அதே அளவு முக்கியமானது தேவையற்ற பொருட்களை
வாங்காமல் தவிர்ப்பது.

ரொம்ப சரி..அருமையான பகிர்வு ராம் அண்ணா ...மிக்க நன்றி ! ............

**ayyasamy ram** · **ayyasamy ram** Wed May 18, 2016 9:59 am

krishnaamma wrote:நீங்கள் பணக்காரராக வேண்டுமானால் தேவையற்ற
பொருட்களை வாங்கிக் குவிப்பதை நிறுத்துங்கள்.
–
முக்கியமான பொருள்களை வாங்குவது எவ்வளவு முக்கியமோ,
அதே அளவு முக்கியமானது தேவையற்ற பொருட்களை
வாங்காமல் தவிர்ப்பது.

ரொம்ப சரி..அருமையான பகிர்வு ராம் அண்ணா ...மிக்க நன்றி ! ............

மேற்கோள் செய்த பதிவு: 1207565
-
நடைமுறை யதார்த்தம் உள்ள கட்டுரை...
-
சுமார் இரண்டு வருடங்களாக நான்
கையில் வாட்ச் கட்டுவதை நிறுத்தி விட்டேன்...!
-
செல்போன் எந்நேரமும் உடன் இருப்பதால்
வாட்ச் முக்கியத்துவம் இல்லாமல் போய்விட்டது!!

**krishnaamma** · **krishnaamma** Wed May 18, 2016 10:03 am

ayyasamy ram wrote:
krishnaamma wrote:நீங்கள் பணக்காரராக வேண்டுமானால் தேவையற்ற
பொருட்களை வாங்கிக் குவிப்பதை நிறுத்துங்கள்.
–
முக்கியமான பொருள்களை வாங்குவது எவ்வளவு முக்கியமோ,
அதே அளவு முக்கியமானது தேவையற்ற பொருட்களை
வாங்காமல் தவிர்ப்பது.

ரொம்ப சரி..அருமையான பகிர்வு ராம் அண்ணா ...மிக்க நன்றி ! ............
மேற்கோள் செய்த பதிவு: 1207565
-
நடைமுறை யதார்த்தம் உள்ள கட்டுரை...
-
சுமார் இரண்டு வருடங்களாக நான்
கையில் வாட்ச் கட்டுவதை நிறுத்தி விட்டேன்...!
-
செல்போன் எந்நேரமும் உடன் இருப்பதால்
வாட்ச் முக்கியத்துவம் இல்லாமல் போய்விட்டது!!