Latest topics

உடைந்த டியூப் லைட்டால் அறுத்துகொண்டு சீர்திருத்தப் பள்ளி சிறுவர்கள் 3 பேர் தற்கொலை முயற்சி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

உடைந்த டியூப் லைட்டால் அறுத்துகொண்டு சீர்திருத்தப் பள்ளி சிறுவர்கள் 3 பேர் தற்கொலை முயற்சி

Post by ayyasamy ram Tue May 17, 2016 7:31 am

உடைந்த டியூப் லைட்டால் உடலை அறுத்துக் கொண்டு
சென்னை கெல்லீஸ் சிறுவர் சீர்திருத்தப் பள்ளியைச்
சேர்ந்த 3 சிறுவர்கள் தற்கொலை முயற்சியில் ஈடுபட்டனர்.

இது குறித்து போலீஸ் தரப்பில் கூறப்பட்டதாவது:

கீழ்ப்பாக்கம் கெல்லீஸில் அரசு சிறுவர் சீர்திருத்தப் பள்ளி
செயல்படுகிறது. இங்குள்ள 3 மாணவர்கள், ஞாயிற்றுக்கிழமை
இரவு தங்களது அறையில் பொருத்தப்பட்டிருந்த டியூப்
லைட்டால் கையையும், தொடைப் பகுதியையும் அறுத்து
கொண்டு தற்கொலை முயற்சியில் ஈடுபட்டதாகக்
கூறப்படுகிறது.

இதைப் பார்த்த சீர்திருத்தப்பள்ளி ஊழியர்கள்,
அந்த 3 பேரையும் மீட்டு கீழ்ப்பாக்கம் அரசு மருத்துவமனையில்
அனுமதித்தனர்.

இது குறித்து தகவல் அறிந்த போலீஸார், விசாரணை நடத்தினர்.
விசாரணையில், 3 மாணவர்களையும் அவர்களது பெற்றோர்
ஜாமீனில் எடுக்கவில்லை என்பதும், மேலும் பெற்றோர்,அந்த
சிறுவர்களைப் பார்க்கவும் வரவில்லை என்பதும் தெரியவந்தது.

இதனால் வேதனையடைந்த சிறுவர்கள் தற்கொலை முயற்சியில்
ஈடுபட்டிருப்பதும் விசாரணையில் தெரியவந்துள்ளது.

இது தொடர்பாக போலீஸார், மேலும் விசாரணை நடத்தி
வருகின்றனர்
-
-----------------
தினமணி

ayyasamy ram: வழிநடத்துனர்; பதிவுகள் : 82786
இணைந்தது : 30/09/2013