என்னுள் ஆயிரம் - திரைப்பட விமரிசனம்

-

பிரபல நடிகர் டில்லி கணேஷ், தனது மகன்
மகாவை ஹீரோவாக்குவதற்காக தயாரித்துள்ள படம் தான்
‘என்னுள் ஆயிரம்’.

நட்சத்திர ஹோட்டலில் பணிபுரியும் மகாவுக்கும்,
நாயகி மரினா மிச்செல்லுக்கும் இடையே காதல் மலர்கிறது.
அனாதையான மகா, மரினா மிச்செல்லை மனைவியாக கரம்
பிடிக்க கனவு கண்டுக்கொண்டிருக்கும் வேளையில்,
எதிர்பாரதவிதமாக கொலை சம்பவத்தில் சிக்குகிறார்.

இது யாருக்கும் தெரியாது என்றாலும், அதை எண்ணி வருந்தும்
அவர், கிறிஸ்தவ தேவாலயத்தில் பாவ மன்னிப்பு கேட்க செல்லும்
போது, சந்தர்ப்ப சூழ்நிலையால் பாதிரியாரையும் கொலை
செய்துவிடுகிறார்.

இதற்கிடையில், நாயகியின் பெற்றோர் அவருக்கு திடீர்
திருமணம் ஏற்பாடு செய்ய, மகா - மரினா வீட்டை விட்டு
வெளியேறி திருமணம் செய்துக்கொள்ள முடிவு செய்கிறார்கள்.
இதையடுத்து, மரினா வீட்டை விட்டு வெளியேறே, அதே சமயம்
கொலை செய்த குற்றத்திற்காக மகாவை போலீஸ்
என்கவுண்டர் செய்ய முயற்சிக்க, அதன் பிறகு நடக்கும்
சம்பவங்கள் தான் படத்தின் கதை.

என்னுள் ஆயிரம், என்ற தலைப்புக்கு ஏற்றவாறு படத்தில்
ஆயிரக்கணக்கான விஷயங்களை இயக்குநர் கிருஷ்ணகுமார்
சொல்லியிருந்தாலும், அவை படத்திற்கு சம்மந்தமில்லாதவாறே
உள்ளது.

படத்தின் ஆரம்பத்தில் ஒரு போலீஸ் என்கவுண்டர்,
அந்த சம்பவத்தை பார்க்கும் ஹீரோ, திடீரென்று போலீஸ்
வாகனத்தில் தானே இருப்பதை பார்க்கிறார். பிறகு திருமண
ஆண பெண் ஒருவருடன் ஹீரோவுக்கு தொடர்பு, அந்த பெண்
விபத்தில் மரணம்,

தேவையில்லாத கொலை பழியில் ஹீரோ சிக்குவது, அதற்கு
மன்னிப்பு கேட்கிறேன், என்று கூறி தேவாலய பாதிரியார் கொலை,
என்று காட்சிகள் கோர்வையே இல்லாமல் நகர்ந்துக்கொண்டிருக்க,
இயக்குநர் என்ன தான் சொல்லப் போகிறார், கதையை எப்போது
சொல்லப் போகிறார், என்று படம் பார்ப்பவர்கள் பறிதவிக்கிறார்கள்.

பிறகு ஹீரோவின் பிளாஸ்பேக் சொல்லப்படுகிறது. ”அப்பாடி,
இப்போதாவது கதையை சொல்லப் போகிறாரே”, என்று
பார்த்தால், அங்கே ஒரு விஷயத்திற்கு முக்கியத்துவம் கொடுத்துவிட்டு,
பிறகு அந்த காட்சியையும் ஒன்னுமில்லாமல் செய்துவிடுகிறார்
இயக்குநர்.

மொத்தத்தில், இயக்குநர் கிருஷ்ணகுமார், எதையோ சொல்ல வந்து
விட்டு, எதை எதையோ சொல்லி, அவர் குழம்பியதோடு,
ஆடியன்ஸையும் தாறுமாறாக குழப்புகிறார்.

இசை, ஒளிப்பதிவு என எதிலையும் தனித்துவம் இல்லை.
படத்திற்கு ஏற்றவாறு பயணிக்கிறது.

ஹீரோ மகாவின் நடிப்பு சுமார் என்பதைவிட சுத்தம் என்றே
சொல்லலாம், நாயகி மரினா மிச்செல், கர்லின் முடியோடு
கவர்வதோடு, காதல் காட்சிகளிலும் மனதை அள்ளுகிறார்.

’என்னுள் ஆயிரம்’ என்ற தலைப்புக்கும் படத்திற்கும் சம்மந்தம்
இல்லை என்றாலும், ஹீரோ மகாவுக்கு, காதல், காமம், ஆக்‌ஷன்,
காமெடி, செண்டிமெண்ட் என அனைத்து ஏரியாவிலும் நடிக்க
தெரியும் என்பதை நிரூபிப்பதற்காகவே, இயக்குநர் கிருஷ்ணகுமார்
இப்படத்தை இயக்கியிருக்கிறார்.

இப்படத்தில் வரும் மேனஜர் கதாபாத்திரம் ஒன்று,
அடிக்கடி ரூமுக்கு வா புல்லா தல்றேன்...., என்று தனக்கு கீழே வேலை
செய்பவர்களை சொல்லிக்கொண்டிருப்பார். ஆனால், இந்த படத்தைப்
பார்த்த பிறகு ரசிகர்கள் இயக்குநரை புல்லா தல்லுவாங்க.
-
-------------------------------------

ஜெ.சுகுமார்
தமிழ் தி இந்து காம்

என்னுள் ஆயிரம், என்ற தலைப்புக்கு ஏற்றவாறு படத்தில்
ஆயிரக்கணக்கான விஷயங்களை இயக்குநர் கிருஷ்ணகுமார்
சொல்லியிருந்தாலும், அவை படத்திற்கு சம்மந்தமில்லாதவாறே
உள்ளது.

மொத்தத்தில், இயக்குநர் கிருஷ்ணகுமார், எதையோ சொல்ல வந்து
விட்டு, எதை எதையோ சொல்லி, அவர் குழம்பியதோடு,
ஆடியன்ஸையும் தாறுமாறாக குழப்புகிறார்.

இசை, ஒளிப்பதிவு என எதிலையும் தனித்துவம் இல்லை.
படத்திற்கு ஏற்றவாறு பயணிக்கிறது.

ஹீரோ மகாவின் நடிப்பு சுமார் என்பதைவிட சுத்தம் என்றே
சொல்லலாம்,

மொத்தத்தில் படம் ரொம்ப தண்டம்............. இந்தப்படத்தை வெளி இடத்தான் தியட்டர் கிடைக்கலை என்று டெல்லி கணேஷ் சத்தம் போட்டுக்கொண்டிருந்தாரா............

மகனை அறிமுகப்படுத்தும் முதல் படத்தின்
திரைக்கதையை தேர்வு செய்ததில் ஏற்பட்ட
குறைபாடு...
-
இனியாவது சுதாரித்துக்கொண்டால் சரி....

ayyasamy ram wrote:மகனை அறிமுகப்படுத்தும் முதல் படத்தின்
திரைக்கதையை தேர்வு செய்ததில் ஏற்பட்ட
குறைபாடு...
-
இனியாவது சுதாரித்துக்கொண்டால் சரி....

மேற்கோள் செய்த பதிவு: 1207502

ஆமாம், ஆர்வக் கோளாறு என்று நினைக்கிறேன், 1000 சொல்லணும் என்று வந்து 1 கூட சொல்லாமல் போய்விட்டார்கள்